நாங்க போருக்கு பயப்படல! இஸ்ரேலுக்கு சிரியா அதிபர் கொடுத்த வார்னிங்!

சிரியாவின் இடைக்கால அதிபர் அகமது அல்-ஷாரா, இஸ்ரேலின் தாக்குதல்களுக்கு பதிலடி கொடுக்கும் விதமா, "நாங்க போருக்கு அஞ்சமாட்டோம்"னு கடுமையான எச்சரிக்கை விடுத்திருக்காரு. ஜூலை 16, 2025-ல், இஸ்ரேல் சிரியாவின் தலைநகர் டமாஸ்கஸில் உள்ள ராணுவ தலைமையகத்தை வான்வழி தாக்குதல் மூலம் குறிவச்சு தாக்கியது.

இந்த தாக்குதலுக்கு பதிலா, ஷாரா, "நாங்க எப்பவுமே சவால்களை எதிர்கொண்டு வந்திருக்கோம், இஸ்ரேல் நினைச்சா எங்களை யுத்தத்துக்கு இழுக்கலாம்னு பாக்குறாங்க, ஆனா அவங்களுக்கு அது வேலைக்கு ஆகாது"னு தெளிவா சொல்லியிருக்காரு. இந்த பதில், சிரியாவில் பஷார் அல்-அசத் ஆட்சி கவிழ்ந்த பிறகு, ஷாராவின் முதல் பொது அறிக்கையா இருக்கு, இது மத்திய கிழக்க பதற்றத்தை மேலும் உயர்த்தியிருக்கு

சிரியாவில் 13 வருஷ உள்நாட்டு போருக்கு பிறகு, டிசம்பர் 2024-ல் ஹயாத் தஹ்ரிர் அல்-ஷாம் (HTS) கிளர்ச்சி குழு, பஷார் அல்-அசத் ஆட்சியை கவிழ்த்தது. இதன் தலைவரான அகமது அல்-ஷாரா (முன்னாள் பெயர்: அபு முகமது அல்-ஜொலானி), இடைக்கால அதிபரா பொறுப்பேற்றிருக்காரு.

இதையும் படிங்க: வறுமையில் சிக்கி உழலும் மக்கள்.. உதவிப்பொருட்கள் வழங்கும் இடத்தில் வெடித்த வன்முறை..!

இஸ்ரேல், அசத் ஆட்சி வீழ்ந்ததும், சிரியாவில் உள்ள ராணுவ கிடங்குகள், குறிப்பா ரசாயன ஆயுதங்கள், தவறான கைகளுக்கு போயிடக் கூடாதுனு கூறி, 310-க்கும் மேல வான்வழி தாக்குதல்களை நடத்தியிருக்கு. இதுல டமாஸ்கஸ், அலெப்போ மாதிரியான முக்கிய இடங்கள் குறிவச்சு தாக்கப்பட்டிருக்கு

ஷாரா, இஸ்ரேலின் தாக்குதல்களை “அப்பட்டமான ஆக்கிரமிப்பு”னு கடுமையா கண்டிச்சிருக்காரு. "நாங்க யுத்தத்துக்கு பயப்படலை, எங்க வாழ்க்கையே சவால்களோட போராடி இருக்கு. ஆனா, எங்க மக்களோட பாதுகாப்பு மற்றும் நாட்டோட நலன்களுக்கு முன்னுரிமை கொடுக்குறோம்"னு அவர் கூறியிருக்காரு.

ஸ்வீடா மாகாணத்தில் ட்ரூஸ் சமூகத்துக்கு எதிரான வன்முறைகளுக்கு பதிலடியா இஸ்ரேல் தாக்குதல் நடத்தியதா கூறினாலும், ஷாரா இதை சிரியாவை பலவீனப்படுத்தும் முயற்சியா பார்க்குறாரு. அவர், வன்முறைக்கு காரணமானவங்களை கண்டுபிடிச்சு நீதிமன்றத்தில் ஒப்படைக்க விசாரணை ஆரம்பிச்சிருக்கோம்னு உறுதியளிச்சிருக்காரு.

இஸ்ரேலின் தாக்குதல்கள், சிரியாவில் இரான் ஆதரவு குழுக்களான ஹெஸ்பொல்லா மற்றும் பிற ஆயுத குழுக்களை குறிவச்சு நடத்தப்படுது. ஈரான், இந்த தாக்குதல்களை ஐ.நா. சாசனத்துக்கு எதிரானவையா கண்டிச்சிருக்கு.

இஸ்ரேல், சிரியாவில் ரசாயன ஆயுதங்கள் தவறான கைகளுக்கு போவதை தடுக்குறதுக்காகவும், கோலன் குன்றுகள் பகுதியில் பாதுகாப்பை உறுதி செய்யவும் இந்த தாக்குதல்களை நடத்துறதா கூறுது. ஆனா, சிரியா மனித உரிமைகள் கண்காணிப்பகம் (SOHR), இஸ்ரேல் 2025 தொடக்கத்தில் இருந்து 64 முறை தாக்குதல் நடத்தியிருக்குனு தெரிவிக்குது, இதுல முக்கிய ராணுவ இலக்குகள் அழிக்கப்பட்டிருக்கு

சிரியா, 13 வருஷ உள்நாட்டு போரால் பொருளாதாரம், உள்கட்டமைப்பு எல்லாம் சீரழிஞ்சு, மக்கள் இடம்பெயர்ந்து கஷ்டப்படுறாங்க. இப்போ இஸ்ரேலின் தாக்குதல்கள், நாட்டை மேலும் நிலைகுலைய வைக்குது. ஷாரா, HTS-ஐ பயங்கரவாத அமைப்பு இல்லைனு பாதுகாத்து, பொதுமக்களை குறிவைக்கலைனு வாதிடுறாரு. ஆனா, அமெரிக்கா, பிரிட்டன், ஐ.நா. இன்னும் HTS-ஐ பயங்கரவாத குழுவா பார்க்குது, இது ஷாராவுக்கு பெரிய சவாலா இருக்கு

ஷாராவின் இந்த எச்சரிக்கை, சிரியாவோட உறுதியான நிலைப்பாட்டை காட்டுது, ஆனா இஸ்ரேல் தாக்குதல்கள் தொடர்ந்தா, மத்திய கிழக்கில் பதற்றம் மேலும் அதிகரிக்கலாம் என தெரிகிறது.

இதையும் படிங்க: சிரியாவில் வெடித்த இனக்கலவரம்!! துரூஸ் இனத்தவருக்கு ஆதரவாய் களமிறங்கிய இஸ்ரேல்!