அமைச்சர் ஆதவ் அர்ஜுனாவுடன் பேட்மிண்டன் விளையாடிய அன்புமணி... முதல்வர் விஜய்க்கும் பாராட்டு!

சென்னை நேரு உள் விளையாட்டு அரங்கில் நடைபெற்ற அகில இந்திய சீனியர் ரேங்கிங் பேட்மிண்டன் போட்டியின் தொடக்க விழா உற்சாகமான சூழலில் நடைபெற்றது. இந்தப் போட்டியை தமிழக விளையாட்டுத் துறை அமைச்சர் ஆதவ் அர்ஜுனா மற்றும் பா.ம.க. தலைவர், தமிழ்நாடு பேட்மிண்டன் கூட்டமைப்பின் தலைவருமான அன்புமணி ராமதாஸ் ஆகியோர் இணைந்து தொடங்கி வைத்தனர். நிகழ்ச்சியில் மாநிலம் முழுவதும் இருந்து வந்திருந்த வீரர்கள், பயிற்சியாளர்கள் மற்றும் விளையாட்டு ஆர்வலர்கள் பங்கேற்றனர்.

போட்டியை தொடங்கி வைத்து பேசிய அன்புமணி ராமதாஸ், விளையாட்டு வளர்ச்சிக்காக தமிழக அரசு மேற்கொண்டு வரும் முயற்சிகளை பாராட்டினார். குறிப்பாக, போதைப்பொருளுக்கு எதிரான விழிப்புணர்வை ஏற்படுத்தும் நோக்கில் நடைபெற்ற மாரத்தான் ஓட்டத்தில் முதலமைச்சர் விஜய் நேரடியாக பங்கேற்று ஓடியது வரவேற்கத்தக்க நடவடிக்கை என்று அவர் தெரிவித்தார். இளைஞர்களுக்கு நல்ல முன்னுதாரணமாக அந்த நிகழ்வு அமைந்ததாகவும் அவர் கூறினார்.

மேலும், தமிழக விளையாட்டுத் துறை அமைச்சர் ஆதவ் அர்ஜுனாவின் செயல்பாடுகளையும் அன்புமணி பாராட்டினார். முந்தைய விளையாட்டுத் துறை அமைச்சர்களுடன் ஒப்பிடும்போது, ஆதவ் அர்ஜுனாவின் அணுகுமுறை வித்தியாசமாக இருப்பதாகவும், விளையாட்டு வீரர்களின் முன்னேற்றத்திற்கு புதிய முயற்சிகளை மேற்கொண்டு வருவதாகவும் அவர் குறிப்பிட்டார். விளையாட்டை ஊக்குவிக்கும் வகையில் அரசு தொடர்ந்து செயல்பட வேண்டும் என்றும் அவர் வலியுறுத்தினார்.

இதையும் படிங்க: இப்படி நட்டாற்றில் விடலாமா? இது நியாயமா? பாமகவில் மீண்டும் புகைச்சல்! ராமதாஸ் - அன்புமணி -ஸ்ரீகாந்தி பனிப்போர்!

நிகழ்ச்சியின் சிறப்பு அம்சமாக, இளம் பேட்மிண்டன் வீரர்களுடன் அமைச்சர் ஆதவ் அர்ஜுனாவும், அன்புமணி ராமதாஸும் இணைந்து நட்பு ரீதியிலான ஆட்டத்தில் பங்கேற்றனர். இருவரும் எதிரெதிர் அணிகளில் களமிறங்கி சில நிமிடங்கள் பேட்மிண்டன் விளையாடிய காட்சி, அரங்கில் இருந்தவர்களின் கவனத்தை ஈர்த்தது. போட்டியை காண வந்திருந்த ரசிகர்கள் மற்றும் வீரர்கள் கரவொலி எழுப்பி இருவரையும் உற்சாகப்படுத்தினர்.

அகில இந்திய அளவில் நடைபெறும் இந்த சீனியர் ரேங்கிங் பேட்மிண்டன் போட்டியில் பல்வேறு மாநிலங்களைச் சேர்ந்த முன்னணி வீரர்கள் பங்கேற்றுள்ளனர். தேசிய தரவரிசையை நிர்ணயிக்கும் முக்கிய போட்டிகளில் இதுவும் ஒன்றாக இருப்பதால், இளம் வீரர்களுக்கு தங்களது திறமையை வெளிப்படுத்தும் சிறந்த வாய்ப்பாக இந்த தொடர் கருதப்படுகிறது.

இதையும் படிங்க: முதல்வர் விஜய் உடன் நெருக்கம் வேண்டாம்!! அன்புமணி ராமதாஸுக்கு வன்னியர் சங்கங்கள் வார்னிங்!