டெல்லி கிளம்பிய விஜய்! சென்னையில் அவசர கூட்டம்! கூட்டணி குறித்து ஆலோசிக்கும் தவெக!

தமிழக சட்டசபை தேர்தல் 2026 நெருங்கி வரும் நிலையில், தமிழக வெற்றிக்கழகம் (தவெக) தலைவர் விஜய் கூட்டணி அமைப்பது குறித்து கட்சியில் தீவிர ஆலோசனை நடந்து வருகிறது. இன்று சி.பி.ஐ. விசாரணைக்காக டெல்லி செல்லும் விஜய், அங்கு கூட்டணி தொடர்பாக சில முக்கிய நபர்களை சந்திக்கும் திட்டமும் உள்ளதாக தகவல்கள் வெளியாகியுள்ளன.

கரூர் நெரிசல் மரண வழக்கு தொடர்பாக சி.பி.ஐ. சம்மன் அனுப்பியதால், விஜய் இன்று மதியம் 3 மணிக்கு சென்னையிலிருந்து டெல்லி புறப்படுகிறார். நாளை காலை சி.பி.ஐ. விசாரணைக்கு ஆஜராகிறார். இந்நிலையில், பாஜக தரப்பில் தவெகவை என்.டி.ஏ. கூட்டணிக்கு இழுக்கும் முயற்சிகள் தீவிரமடைந்துள்ளன. விஜய்க்கு நெருக்கமான விஷ்ணு ரெட்டி, தன் கோவா நண்பர் மூலம் டெல்லி பாஜக தலைவர்களுடன் பேசி வருவதாகவும் தகவல் வெளியாகியுள்ளது.

இதற்கிடையே, நேற்று தவெக பொதுச்செயலர் புஸ்ஸி ஆனந்த் ஆன்லைன் வழியாக மாவட்டச் செயலர்கள் கூட்டத்தை திடீரென கூட்டினார். “கூட்டணி அமைத்து போட்டியிடலாமா?” என்று கேட்டார்.

இதையும் படிங்க: விஜய் டெல்லி பயணம்? அதிமுக -பாஜ கூட்டணியில் தவெக இணைகிறதா? சஸ்பென்ஸை உடைத்தார் நயினார் நாகேந்திரன்!

கூட்டத்தில் பங்கேற்ற 98 மாவட்டச் செயலர்களில் பெரும்பாலானோர், “கூட்டணி அமைத்தால் வெற்றி கிடைக்கும். கணிசமான தொகுதிகள் கிடைக்கும். விஜய் துணை முதல்வராகலாம்” என்று கருத்து தெரிவித்தனர். “யாருடன் கூட்டணி?” என்ற கேள்விக்கு “யாருடனும் அமைக்கலாம்” என்று பதிலளித்தனர்.

சிலர் “தனித்து போட்டியிடலாம்” என்றாலும், ஆனந்த் ஆன்லைன் ஓட்டெடுப்பு நடத்தினார். அதில் பெரும்பாலானோர் கூட்டணிக்கு ஆதரவு தெரிவித்தனர். இதைத் தொடர்ந்து ஆனந்த் விஜயுடன் ஆலோசனை நடத்தியுள்ளார். கூட்டணி தொடர்பாக கட்சித் தலைமை விரைவில் முடிவு அறிவிக்கும் என்று எதிர்பார்க்கப்படுகிறது.

தவெக தனித்து போட்டியிடுவதால் செலவு அதிகம், வெற்றி வாய்ப்பு குறைவு என்ற கருத்து நிர்வாகிகளிடம் பரவியுள்ளது. எனவே கூட்டணி அமைப்பதே சாத்தியமான வழி என்று பெரும்பாலானோர் கருதுகின்றனர். விஜய் டெல்லி பயணத்தின் போது என்.டி.ஏ. தரப்புடன் பேச்சு நடத்தினால், தமிழக அரசியலில் பெரிய திருப்பம் ஏற்படலாம் என்று அரசியல் வட்டாரங்கள் கூறுகின்றன. தவெகவின் அடுத்த அறிவிப்பு எதிர்பார்ப்பை ஏற்படுத்தியுள்ளது.

இதையும் படிங்க: ரூ.5 கோடி இல்லையே! கைவிரித்த நிர்வாகிகள்! கூட்டணியை நோக்கி விஜய் நகர இதுதானா காரணம்!