Golf Club கட்டணும்.. எல்லாரும் வெளியே போங்க! வியட்நாமில் ட்ரம்ப் அட்டூழியம்.. வேதனையில் விவசாயிகள்!!

வியட்நாமின் ஹங் யென் மாகாணத்தில் அமெரிக்க அதிபர் டொனால்ட் டிரம்ப் குடும்பத்தோட பெயரில் உருவாகப் போகும் 1.5 பில்லியன் டாலர் மதிப்புள்ள கோல்ஃப் மைதான திட்டம் பெரிய சர்ச்சையை கிளப்பியிருக்கு. இந்த திட்டத்துக்காக 990 ஹெக்டேர் விவசாய நிலங்கள் கையகப்படுத்தப்படுது, இதனால ஆயிரக்கணக்கான விவசாயிகள் தங்கள் வாழ்வாதாரத்தை இழக்கும் நிலைக்கு தள்ளப்பட்டிருக்காங்க. 

இவங்களுக்கு சொற்பமான இழப்பீடும், சில மாதங்களுக்கு அரிசி ரேஷனும் மட்டுமே கொடுக்கப்பட்டு, நிலத்தை காலி செய்ய சொல்லியிருக்காங்க. இந்த விவகாரம், வியட்நாமில் உள்ள விவசாயிகளிடையே கோபத்தையும், உலக அளவில் கண்டனங்களையும் எழுப்பியிருக்கு.

இந்த கோல்ஃப் மைதான திட்டம், வியட்நாமின் Kinhbac City நிறுவனமும், டிரம்ப் நிறுவனமும் இணைந்து செயல்படுத்துறாங்க. டிரம்ப் நிறுவனத்துக்கு 5 மில்லியன் டாலர் உரிமைக் கட்டணம் கொடுத்து, இந்த ஆடம்பர திட்டத்தை Kinhbac City முன்னெடுக்குது. 54-ஹோல் கோல்ஃப் மைதானம், ஆடம்பர வில்லாக்கள், ரிசார்ட்டுகள், நவீன நகர வளாகம் ஆகியவை இதுல அடங்கும். 

இதையும் படிங்க: வியட்நாமை சூறையாடிய விபா புயல்.. கரையை கடந்த பின்னும் கண்ணீர் வடிக்கும் மக்கள்!!

ஆனா, இந்த திட்டத்துக்காக, வாழை, லாங்கன், மற்ற பயிர்கள் விளையும் 990 ஹெக்டேர் விவசாய நிலங்கள் கையகப்படுத்தப்படுது. இந்த நிலங்களில் தலைமுறைகளாக விவசாயம் செய்து வாழ்ந்து வர்ற விவசாயிகள், இப்போ இந்த நிலங்களை விட்டு வெளியேற வேண்டிய நிலைமைக்கு தள்ளப்பட்டிருக்காங்க.

வியட்நாமில் நிலம் அரசு கட்டுப்பாட்டில் இருக்குறதால, விவசாயிகளுக்கு இழப்பீடு பற்றி பேச்சுவார்த்தை நடத்த உரிமை இல்லை. ஒரு சதுர மீட்டருக்கு 12 முதல் 30 டாலர் வரை இழப்பீடு கொடுக்கப்படும்னு அதிகாரிகள் சொல்றாங்க. உதாரணமா, 50 வயசு விவசாயி நுயேன் தி ஹூங், தன்னோட 200 சதுர மீட்டர் நிலத்துக்கு 3,200 டாலரும், சில மாதங்களுக்கு அரிசியும் மட்டுமே இழப்பீடா பெறுவார்னு சொல்லியிருக்காங்க. 

இது, வியட்நாமில் ஒரு வருஷ சராசரி சம்பளத்தை விட குறைவு! இப்படி ஆயிரக்கணக்கான விவசாயிகள், குறிப்பா வயசானவங்க, இந்த இழப்பீடு வச்சு எப்படி புது வாழ்க்கையை தொடங்குவாங்கன்னு கவலையில் இருக்காங்க. “இந்த திட்டம் எங்க முழு கிராமத்தையும் வேலையில்லாம, நிலமில்லாம விட்டுடும்னு” ஹூங் கவலைப்படுறார்.

இந்த திட்டம், அமெரிக்காவுக்கும் வியட்நாமுக்கும் இடையே நடக்குற வர்த்தக பேச்சுவார்த்தைகளோட ஒரு பகுதியா பார்க்கப்படுது. வியட்நாமின் ஏற்றுமதிக்கு அமெரிக்கா 46% வரி விதிக்கலாம்னு மிரட்டியிருக்குற நிலையில், இந்த திட்டத்துக்கு வேகமா அனுமதி கொடுக்கப்பட்டிருக்கு. 

மே 2025-ல், டிரம்பின் மகன் எரிக் டிரம்ப் பங்கேற்ற தொடக்க விழாவுக்கு முன்னாடி, சுற்றுச்சூழல் மதிப்பீடு, பொது மக்கள் கருத்து உள்ளிட்ட சட்ட நடைமுறைகள் தவிர்க்கப்பட்டிருக்கு. இது, வியட்நாமின் சட்டங்களை மீறியதா கருதப்படுது, இதனால டிரம்ப் நிறுவனத்துக்கு சிறப்பு சலுகை கொடுக்கப்பட்டதா குற்றச்சாட்டு எழுந்திருக்கு.

இந்த திட்டத்துக்கு எதிரா விவசாயிகளிடையே பெரிய கோபம் கிளம்பியிருக்கு. “எங்களுக்கு பேச்சுவார்த்தை உரிமை இல்லை. இது வெட்கக்கேடு”னு விவசாயி டோ டின் ஹூங் கூறியிருக்கார். 54 வயசு விவசாயி நுயேன் தி சுக், “நான் வயசாகிட்டேன், விவசாயம் தவிர வேற வேலை என்னால செய்ய முடியாது”னு கவலைப்படுறார். இந்த திட்டம், ஆடம்பர கோல்ஃப் மைதானங்களையும், வில்லாக்களையும் உருவாக்கப் போகுது, ஆனா இதனால விவசாயிகளோட வாழ்க்கை பறிபோகுதுன்னு கண்டனங்கள் எழுந்திருக்கு.

டிரம்ப் நிறுவனம், இந்த திட்டத்துக்கு தங்கள் பிராண்டை மட்டுமே உரிமையாக கொடுத்திருக்காங்க, இழப்பீடு விவகாரத்தில் தங்களுக்கு தொடர்பு இல்லைன்னு சொல்லுது. ஆனா, இந்த திட்டம் அமெரிக்க-வியட்நாம் உறவை வலுப்படுத்தும்னு எரிக் டிரம்ப் தொடக்க விழாவில் பேசியிருக்கார். வியட்நாமின் பிரதமர் ஃபாம் மின் சின், இந்த திட்டத்துக்கு முழு ஆதரவு கொடுப்போம்னு உறுதியளிச்சிருக்கார்.

இந்த கோல்ஃப் மைதான திட்டம், வியட்நாமில் ஆடம்பரத்தை உருவாக்கலாம, ஆனா விவசாயிகளோட வாழ்வாதாரத்தை பறிக்கிறது. சட்ட மீறல்கள், குறைந்த இழப்பீடு, விவசாயிகளின் உரிமை மறுப்பு ஆகியவை இந்த திட்டத்தை சர்ச்சையாக்கியிருக்கு. 

இதையும் படிங்க: இனி பைக் ஓட்ட கூடாது! வியட்நாமில் ஸ்ட்ரிக்ட் ரூல்ஸ்!! பிரதமர் ஃபாம் மின் சின் உத்தரவால் சர்ச்சை!!