பெரம்பலூரில் விஜய் பிரச்சாரத்திற்கு அனுமதி! ஆனால்... ட்விஸ்ட் வைத்த போலீஸ்

தமிழ்நாட்டின் அரசியல் களத்தில் புதிய அலை என்று கருதப்படும் தமிழக வெற்றிக் கழக தலைவர் விஜய், 2026 சட்டமன்றத் தேர்தலை முன்னிட்டு தனது தேர்தல் பிரச்சாரத்தை தொடங்கத் தயாராகியுள்ளார். இந்தப் பிரச்சாரப் பயணம், செப்டம்பர் 13 அன்று திருச்சி மாவட்டத்தில் இருந்து தொடங்கி, டிசம்பர் 20 வரை சனிக்கிழமைகளில் மட்டும் நடைபெறும் என அறிவிக்கப்பட்டுள்ளது. இதன் ஒரு பகுதியாக, பெரம்பலூர் மாவட்டத்தில் பிரச்சாரம் மேற்கொள்ள அனுமதி கோரப்பட்டது.

இது த.வெ.க-வின் முதல் அரசியல் சுற்றுப்பயணத்தின் முக்கிய அங்கமாகக் கருதப்படுகிறது. விஜய்யின் சுற்றுப்பயணம், மக்களுடன் நேரடி சந்திப்புகள் மற்றும் பொது மக்கள் சந்திப்புகளை அடிப்படையாகக் கொண்டு உருவாக்கப்பட்டுள்ளது. இது மக்களுடன் சந்திப்பு என்ற பெயரில் நடைபெறும் என்று கட்சி வட்டாரங்கள் தெரிவிக்கின்றன. பெரம்பலூர் மாவட்டம், திருச்சி, அரியலூர் ஆகிய மாவட்டங்களுடன் இணைந்து முதல் வார சுற்றுப்பயணத்தின் ஒரு பகுதியாகத் தேர்ந்தெடுக்கப்பட்டுள்ளது. இதன் மூலம், விஜய் அந்தந்த மாவட்டங்களின் உள்ளூர் பிரச்சினைகளைப் பற்றி பேசி, கட்சியின் கொள்கைகளைப் பரப்பத் திட்டமிட்டுள்ளார்.

கட்சியின் பொதுச் செயலாளர் புஸ்ஸி ஆனந்த், இந்த அனுமதி பெறுவதற்கான முக்கிய பொறுப்பாளராக செயல்பட்டு வருகிறார்.பெரம்பலூரில் பிரச்சாரம் நடத்துவதற்கான அனுமதி கோரி, கட்சியினர் மாவட்ட காவல் கண்காணிப்பாளர் அலுவலகத்தில் அதிகாரப்பூர்வ கடிதத்தை அளித்தனர். இந்தக் கடிதத்தில், பெரம்பலூர் மாவட்டத்தின் குன்னம் பேருந்து நிலையம் மற்றும் காமராஜர் வளைவு பகுதிகளில் பிரச்சார நிகழ்ச்சிகளை நடத்த அனுமதி கோரப்பட்டது. 

இதையும் படிங்க: விறுவிறு சுற்றுப்பயணம்! ரூட்டை மாற்றிய விஜய்... எங்க பேச போறாரு தெரியுமா?

இந்த நிலையில், பெரம்பலூரில் விஜய் பிரச்சாரம் நடத்த அனுமதி வழங்கப்பட்டுள்ளது. ஆனால், காமராஜர் வளைவு பகுதிக்கு பதில் மேற்கு வானொலி திடல் பகுதியில் பிரச்சாரம் செய்ய அனுமதி வழங்கப்பட்டுள்ளது. மேற்கு வானொலி திடல் பகுதியில் பல்வேறு நிபந்தனைகளுடன் பிரச்சாரம் செய்ய அனுமதி கொடுக்கப்பட்டுள்ளது. காமராஜர் வளைவு பகுதியில் மக்கள் கூட்டம் அதிக அளவில் காணப்படும் என்பதால், கூட்ட நெரிசலை தவிர்க்க மாற்று இடம் வழங்கப்பட்டுள்ளதாக தகவல் வெளியாகியுள்ளது. 

இதையும் படிங்க: விஜய் பிரச்சாரத்திற்கு பல கெடுபிடிகள்... முடியவே முடியாது! திட்டவட்டமாக ஏற்க மறுக்கும் தவெக..!