இன்று முதல் அமலாகும் 4 புதிய சட்டங்கள்!! வரலாற்று சிறப்புமிக்க நாள்!! மிகப்பெரிய சீர்திருத்தம்!!

இந்தியாவின் கோடிக்கணக்கான தொழிலாளர்களுக்கு இன்று ஒரு மறக்க முடியாத நாள். நவம்பர் 22, 2025 முதல் நீண்ட காலமாக எதிர்பார்க்கப்பட்ட நான்கு புதிய தொழிலாளர் சட்டங்கள் முழு அளவில் அமலுக்கு வந்துவிட்டன. இந்தச் சட்டங்கள் ஒரே நேரத்தில் 29 பழைய மற்றும் சிக்கலான தொழிலாளர் சட்டங்களை ஒழித்துவிட்டு, எளிமையான, நவீனமான, தொழிலாளர் நட்பு விதிமுறைகளை நாடு முழுவதும் கொண்டு வந்துள்ளன.

இந்தப் பெரிய சீர்திருத்தத்தால் இனிமேல் எந்தத் தொழிலாளியும் வாய்மொழி உறுதிமொழியை மட்டும் நம்பி வேலைக்குச் செல்ல வேண்டியதில்லை. அனைவருக்கும் கட்டாய எழுத்துப் பூர்வ நியமனக் கடிதம் வழங்கப்பட வேண்டும் என்று சட்டம் கட்டாயப்படுத்துகிறது. இது வேலைப் பாதுகாப்பையும், வெளிப்படைத்தன்மையையும் உறுதி செய்கிறது. 

அதேபோல், இதுவரை ஒழுங்கமைக்கப்படாத துறையில் பணியாற்றிய கோடிக்கணக்கான தொழிலாளர்களும் இனி பி.எஃப், ஈ.எஸ்.ஐ.சி, காப்பீடு உள்ளிட்ட சமூகப் பாதுகாப்புத் திட்டங்களைப் பெற முடியும். எந்தத் தொழிலாளியும் சட்டப்படி நிர்ணயிக்கப்பட்ட குறைந்தபட்ச ஊதியத்துக்கு கீழே சம்பளம் வாங்க முடியாது. ஊதியம் சரியான நேரத்தில் வந்து சேர வேண்டும் என்பதும் கட்டாயமாக்கப்பட்டுள்ளது.

இதையும் படிங்க: அரியணை நமக்கு தான்... அலர்ட்- ஆ இருக்கணும்... திமுக நிர்வாகிகளுடன் முதல்வர் ஆலோசனை...!

பிரதமர் திரு நரேந்திர மோடி இதை “சுதந்திரத்துக்குப் பிறகு தொழிலாளர்கள் நலனுக்காக மேற்கொள்ளப்பட்ட மிகப் பெரிய சீர்திருத்தம்” என்று வர்ணித்தார். “என் உழைக்கும் சகோதர, சகோதரிகளுக்கு இது வரலாற்றுச் சிறப்புமிக்க நாள். இந்தச் சட்டங்கள் தொழிலாளர்களுக்கு அதிகாரம் அளிக்கும், வணிகம் செய்வதை எளிதாக்கும், புதிய வேலை வாய்ப்புகளை உருவாக்கும், உற்பத்தித்திறனை அதிகரிக்கும். 

சமூகப் பாதுகாப்பு, சரியான நேரத்தில் ஊதியம், பாதுகாப்பான பணியிடம் ஆகியவற்றை உறுதி செய்யும். குறிப்பாக நம் தாய்மார்கள், சகோதரிகள், இளைஞர்கள் இதனால் மிகுந்த பயன் அடைவார்கள்” என்று பிரதமர் உருக்கமாகத் தெரிவித்தார்.

மத்திய தொழிலாளர் நலன் மற்றும் வேலைவாய்ப்பு அமைச்சர் திரு மன்சுக் மண்டவியா, “இது வெறும் சட்ட மாற்றம் அல்ல, தொழிலாளர்களின் வாழ்க்கையையே மாற்றியமைக்கும் புரட்சிகர நடவடிக்கை” என்று கூறினார்.

இந்தச் சட்டங்கள் தொழிலாளர்களுக்கு உரிமைகளையும் பாதுகாப்பையும் தந்து நிற்கும் அதே நேரத்தில், தொழில் நிறுவனங்களுக்கு விதிமுறைகளை எளிமையாக்கி, முதலீடுகளை ஈர்க்கவும், புதிய தொழிற்சாலைகள் தொடங்கவும் வழி வகுக்கின்றன. இதன் மூலம் இந்தியா வளர்ச்சியடைந்த நாடு என்ற இலக்கை நோக்கி இன்னும் வேகமாகப் பயணிக்கும் என்று மத்திய அரசு நம்பிக்கை தெரிவித்துள்ளது.

இன்று முதல் இந்தியத் தொழிலாளியின் வாழ்வில் புதிய அத்தியாயம் தொடங்கியிருக்கிறது. உழைப்புக்கு மரியாதையும், உரிமைக்கு உத்தரவாதமும் கிடைத்திருக்கும் இந்த நாள் நிச்சயம் வரலாற்றில் பொன் எழுத்துகளால் பொறிக்கப்படும்.

இதையும் படிங்க: அதிகாலையில் கேட்ட அலறல் சத்தம்... தலைக்குப்புற கவிழ்ந்த ஆம்னி பேருந்து...23 பயணிகளுக்கு நேர்ந்த பரிதாபம்...!