சரணடைய தயார்!! ஷேக் ஹசீனா திட்டவட்டம்! டிசம்பரில் வங்கதேசம் திரும்ப திட்டம்!!

டாக்கா: வங்கதேசத்தின் முன்னாள் பிரதமர் ஷேக் ஹசீனா வரும் டிசம்பர் மாதம் தனது தாயகத்திற்கு திரும்பி சரணடைய திட்டமிட்டுள்ளதாக தகவல் வெளியாகியுள்ளது. 2024-ம் ஆண்டு மாணவர் புரட்சியால் அவரது அரசு கவிழ்ந்த பிறகு இந்தியாவில் தஞ்சம் புகுந்த ஹசீனா, தற்போது தனது கட்சித் தலைவர்கள் மற்றும் தொண்டர்களுடன் நாடு திரும்ப முடிவு செய்துள்ளார்.

வங்கதேசத்தில் தடை செய்யப்பட்டுள்ள அவரது அவாமி லீக் கட்சியின் உறுப்பினர்களுடன் இணைந்து, தானாக முன்வந்து நீதிமன்றத்தில் ஆஜராக அவர் திட்டமிட்டுள்ளதாகக் கூறப்படுகிறது. கடந்த நவம்பரில் அவருக்கு மரண தண்டனை விதிக்கப்பட்ட நிலையில், இந்த முடிவு பெரும் கவனத்தை ஈர்த்துள்ளது. 

மாணவர்கள் தலைமையிலான போராட்டத்தை அடக்க அவர் கொடூரமான உத்தரவுகளைப் பிறப்பித்ததாக அவர்மீது குற்றம் சாட்டப்பட்டது. இந்தக் குற்றச்சாட்டுகளை ஹசீனா தொடர்ந்து மறுத்து வருகிறார்.

இதையும் படிங்க: #BREAKING: 5 தொகுதிகளில் இடைத்தேர்தல் அறிவிக்க தடை... உயர்நீதிமன்றம் அதிரடி ஆணை..! அரசியலில் பரபரப்பு..!!

20 ஆண்டுகளுக்கு மேல் பலமுறை பிரதமராக பதவி வகித்த ஹசீனா, திரும்பி வரும் போது தன்னை கைது செய்யலாம் அல்லது கொல்லக் கூடும் என அஞ்சுகிறார். இருப்பினும், “என் கட்சித் தலைவர்கள் மற்றும் தொண்டர்கள் கடுமையான அடக்குமுறைக்கு உள்ளாக்கப்படுகிறார்கள். ஒருவேளை மரணம் வருமானால், என் பெற்றோர் அடக்கம் செய்யப்பட்ட, அவர்களின் ரத்தம் சிந்தப்பட்ட என் சொந்த மண்ணிலேயே வர வேண்டும்” என்று உணர்ச்சிகரமாகக் கூறியுள்ளார்.

தற்போதைய வங்கதேச அரசும், இடைக்கால அரசும் ஹசீனாவை தங்களிடம் ஒப்படைக்குமாறு இந்தியாவிடம் தொடர்ந்து கோரிக்கை விடுத்து வருகின்றன. இந்த நிலையில் அவரது தாயகம் திரும்பும் முடிவு வங்கதேச அரசியலில் புதிய மாற்றங்களை ஏற்படுத்தும் என எதிர்பார்க்கப்படுகிறது.

ஹசீனாவின் இந்த அறிவிப்பு அவரது ஆதரவாளர்கள் மத்தியில் நம்பிக்கையை ஏற்படுத்தியுள்ளது. அதேசமயம், அவருக்கு எதிரான தரப்பினர் கடுமையான எதிர்ப்பை வெளியிட்டுள்ளனர். டிசம்பர் மாதம் அவர் திரும்பினால், நாட்டில் பெரும் பரபரப்பு ஏற்படும் என அரசியல் பார்வையாளர்கள் கருதுகின்றனர்.

வங்கதேசத்தின் அரசியல் வரலாற்றில் நீண்டகாலம் ஆட்சி செய்த ஷேக் ஹசீனாவின் தாயகம் திரும்பும் முடிவு, அந்நாட்டின் எதிர்கால அரசியல் சூழலை எப்படி பாதிக்கும் என்பதைப் பொறுத்திருந்து தான் பார்க்க வேண்டும்.

இதையும் படிங்க: இனி டிரான்ஸ்ஃபர் கேட்டா சிரமம்தான்! மக்கள் தொகை கணக்கெடுப்பு! அதிகாரிகள் இடமாற்றத்துக்கு தடை!