சென்னை வேட்பாளர்கள் யார்..? தொடர்ந்து சஸ்பென்ஸ் வைக்கும் அதிமுக..! தொண்டர்கள் ஷாக்..!!

ஏன்டிஏ கூட்டணியில் உள்ள கட்சிகளுக்கு 65 தொகுதிகள் ஒதுக்கீடு செய்யப்பட்டது. எஞ்சிய 169 தொகுதிகளில் அதிமுக போட்டியிடுகிறது. இந்த நிலையில் 127 பேர் அடங்கிய இரண்டாம் கட்ட வேட்பாளர் பட்டியலை அதிமுக பொதுச் செயலாளர் எடப்பாடி பழனிச்சாமி வெளியிட்டுள்ளார்.

இருப்பினும் சென்னை தொகுதிகளுக்கான வேட்பாளர்களை இன்னும் அறிவிக்காத அதிமுகவின் நிலைப்பாடு தமிழக அரசியல் களத்தில் குறிப்பிடத்தக்க விவாதத்தை ஏற்படுத்தியுள்ளது. 2026 சட்டமன்றத் தேர்தலுக்கான தயாரிப்புகளில் ஈடுபட்டுள்ள அதிமுக, தலைநகர் சென்னையின் 16 தொகுதிகளில் 3-ஐ மட்டும் கூட்டணிக் கட்சிகளுக்கு ஒதுக்கியுள்ளது.

மீதமுள்ள 13 தொகுதிகளில் ராயபுரம் ஒன்றுக்கு மட்டும் முன்னாள் அமைச்சர் டி. ஜெயக்குமாரை வேட்பாளராக ஏற்கனவே அறிவித்துள்ளது. ஆனால், எஞ்சிய 12 தொகுதிகளுக்கான வேட்பாளர்களை இதுவரை அறிவிக்காதது கட்சியின் உத்தியோகபூர்வ அறிவிப்புகளில் தாமதத்தை எடுத்துக்காட்டுகிறது.சென்னையில் அதிமுக நேரடியாகப் போட்டியிடும் 13 தொகுதிகள் ஆர்.கே. நகர், கொளத்தூர், வில்லிவாக்கம், திரு.வி.க. நகர் (தனி), எழும்பூர் (தனி), ராயபுரம், துறைமுகம், சேப்பாக்கம்-திருவல்லிக்கேணி, ஆயிரம் விளக்கு, அண்ணா நகர், விருகம்பாக்கம், தியாகராய நகர், வேளச்சேரி ஆகியவையாகும். இவற்றில் ராயபுரம் தொகுதியில் டி. ஜெயக்குமார் ஏற்கனவே பல முறை போட்டியிட்டு வெற்றி பெற்ற அனுபவம் கொண்டவர்.

இதையும் படிங்க: யார் அந்த SIR? நீங்காத மர்மம்... சும்மா விட மாட்டோம்..! அதிமுக சூளுரை..!!

1991 முதல் பல தேர்தல்களில் இத்தொகுதியுடன் தொடர்புடைய அவரை அதிமுக மீண்டும் களமிறக்கியுள்ளது. முதல் கட்ட வேட்பாளர் பட்டியலில் இடம்பெற்ற இந்த அறிவிப்பு, சென்னைக்கு மட்டுமின்றி மாநில அளவில் கட்சியின் மூத்த தலைவர்களுக்கு முன்னுரிமை அளிக்கும் உத்தியை பிரதிபலிக்கிறது. மீதமுள்ள 12 சென்னை தொகுதிகளுக்கான வேட்பாளர்கள் இன்னும் அறிவிக்கப்படாதது கட்சியின் உள் இயக்கங்களில் சில யூகங்களை தூண்டியுள்ளது. 

இதையும் படிங்க: #BREAKING: அதிமுக 2 ஆம் கட்ட வேட்பாளர் பட்டியல் வெளியீடு..! 127 வேட்பாளர்கள் யார்? முழு விவரம்...!!