ஓங்கும் செங்கோட்டையன் கை! சாரை சாரையாக குவிந்த TTV ஆதரவாளர்கள்...
முன்னாள் அமைச்சர் செங்கோட்டையனை காண அம்மா மக்கள் முன்னேற்ற கழக நிர்வாகிகள் குவிந்தனர்.
by
2026-ஆம் ஆண்டு தமிழ்நாடு சட்டமன்றத் தேர்தல் நெருங்கி வரும் நிலையில், அதிமுகவின் உட்கட்சி பிளவுகள் கட்சியின் வெற்றி வாய்ப்புகளை பாதித்து வருவதாக பலரும் கருதுகின்றனர். இந்தச் சூழலில், செங்கோட்டையன் ஈரோடு மாவட்டம் கோபிசெட்டிபாளையத்தில் உள்ள தனது கட்சி அலுவலகத்தில் செப்டம்பர் 5 அன்று செய்தியாளர்களைச் சந்தித்து, அதிமுகவை ஒருங்கிணைக்க வேண்டிய அவசியத்தை வலியுறுத்தினார். அதிமுக வலிமையாக இருக்க வேண்டுமெனில், கட்சியில் இருந்து வெளியேறியவர்களை உடனடியாக ஒருங்கிணைக்க வேண்டும்.
இந்தப் பணியை 10 நாட்களுக்குள் தொடங்க வேண்டும். இல்லையெனில், ஒத்த கருத்துடைய தலைவர்களுடன் இணைந்து இந்த முயற்சியை முன்னெடுப்போம், என்று அவர் கறாராகத் தெரிவித்தார். இந்தக் கருத்து, கட்சியின் பொதுச்செயலாளர் எடப்பாடி பழனிசாமிக்கு நேரடி அழுத்தத்தை ஏற்படுத்தியது.செங்கோட்டையனின் இந்தக் கோரிக்கை, கடந்த சில ஆண்டுகளாக அதிமுகவில் நிலவும் பிளவுகளை மையப்படுத்தியது. 2016-இல் ஜெயலலிதாவின் மறைவுக்குப் பிறகு, கட்சி பல அணிகளாகப் பிரிந்தது. ஓ. பன்னீர்செல்வம், சசிகலா, டி.டி.வி. தினகரன் ஆகியோர் கட்சியில் இருந்து பிரிந்து சென்றது, அதிமுகவின் வாக்கு வங்கியையும் ஒற்றுமையையும் பலவீனப்படுத்தியது.
இதன் விளைவாக, 2019 நாடாளுமன்றத் தேர்தல், 2021 சட்டமன்றத் தேர்தல், உள்ளாட்சித் தேர்தல்கள் என அடுத்தடுத்து தோல்விகளைச் சந்தித்தது கட்சி. இந்தப் பின்னணியில், செங்கோட்டையனின் கோரிக்கை, கட்சியை மீண்டும் ஒருங்கிணைத்து 2026-இல் ஆட்சியைக் கைப்பற்றுவதற்கான ஒரு முயற்சியாகப் பார்க்கப்படுகிறது. செங்கோட்டையனின் கோரிக்கைக்கு முதல் ஆதரவு, முன்னாள் முதலமைச்சர் ஓ. பன்னீர்செல்வத்திடம் இருந்து வந்தது. மேலும், சசிகலா, அதிமுகவின் முன்னாள் பொதுச்செயலாளராக இருந்தவர், செங்கோட்டையனின் கோரிக்கையை உற்சாகமாக வரவேற்றார்.
இதையும் படிங்க: அப்படி ஒன்னும் வருத்தமில்ல! நயினார் நல்ல நண்பர்.. மனம் திறந்த டிடிவி..!!
இந்த நிலையில், அதிமுக ஒருங்கிணைப்பு என்று கோரிக்கையை முன்வைத்து செங்கோட்டையனுடன் டிடிவி தினகரன் ஆதரவாளர்கள் சந்திப்பு நிகழ்த்தினர். கோபிசெட்டிபாளையத்தில் உள்ள செங்கோட்டையன் இல்லத்திற்கு அம்மா மக்கள் முன்னேற்றக் கழகத்தின் நிர்வாகிகள் வருகை தந்தனர். அமமுக மாவட்டச் செயலாளர்கள் உள்ளிட்ட பல்வேறு நிர்வாகிகள் வருகை தந்தனர். 10க்கும் மேற்பட்ட மாவட்ட நிர்வாகிகள் உட்பட 400க்கும் மேற்பட்டோர் வந்துள்ளனர்.
இதையும் படிங்க: வர்ற தேர்தல்ல சம்பவம் இருக்கு! நாங்க யாருன்னு பாப்பீங்க... TTV தினகரன் பரபரப்பு பிரஸ்மீட்..!
