சூடானில் உள்நாட்டு போர்!! ஆயிரக்கணக்கனோர் மாயம்! கட்டவிழும் பாலியல் வன்முறைகள்!

வடக்கு ஆப்ரிக்க நாடான சூடானின் டார்பூர் பகுதியில் உள்ள எல்-பாஷர் நகரம், சமீபத்தில் துணை ராணுவப் படை ஆர்.எஸ்.எப். (ரேபிட் சப்போர்ட் ஃபோர்ஸஸ்) கைப்பற்றியது. ஆனால், இந்தக் கைப்பற்றல் பிறகு நடந்த பெரும் மனித உரிமை மீறல்கள் உலகத்தை அதிர்ச்சி அளிக்கின்றன. ஆயிரக்கணக்கானோர் மாயமாகியுள்ளனர். 2,000-க்கும் மேற்பட்டோர் கொல்லப்பட்டுள்ளனர். பெண்கள், குழந்தைகள் மீது பாலியல் வன்முறைகள் நடந்துள்ளன. இது 'உண்மையான படுகொலை' என்று சர்வதேச அமைப்புகள் குற்றம் சாட்டுகின்றன. சூடானின் உள்நாட்டுப் போர், இன்னும் கொடூரமாக மாறியுள்ளது.

சூடானில் என்ன நடக்கிறது? நாட்டின் அதிகார ராணுவமான சூடான் ஆயுதப் படைகள் (எஸ்.ஏ.எப்.) தலைமையில் ஜெனரல் அப்தெல் பத்தாஹ் அல்-பூர்ஹான் உள்ளார். அவர்களுக்கு எதிராக, டார்பூரில் இனப் படுகொலைகளைச் செய்த ஜன்ஜாவித் போராளிகளின் பரம்பரையில் உள்ள ஆர்.எஸ்.எப். தலைமையில் ஜெனரல் முகமத் ஹம்தான் டகாலோ (ஹெமெத்டி என்று அழைக்கப்படுபவர்) உள்ளார். 

இந்த இரு பிரிவுகளும், 2019-இல் நீண்ட கால சர்வாதிகாரி ஓமர் அல்-பஷீரை ஆட்சியிலிருந்து அகற்றியதில் முக்கியப் பங்கு வகித்தன. ஆனால், அதன் பின் ஜனநாயக ஆட்சிக்கு மாற்றம், ஆர்.எஸ்.எப்.-ஐ ராணுவத்துடன் இணைப்பது போன்ற விவகாரங்களில் மோதல் வெடித்தது. 2023 ஏப்ரல் முதல், இது முழு உள்நாட்டுப் போராக மாறியது.

இதையும் படிங்க: நாங்களும் சுப்ரீம் கோர்ட் போவோம்… திமுகவுக்கு மாஜி அமைச்சர் ஜெயக்குமார் சவால்…!

எல்-பாஷர் நகரம், டார்பூரின் முக்கியத் தலைநகரமாகும். 18 மாதங்களாக ஆர்.எஸ்.எப். சுற்றி வைத்திருந்தது. அங்கு 3 லட்சத்துக்கும் மேற்பட்ட மக்கள் சிக்கிக் கொண்டிருந்தனர். உணவு, மருந்து போன்றவை செல்லவில்லை. பஞ்சம், பசி நெருக்கடி ஏற்பட்டது. அக்டோபர் 26 அன்று, ஆர்.எஸ்.எப். நகரத்தை முழுமையாகக் கைப்பற்றியது. ராணுவம் (எஸ்.ஏ.எப்.) 'பாதுகாப்பான இடத்திற்கு' விலகியதாக அறிவித்தது. ஆனால், இந்தக் கைப்பற்றல் பிறகு கொடூரங்கள் தொடங்கின.

எல்-பாஷரில் என்ன நடந்தது? ஆர்.எஸ்.எப். போராளிகள், நகரத்திற்கு வெளியேற முயன்ற மக்களைத் தடுத்து, இனம், பாலினம், வயது ஆகியவற்றின் அடிப்படையில் பிரித்தனர். ஆண்களை 'ராணுவ வீரர்கள்' என்று சந்தேகித்து சுட்டுக் கொன்றனர். சோஷியல் மீடியாவில் பரவிய வீடியோக்களில், ஆயுதமில்லாத மக்கள் கூட்டமாக சுட்டுக் கொல்லப்படுவது, உடல்கள் சாலைகளில் கிடப்பது தெரிகிறது. சிலர் வாகனங்களால் ஏற்றி கொல்லப்பட்டனர். 

பெண்கள், சிறுமிகள் மீது கூட்டு பாலியல் வன்முறைகள் நடந்தன. ஐ.நா. அறிக்கையின்படி, எல்-பாஷர் பல்கலைக்கழகம் அருகிலுள்ள இடம்பெயர்ந்தோர்க் குடியிருப்பில் 25 பெண்கள் கூட்டு பாலியல் வன்முறைக்கு ஆளானனர். பலர் பணம் கேட்டு கொடுமை செய்யப்பட்டனர். 5 மில்லியன் முதல் 30 மில்லியன் சூடான் ரூபாய் (8,000 முதல் 50,000 டாலர் வரை) வரை கேட்டனர்.

இந்த வன்முறைகளால், 36,000-க்கும் மேற்பட்ட மக்கள் கால்நடையாக அருகிலுள்ள தாவிலா, டவிலா போன்ற நகரங்களுக்கு தப்பிச் சென்றனர். ஆனால், ஆயிரக்கணக்கானோர் மாயமாகி உள்ளனர். ஐ.எச்.ஆர்.டபிள்யூ (ஹ்யூமன் ரைட்ஸ் வாட்ச்) அறிக்கையின்படி, சோதனை செய்யப்பட்ட வீடியோக்களில் 100-க்கும் மேற்பட்ட கொலைகள் உறுதிப்படுத்தப்பட்டுள்ளன. 

யேல் பல்கலைக்கழகத்தின் ஆராய்ச்சி அமைப்பு, செயற்கைக்கோள் படங்களில் உடல்கள் குவிந்திருப்பதை கண்டறிந்தது. சூடான் டாக்டர்கள் நெட்வொர்க், 1,500-க்கும் மேற்பட்டோர் கொல்லப்பட்டதாக தெரிவித்துள்ளது. ராணுவம் 2,000 என்று கூறுகிறது. 13 பத்திரிகையாளர்கள் மாயமாகியுள்ளனர். மூன்று பெண் பத்திரிகையாளர்கள் பாலியல் வன்முறைக்கு ஆளானதாக கமிட்டி டு புரோடெக்ட் ஜர்னலிஸ்ட்ஸ் (சிபிஜே) அறிவித்துள்ளது.

இந்தப் படுகொலைகள், இன அடிப்படையில் நடந்துள்ளன. ஆர்.எஸ்.எப். 'அரபு இனத்தவரை' தாக்கவில்லை என்று கூறுகிறது. ஆனால், 'மாசலிட்' போன்ற அரபு இல்லாத இன மக்கள் இலக்காக்கப்பட்டுள்ளனர். ஐ.நா. உயர் ஹ்யூமானிட்டேரியன் அதிகாரி டாம் ஃப்ளெட்சர், "ஆர்.எஸ்.எப்.-இன் கட்டுப்பாட்டில் இருக்கும் பகுதிகளில் இது போன்ற கொடூரங்கள் தொடர்கின்றன" என்றார். ஐ.நா. தலைவர் அன்டானியோ குட்டரெஸ், "மோசமான மோதல்" என்று கண்டித்தார். ஆர்.எஸ்.எப். சில போராளிகளை 'மீறல்களுக்காக' கைது செய்ததாகக் கூறுகிறது. ஆனால், ஐ.நா. அதன் உண்மைத்தன்மையை கேள்விக்குள்ளாக்குகிறது.

சூடானின் உள்நாட்டுப் போர், 2023 முதல் 40,000-க்கும் மேற்பட்டோர் இறந்துள்ளது. 1.4 கோடி மக்கள் இடம்பெயர்ந்துள்ளனர். இது உலகின் மிகப்பெரிய மனிதாபிமான நெருக்கடி. டார்பூர் முழுவதும் ஆர்.எஸ்.எப். கட்டுப்பாட்டில் உள்ளது. இது நாட்டை பிரிக்க வழிவகுக்கலாம். இரு தரப்பும் போர் குற்றங்கள் செய்துள்ளன என்று ஐ.நா. விசாரணை குழு தெரிவித்துள்ளது. சர்வதேச குற்றவியல் நீதிமன்றம் (ஐ.சி.சி.) ஆர்.எஸ்.எப். தலைவர் ஹெமெத்டி மற்றும் அவரது சகோதரருக்கு எதிராக சான்க்ஷன்கள் விதிக்க வேண்டும் என்று கோருகிறது.

இதையும் படிங்க: பாஜகவின் பாதம்தாங்கி பழனிச்சாமி... தமிழ்நாட்டில் பேச மோடிக்கு தைரியம் இருக்கா? முதல்வர் ஸ்டாலின் விளாசல்...!