உள்ளுக்குள் புகுந்து இந்தியா வெறியடி... உள்ளே இருந்தே பலூச் மரண அடி... வெடித்துச் சிதறும் பாகிஸ்தான்..!

இந்தியாவுடனான பதற்றத்திற்கு மத்தியில், பலூசிஸ்தானில் பாகிஸ்தான் இராணுவத்தை கதறடித்து வருகிறது. பலூச் போராளிகள் படை பாகிஸ்தானின் பல இராணுவ நிலைகளைக் கைப்பற்றியுள்ளது. எரிவாயு குழாய் இணைப்பைத் தகர்த்துள்ளது.

இந்தியாவிடம் சிக்கிய பாகிஸ்தான் இராணுவத்தின் மோசமான நாட்கள் தொடங்கியுள்ளன. இந்தியாவிற்கும், பாகிஸ்தானுக்கும் இடையிலான பதட்டங்களுக்கு மத்தியில், பலூசிஸ்தானில் உள்ள கிளர்ச்சியாளர்கள் பாகிஸ்தான் இராணுவத்திற்கு எதிராக பெரும் அழிவை காட்டி வருகின்றனர். பலூசிஸ்தானின் தலைநகரான குவெட்டாவில் உள்ள பாகிஸ்தான் இராணுவத்தின் பல நிலைகளை பலூச் விடுதலை போராளிகள் கைப்பற்றியுள்ளனர். பாகிஸ்தான் இராணுவத்தை பின்வாங்க கட்டாயப்படுத்தியதாக பலூச் படை கூறியுள்ளது. நகரின் பல பகுதிகளில் பாகிஸ்தான் இராணுவம் கட்டுப்பாட்டை இழந்துள்ளது. எரிவாயு குழாய் இணைப்பைத் தகர்த்ததாக பலூச் படை கூறியுள்ளது.

எல்லைப்புறப் படைகளின் தலைமையகம் உட்பட முக்கிய இராணுவ நிலைகளுக்கு அருகில் வெடிப்புகள், துப்பாக்கிச் சூடு நடந்ததாக தகவல்கள் வெளியாகி உள்ளன. பலூச் போராளிகளின் தாக்குதல் பல முனைகளில் பாகிஸ்தானுக்கு சவாலை அதிகரித்துள்ளது. கைபர்-பக்துன்க்வாவில், தெஹ்ரீக்-இ-தலிபான் பாகிஸ்தான் ராணுவத்தைத் தொடர்ந்து தாக்கி வருகிறது. கடந்த சில நாட்களில், தெஹ்ரீக்-இ-தலிபான் தாக்குதல்களில் பல பாகிஸ்தான் வீரர்கள் கொல்லப்பட்டுள்ளனர். இதனுடன், பாகிஸ்தானில் உள்ள பயங்கரவாத தளங்களையும் இந்தியப் படைகள் தாக்கின.

இதையும் படிங்க: திரும்பிய பக்கமெல்லாம் அடி.. பாக். ராணுவம் மீது பலூச் விடுதலைப் படையும் தாக்குதல்!!

வியாழக்கிழமை இரவு ஜம்மு, பதான்கோட், உதம்பூர் உள்ளிட்ட இந்தியாவின் பல நகரங்களில் உள்ள ராணுவ தளங்களை ஏவுகணைகள்,ட் ரோன்கள் மூலம் பாகிஸ்தான் குறிவைக்க முயன்ற நேரத்தில், பலுசிஸ்தானில் பாகிஸ்தான் ராணுவம் மீதான தாக்குதல் செய்தி வந்துள்ளது. பாகிஸ்தானின் தாக்குதலை இந்திய ராணுவம் முறியடித்தது, லாகூர், இஸ்லாமாபாத், ராவல்பிண்டி உள்ளிட்ட பல பாகிஸ்தான் நகரங்களைத் தாக்கி பதிலடி கொடுத்தது.

ஒரு நாள் முன்னதாக, போலான் பகுதியில் பாகிஸ்தான் ராணுவத்தின் வாகனத் தொடரணி மீது பலூச் படை ஒரு பெரிய தாக்குதலை நடத்தியது. இந்தத் தாக்குதலில், ரோந்து சென்ற பாகிஸ்தான் ராணுவக் குழு குறிவைக்கப்பட்டது. பலூச் படையின் சிறப்பு நடவடிக்கைப் படை ரிமோட் கண்ட்ரோல் குண்டு வெடிப்பு மூலம் ராணுவ வாகனத்தை வெடிக்கச் செய்தது. இந்தத் தாக்குதலில் 12 பாகிஸ்தான் வீரர்கள் கொல்லப்பட்டனர்.

இதையும் படிங்க: விரட்டி விரட்டி வேட்டை... பாக்., ராணுவத்தை பொசுக்கும் பலூச்படை... ஒரே இரவில் 102 பேர் பலி..!