மும்பை தாக்குதல் பயங்கரவாதி!! தஹாவூர் ராணாவின் கனடா குடியுரிமை ரத்து?! இந்தியா வருவதற்கு முன்பே தயாராகும் ஆப்பு?!

2008 மும்பை பயங்கரவாத தாக்குதலில் 166 பேர் கொல்லப்பட்ட கொடூர சம்பவத்தில் முக்கிய பங்கு வகித்ததாக குற்றஞ்சாட்டப்பட்ட தஹாவூர் ஹுசைன் ராணா (64) என்ற பாகிஸ்தான் பிறப்பு கனடா குடிமகனின் குடியுரிமையை ரத்து செய்யும் நடவடிக்கையை கனடா அரசு தொடங்கியுள்ளது. 

இந்த அறிவிப்பு கனடா பிரதமர் மார்க் கார்னியின் இந்திய வருகைக்கு (பிப்ரவரி 26 முதல்) சில நாட்களுக்கு முன் வெளியாகியுள்ளது. இது இந்தியா-கனடா உறவை மீண்டும் சீரமைக்கும் முயற்சியாக பார்க்கப்படுகிறது.

தஹாவூர் ராணா 1997-ல் கனடாவுக்கு குடிபெயர்ந்து 2001-ல் குடியுரிமை பெற்றார். 2008 மும்பை தாக்குதல் சதியில் லஷ்கர்-இ-தொய்பா உறுப்பினர்களுக்கு உதவியதாக அமெரிக்கா குற்றம்சாட்டியது. 2019-ல் அமெரிக்காவில் கைது செய்யப்பட்ட அவர், கடந்த ஆண்டு (2025 ஏப்ரல்) இந்தியாவுக்கு ஒப்படைக்கப்பட்டு தற்போது சிறையில் உள்ளார். NIA விசாரணையில் அவர் மும்பை தாக்குதல் திட்டமிடலில் முக்கிய பங்கு வகித்ததாக தெரியவந்தது.

இதையும் படிங்க: முடிவுக்கு வருகிறது மனஸ்தாபம்! இந்தியா வருகிறார் கனடா பிரதமர்! காலிஸ்தான் சர்ச்சைக்கு முற்றுப்புள்ளி!

கனடா அரசின் இம்மைக்கிரேஷன் துறை (IRCC) ராணாவுக்கு அனுப்பிய அறிவிப்பில், 2000-ல் குடியுரிமைக்கு விண்ணப்பிக்கும்போது அவர் பொய் தகவல்கள் (கனடாவில் தங்கியிருந்த காலம் பற்றி) கொடுத்ததால் குடியுரிமை ரத்து செய்யப்படுவதாக கூறியுள்ளது.

பயங்கரவாத குற்றச்சாட்டுகளை அடிப்படையாகக் கொண்டு அல்ல, பொய் தகவல் காரணமாகவே இந்த நடவடிக்கை என்று தெளிவுபடுத்தியுள்ளது. இந்த வழக்கு கனடா ஃபெடரல் கோர்ட்டில் நடைபெறுகிறது.

முன்னாள் பிரதமர் ஜஸ்டின் ட்ரூடோ காலத்தில் இந்தியா-கனடா உறவு கடுமையாக பாதிக்கப்பட்டது. குறிப்பாக காலிஸ்தான் பிரிவினைவாதி ஹர்தீப் சிங் நிஜ்ஜார் கொலை விவகாரத்தில் இந்தியா மீது கனடா குற்றச்சாட்டு எழுப்பியது. தற்போது பிரதமரான மார்க் கார்னி (முன்னாள் பிரிட்டிஷ் வங்கி ஆளுநர்) இந்தியாவுடன் உறவை சீரமைக்க விரும்புகிறார். வர்த்தக ஒப்பந்தம், பொருளாதார ஒத்துழைப்பு உள்ளிட்டவற்றை மேம்படுத்த அவர் இந்தியா வருகிறார். ராணா விவகாரத்தில் இந்த நடவடிக்கை ஒரு "நல்லெண்ண சமிக்ஞை" என்று அரசியல் வட்டாரங்கள் கூறுகின்றன.

இந்தியா தரப்பில் இது வரவேற்கத்தக்கது. 26/11 தாக்குதல் பாதிக்கப்பட்ட குடும்பங்கள், தேசபக்தர்கள் இதை நீதிக்கான முக்கிய அடியாக பார்க்கின்றனர். கனடா இதை நிறைவேற்றினால், இரு நாடுகளுக்கும் இடையேயான நம்பிக்கை மீட்சிக்கு உதவும்.

ராணாவின் குடியுரிமை ரத்து நடைமுறை முடிந்தால், அவர் கனடா குடிமகன் இல்லாத நிலை ஏற்படும். இது இந்தியாவின் நீண்டகால கோரிக்கையை நிறைவேற்றும் முக்கிய படியாக அமையும்.

இதையும் படிங்க: #BREAKING: பேரதிர்ச்சி… தகைசால் தமிழர் நல்லகண்ணு காலமானார்..!!