ஈரான் மீதான தாக்குதல் 5 நாட்களுக்கு நிறுத்தம்! அதிபர் ட்ரம்ப் அதிரடி அறிவிப்பு!

மத்திய கிழக்கு பிராந்தியத்தில் போர் உச்சக்கட்டத்தை எட்டியுள்ள நிலையில், அமெரிக்க அதிபர் டொனால்ட் ட்ரம்ப் ஒரு முக்கியத் திருப்புமுனையாகத் தாக்குதல் நிறுத்தத்தை அறிவித்துள்ளார். ஈரான் தனது கட்டுப்பாட்டில் உள்ள ஹோர்முஸ் நீரிணையை முழுமையாகத் திறக்க வேண்டும் என்றும், இல்லையெனில் அந்நாட்டின் மின் உற்பத்தி நிலையங்கள் நிர்மூலமாக்கப்படும் என்றும் ட்ரம்ப் 48 மணி நேரக் கெடு விதித்திருந்தார். அந்தக் கெடு இன்றுடன் முடிவடைய இருந்த நிலையில், இந்த புதிய அறிவிப்பு வெளியாகியுள்ளது.

ஈரானுடன் கடந்த இரண்டு நாட்களாக மிகவும் ஆழமான மற்றும் ஆக்கப்பூர்வமான பேச்சுவார்த்தைகள் நடைபெற்றன. இந்தப் பேச்சுவார்த்தையின் போக்கும் தன்மையும் திருப்திகரமாக இருப்பதால், ஈரானின் மின் உற்பத்தி நிலையங்கள் மற்றும் எரிசக்தி உள்கட்டமைப்புகள் மீதான அனைத்துத் தாக்குதல்களையும் 5 நாட்களுக்குத் தள்ளி வைக்குமாறு பாதுகாப்புத் துறைக்கு உத்தரவிட்டுள்ளேன்.

இதையும் படிங்க: மத்திய கிழக்கு போரில் 6 இந்தியர்கள் பலி! மாயமான ஒருவரை தேடும் பணி தீவிரம்!

இந்தத் திடீர் மாற்றத்திற்குப் பின்னால் ட்ரம்ப்பின் சிறப்புத் தூதர் ஸ்டீவ் விட்காஃப் மற்றும் மருமகன் ஜாரெட் குஷ்னர் ஆகியோர் ஈரானியத் தரப்புடன் நடத்திய ரகசியப் பேச்சுவார்த்தைகளே காரணம் எனக் கூறப்படுகிறது. இந்தப் பேச்சுவார்த்தைகள் வாரம் முழுவதும் தொடரும் என்றும், அதன் வெற்றியைப் பொறுத்தே அடுத்தகட்ட முடிவுகள் எடுக்கப்படும் என்றும் ட்ரம்ப் குறிப்பிட்டுள்ளார்.

இருப்பினும், ஈரான் தரப்பில் இந்தப் பேச்சுவார்த்தையை இன்னும் அதிகாரப்பூர்வமாக உறுதிப்படுத்தவில்லை. அமெரிக்காவின் எச்சரிக்கைக்குப் பணிந்து ட்ரம்ப் பின்வாங்கியுள்ளதாக ஈரான் ஊடகங்கள் செய்தி வெளியிட்டு வருகின்றன. ட்ரம்ப்பின் இந்த அறிவிப்பைத் தொடர்ந்து, உலகச் சந்தையில் கச்சா எண்ணெய் விலை கணிசமாகக் குறையத் தொடங்கியுள்ளது. இது இந்தியப் பங்குச்சந்தைகளிலும் நேர்மறையான தாக்கத்தை ஏற்படுத்தும் என எதிர்பார்க்கப்படுகிறது.

இதையும் படிங்க: ஈரானுக்கு முடிவுரை? ஒரே நாளில் 58 கப்பல்கள் காலி! அணு ஆயுத எச்சரிக்கையுடன் ஆவேசமாக பேசிய டிரம்ப்!