டிரம்ப் மீது கொலை முயற்சி?.. கையில் துப்பாக்கியுடன் ரிசார்ட்டுக்குள் நுழைந்த இளைஞர் சுட்டுக்கொலை...!

அமெரிக்க அதிபர் டொனால்ட் டிரம்ப் வார நாட்களில் வெள்ளை மாளிகையிலும், வார இறுதி நாட்களில் அவருக்குச் சொந்தமான பாம் பீச்சில் உள்ள பிரபலமான மார்-எ-லாகோ எஸ்டேட்டிலும் தங்குவது வழக்கம். 

இந்நிலையில் நேற்று இரவு சுமார் 1.30 மணி அளவில் துப்பாக்கி மற்றும் எரிபொருள் கேனுடன் பாம் பீச்சில் உள்ள மார்-எ-லாகோ எஸ்டேட்டிற்குள் நுழைய முயன்ற மர்ம நபரை சீக்ரெட் சர்வீஸ் ஏஜெண்ட் சுட்டுக்கொன்றதால் பரபரப்பு நிலவி வருகிறது. 

விவரங்களின்படி, மார்-எ-லாகோ ரிசார்ட்டின் வடக்கு வாயிலில் ஒரு கார் வெளியேறும்போது, ​​மற்றொரு காரில் அந்நிய நபர் ஒருவர் உள்ளே நுழைந்தார். அவர் ஒரு துப்பாக்கி மற்றும் எரிபொருள் கேனை எடுத்துச் செல்வதைக் கவனித்த சீக்ரெட் சர்வீஸ் ஏஜெண்ட்கள் மற்றும் பாம் பீச் கவுண்டி ஷெரிப்பின் காவலர்கள் அவரைத் தடுத்து நிறுத்தினர். அவர்கள் அவரது ஆயுதங்களை கீழே வைக்க உத்தரவிட்டனர்.

இதையும் படிங்க: இந்திய பொருட்கள் மீது அமெரிக்கா வரிக்குறைப்பு... வளர்ச்சியின் மைல்கல்..! நயினார் பெருமிதம்..!

இருப்பினும், அந்த நபர் எரிபொருள் கேனை கீழே வைத்துவிட்டு, சீக்ரெட் ஏஜெண்ட்டைநோக்கி தனது துப்பாக்கியை நீட்டியிருக்கிறார். இதனைக் கண்ட மற்றொரு சீக்ரெட் ஏஜெண்ட் அவரை தனது துப்பாக்கியால்  மீது துப்பாக்கிச் சூடு நடத்தினர். பாம் பீச் கவுண்டி ஷெரிப் ரிக் பிராட்ஷா துப்பாக்கிச் சூடு நடந்த இடத்திலேயே அவர் இறந்துவிட்டதாக உறுதிப்படுத்தினார். சம்பவத்தில் ஊழியர்கள் யாரும் காயமடையவில்லை என தெரிவிக்கப்பட்டுள்ளது. 

இறந்தவர் வட கரோலினாவைச் சேர்ந்த 20 வயதுடையவர் என்று சந்தேகிக்கப்படுகிறது. சில நாட்களுக்கு முன்பு அவர் காணாமல் போனதாக அவரது குடும்ப உறுப்பினர்கள் புகார் அளித்ததாக அறியப்படுகிறது. சம்பவம் நடந்த நேரத்தில் டிரம்பும் அவரது மனைவி மெலனியாவும் வெள்ளை மாளிகையில் இருந்துள்ளனர். சந்தேக நபரின் நோக்கங்கள் மற்றும் அவரது மனநிலை குறித்து FBI விசாரணை நடத்தி வருகிறது. 2024 ஆம் ஆண்டில் டிரம்ப் மீது இரண்டு கொலை முயற்சிகள் நடந்ததை அடுத்து, இந்த சமீபத்திய சம்பவம் மீண்டும் பாதுகாப்புப் படையினரை எச்சரித்துள்ளது.

ஜூலை 13, 2024 அன்று, பென்சில்வேனியாவின் பட்லரில் நடந்த பிரச்சாரப் பேரணியில் படுகொலை முயற்சி நடந்தது. அப்போது துப்பாக்கி குண்டு டிரம்பின் காதை உரசி சென்றது. ரத்தம் சொட்ட, சொட்ட டிரம்ப் மக்கள் முன் நிற்கும் போட்டோக்கள் வைரலானதை அடுத்து அதுவே டிரம்ப் மீண்டும் அதிபராக அரியாணை ஏற மிக முக்கிய காரணமாக அமைந்தது. இரண்டு மாதங்களுக்குப் பிறகு, செப்டம்பர் 15, 2024 அன்று, வெஸ்ட் பாம் பீச்சில் உள்ள டிரம்பின் கோல்ஃப் மைதானத்திற்கு அருகில், அதிபர் ஒரு சுற்று விளையாடிக் கொண்டிருந்தபோது, ​​ஆயுதமேந்திய மற்றொரு சந்தேக நபர் காவலில் வைக்கப்பட்டார். அந்த நபருக்கு ஆயுள் தண்டனை விதிக்கப்பட்டது.
 

இதையும் படிங்க: யாருமே எதிர்பார்க்காத ட்விஸ்ட்... வேலூரில் விஜய் களமிறங்கும் முன்பே... தரமான சம்பவம் செய்த தவெக...!