விவசாயிகள் வாழ்க்கையோடு விளையாடாதீங்க!! பயிர்க்கடனில் நடக்கும் மோசடி!! திமுகவை எச்சரிக்கும் அண்ணாமலை!

சென்னை: பொங்கல் பண்டிகை விவசாயத்தை போற்றும் விழாவாக இருக்கும் போது, தேர்தல் விளம்பரத்துக்காக விவசாயிகளின் பயிர்க் கடன் தொகையை மடைமாற்றம் செய்து மோசடி செய்திருக்கிறது திமுக அரசு என்று தமிழக பாஜக முன்னாள் தலைவர் கே. அண்ணாமலை கடுமையாக சாடியுள்ளார்.

தமிழகத்தில் உள்ள கூட்டுறவு வங்கிகள் மூலம் விவசாயிகள் பெறும் பயிர்க் கடன் திட்டம் பல ஆண்டுகளாக செயல்படுத்தப்பட்டு வருகிறது. இதன்படி, பழைய கடனை முழுமையாக அடைத்த பிறகு புதிய பயிர்ச் சாகுபடிக்காக கடன் புதுப்பிக்கப்படும். 

ஆனால், தற்போது பல ஆயிரக்கணக்கான விவசாயிகள் பழைய கடனை செலுத்தி முடித்தும் புதிய கடன் புதுப்பிக்கப்படாமல் காத்திருக்கும் நிலை ஏற்பட்டுள்ளது. இதனால் விவசாயிகள் கடும் பண நெருக்கடியில் சிக்கித் தவித்து வருகின்றனர் என்று அண்ணாமலை சுட்டிக்காட்டியுள்ளார்.

இதையும் படிங்க: என்னது சம்பளம் கொடுக்க மாட்டீங்களா? முதல்ல மரியாதை கொடுங்க..! அண்ணாமலை கொந்தளிப்பு..!

பொங்கல் பரிசுத் தொகையாக ரேஷன் அட்டைதாரர்களுக்கு ரூ.3,000 வழங்குவதற்கு திமுக அரசிடம் பணம் இல்லை என்ற நிலையில், விவசாயிகளுக்கான பயிர்க் கடன் நிதியை அதற்காக பயன்படுத்தியிருப்பதாக அண்ணாமலை குற்றம்சாட்டியுள்ளார். இது விவசாயிகளை மனரீதியாக பெரிதும் பாதித்துள்ளதாகவும் அவர் கூறினார்.

பொங்கல் பண்டிகை விவசாயிகளின் உழைப்பையும் விவசாயத்தையும் கொண்டாடும் விழா என்பதை சுட்டிக்காட்டிய அண்ணாமலை, "தேர்தல் நெருங்கும் நேரத்தில் வாக்காளர்களை கவர்வதற்காக விவசாயிகளை திட்டமிட்டு ஏமாற்றியிருக்கிறது திமுக அரசு. இது திட்டமிட்ட மோசடி" என்று கடுமையாக விமர்சித்தார்.

மேலும், உடனடியாக விவசாயிகளின் பயிர்க் கடன்களை புதுப்பித்து, அதற்கான நிதியை விடுவிக்க வேண்டும் என்றும், விவசாயிகளின் வாழ்க்கையுடன் விளையாடக்கூடாது என்றும் திமுக அரசுக்கு அண்ணாமலை வலியுறுத்தியுள்ளார்.

இந்த குற்றச்சாட்டு தமிழக அரசியலில் பெரும் பரபரப்பை ஏற்படுத்தியுள்ளது. பொங்கல் பரிசுத் தொகை திட்டத்தை அறிவித்து மக்களிடையே பாராட்டு பெற்ற திமுக அரசு, தற்போது பாஜகவின் இந்த தாக்குதலால் தற்காப்பு நிலைக்கு தள்ளப்பட்டுள்ளது. விவசாயிகள் நலன் குறித்த இந்த விவகாரம் வரும் நாட்களில் மேலும் விவாதப் பொருளாக மாறும் என்று எதிர்பார்க்கப்படுகிறது.

இதையும் படிங்க: இனியாச்சு அதிகார துஷ்பிரயோகத்தை நிறுத்துங்க... தீபத்தூண் தீர்ப்பை சுட்டிக்காட்டிய அண்ணாமலை...!