பாக், அழகிகளை அமெரிக்க அதிகாரிகளுடன் அனுப்பி வையுங்கள்- இந்தியாவை அழிக்க 'ரூட்' போடும் நஜாம் சேத்தி

பாகிஸ்தான் அமெரிக்காவை கவர, தனது புவிசார் முக்கியத்துவம், பயங்கரவாத எதிர்ப்பு ஒத்துழைப்பு, இராஜதந்திர ஈடுபாடு ஆகியவற்றை பயன்படுத்துகிறது. ஆனாலும், பயங்கரவாதத்துக்கு ஆதரவு என்ற குற்றச்சாட்டுகள், இந்தியாவுடனான அமெரிக்காவின் நெருக்கம் ஆகியவை இந்த முயற்சிகளுக்கு தடைகளாக உள்ளன.அமெரிக்காவின், பாகிஸ்தானுடனான இந்த உறவு  "ரோலர் கோஸ்டர்" போன்று ஏற்ற இறக்கங்களுடனே தொடர்கிறது.

இந்நிலையில், பாகிஸ்தானின் பிரபல பத்திரிகையாளரும், அரசியல் ஆய்வாளருமான நஜாம் சேத்தி, அந்நாட்டு தொலைக்காட்சிக்கு அளித்துள்ள பேட்டி சர்ச்சையைக் கிளப்பி உள்ளது. அவர், ''அமெரிக்காவில் இந்தியாவின் செல்வாக்கை குறைக்க, பாகிஸ்தான் 'பப்களுக்கு' அமெரிக்க சிந்தனையாளர்களுடன் தங்கள் 'அழகால்' கவரக்கூடிய சில பெண்களை அனுப்பி வைக்க வேண்டும்' எனத் தெரிவித்துள்ளார்.

''அமெரிக்க சிந்தனையாளர்களை கவர்ந்திழுக்க பெண்களை பப்களுக்கு அனுப்புவதன் மூலம், அமெரிக்காவில் இந்திய செல்வாக்கை பாகிஸ்தான் எதிர்க்க வேண்டும்'' என்று அவர் பரிந்துரைத்துள்ளார். இது, ஏப்ரல் 2025 இல் பஹல்காம் பயங்கரவாத தாக்குதலைத் தொடர்ந்து இந்தியா-பாகிஸ்தான் பதட்டங்கள் அதிகரித்துள்ள நிலையில் சர்ச்சைக்குரிய, வழக்கத்திற்கு மாறான ராஜதந்திர உத்தியை பிரதிபலிக்கிறது.

இதையும் படிங்க: பாகிஸ்தான் தோற்று போன ஒரு நாடு.. பாக்.கை டாராக கிழித்து தொங்கவிட்ட ஓவைசி!

இடதுசாரி வர்ணனையாளராகவும், பாகிஸ்தான் கிரிக்கெட் வாரியத்தின் முன்னாள் தலைவராகவும் இருந்த முக்கியமான நபராகக் கருதப்படும் நஜாம் சேத்தி, பாகிஸ்தான் உலக நாடுகளுக்கிடையே எதிர்கொள்ளும் சவால்களை சமாளிப்பதை நோக்கமாகக் கொண்ட தனது ஆத்திரமூட்டும் கருத்துக்களை முன் வைத்து வருபவர். இந்தியா யூடியூப்பில் சமா டிவி போன்ற பாகிஸ்தான் ஊடக சேனல்களைத் தடை செய்துள்ளது.

உலகெங்கிலும் உள்ள நாடுகள் இந்தியாவின் நீதிக்கான கோரிக்கைக்கு ஆதரவாக திரண்டு வரும் நிலையில், நஜாம் சேத்தியின் இந்த  கருத்து பாகிஸ்தானை முற்றிலுமாக அம்பலப்படுத்தியுள்ளது.

நஜாம் சேத்தியின் இந்த கருத்து பாகிஸ்தானுக்குள்ளும் சர்வதேச அளவிலும் எதிர்வினையைத் தூண்டியுள்ளது. சமூக ஊடகங்கள் கோபத்தால் வெடித்த அதே வேளையில், பாகிஸ்தானிய பெண்களும், ஆர்வலர்களும் பெண்களை இழிவுபடுத்துவதற்கும், ராஜதந்திரத்தை அற்பமாக்குவதற்கும் இந்தக் கருத்துக்களை பரவலாகக் கண்டித்துள்ளனர்.

“அப்போ, அதுதான் அடுத்த தலைமுறை 21 ஆம் நூற்றாண்டு, அதிநவீன தொழில்நுட்பம் கொண்ட, திருட்டுத்தனமான பாகிஸ்தானின் கொடிய ஏவுகணையா..? என கேள்வி எழுப்பி வருகின்றனர்.

மேலும் பேசிய அவர், ''பாகிஸ்தானின் கொள்கை இந்தியாவிடமிருந்து  அச்சுறுத்தலை எதிர்கொண்டால், அதன் விளைவுகளை ஏற்றுக்கொண்டு அணு ஆயுதத் தாக்குதலைத் தொடங்குவது நியாயமானது. இந்த நிலைப்பாடுதான் பாகிஸ்தான் தொடர்ந்து முதல்-பயன்பாட்டு ஒப்பந்தத்தில் கையெழுத்திட மறுத்ததற்கான முதன்மைக் காரணம்.

பாகிஸ்தானின் நீர் விநியோகத்தை இந்தியா தடுக்க முயன்றாலோ அல்லது பொருளாதார ரீதியாக கழுத்தை நெரிக்கும் செயல்களை மேற்கொண்டாலோ, பாகிஸ்தான் தற்காப்புக்காக அணு ஆயுதங்களைப் பயன்படுத்தக்கூடும். ​பாகிஸ்தானுக்கு எதிரான இந்தியாவின் குற்றச்சாட்டுகள் ஆதாரமற்றது. நமது முன்னாள் பிரதமர்களில் ஒருவர் கூறியது போல், மத விழாக்களைக் கொண்டாடுவதற்காக நாம் அணு ஆயுதங்களை உருவாக்கவில்லை.

இந்தியா ஒரு சிவப்பு கோட்டைத் தாண்டினால் - தண்ணீரைத் தடுக்க முயற்சிப்பதன் மூலமோ, பாகிஸ்தான் பிரதேசத்தை ஆக்கிரமிப்பதன் மூலமோ அல்லது கராச்சியை பொருளாதார ரீதியாக நெரிப்பதன் மூலமோ நடந்தால் பாகிஸ்தான் சொந்த மண்ணில் அணுசக்தி எதிர்வினையை நிராகரிக்க முடியாது'' எனத் தெரிவித்துள்ளார். 

இதையும் படிங்க: இந்தியா எங்களை தாக்கினால் அணு ஆயுதங்களை எடுப்போம்.. பீதியில் பாகிஸ்தான் தூதர் பிதற்றல்.!!