ரஷ்யாவிடம் எண்ணெய் வாங்கலையா? ட்ரம்ப் பேச்சுக்கு மத்திய அரசு THUG பதில்!!

அமெரிக்க அதிபர் டொனால்டு ட்ரம்ப், தன்னோட “அமெரிக்கா முதல்” கொள்கையோடு உலக நாடுகள் மேல பரஸ்பர வரிகளை அள்ளி வீசிட்டு இருக்கார். இந்தியாவும் இதுக்கு தப்பல. இந்தியா-அமெரிக்கா இடையில வர்த்தக ஒப்பந்த பேச்சுவார்த்தை இன்னும் முடியாத சூழல்ல, இந்திய பொருட்களுக்கு 25% வரி விதிக்கப்படும்னு ட்ரம்ப் அறிவிச்சார். 

அதோட, இந்தியா ரஷ்யாவிடம் கச்சா எண்ணெய் வாங்குறதால ஒரு கூடுதல் அபராத வரியும் போடுவேன்னு மிரட்டினார். இதையெல்லாம் விட, “இந்தியாவும் ரஷ்யாவும் இறந்த பொருளாதாரங்கள்”னு ஒரு குத்து வேற வச்சார். இதுக்கு மத்தியில, இந்தியாவோட பொதுத்துறை எண்ணெய் சுத்திகரிப்பு நிறுவனங்கள் ரஷ்யாவிடம் எண்ணெய் வாங்குறதை நிறுத்திட்டதா ஒரு தகவல் வந்தது.

ஆனா, இந்த பரபரப்பு தகவலை மத்திய அரசு திட்டவட்டமா மறுத்துடுச்சு. “நாங்க ரஷ்யாவிடம் எண்ணெய் வாங்கறதை நிறுத்தல. எங்க எண்ணெய் நிறுவனங்கள் தொடர்ந்து ரஷ்யாவிடம் எண்ணெய் வாங்கிட்டு தான் இருக்கு”னு அரசு வட்டாரங்கள் தெளிவு படுத்தியிருக்கு.

இதையும் படிங்க: பார்த்து பேசுங்க! வார்த்தை முக்கியம்!! உச்சபட்ச கடுப்பில் ட்ரம்ப்!! ரஷ்யாவை தாக்க திட்டமா?

இந்தியாவோட எரிசக்தி கொள்முதல், சந்தை விலை, தேசிய நலன்கள், உலக சூழ்நிலைகளை வச்சு தான் முடிவு செய்யப்படுதுனு சொல்லியிருக்காங்க. இந்திய எண்ணெய் நிறுவனங்களுக்கு ரஷ்ய எண்ணெயை நிறுத்த சொல்லி எந்த உத்தரவும் அரசாங்கம் கொடுக்கலையாம்.

இந்த விஷயத்துல இந்திய வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால், ஒரு பேட்டியில ட்ரம்புக்கு ஒரு குட்டு வச்சு பதில் சொன்னார். “எங்க எரிசக்தி தேவைகளை பூர்த்தி செய்ய, சந்தையில என்ன கிடைக்குது, உலக சூழல் என்னனு பார்த்து தான் முடிவு எடுக்கிறோம். இந்தியாவோட நிலைப்பாடு ரொம்ப தெளிவா இருக்கு. ரஷ்யாவோட எங்களுக்கு நீண்டகால, நிலையான கூட்டாண்மை இருக்கு. 

அமெரிக்காவோட உறவும் பல சவால்களை தாண்டி வந்திருக்கு. இந்த உறவை முன்னே எடுத்துட்டு போறதுக்கு இந்தியா உறுதியா இருக்கு. எங்க இரு தரப்பு உறவுகளும், அந்தந்த நாடுகளோட தகுதியை வச்சு தான் முடிவு செய்யப்படுது. இதுல மூணாவது நாடு தலையிட வேண்டிய அவசியம் இல்ல”னு அழகா சொல்லிட்டார்.

இந்தியா, உலகத்துல மூணாவது பெரிய எண்ணெய் இறக்குமதி நாடு. 2022-ல உக்ரைன் போர் ஆரம்பிச்ச பிறகு, மேற்கத்திய நாடுகள் ரஷ்ய எண்ணெயை வாங்கறதை குறைச்சதால, இந்தியா ரஷ்யாவிடம் இருந்து தள்ளுபடி விலையில எண்ணெய் வாங்க ஆரம்பிச்சு, இப்போ ரஷ்யா இந்தியாவோட முக்கிய எண்ணெய் வழங்குநர்கள்ல ஒருத்தரா இருக்கு. இந்த எண்ணெய் இறக்குமதி, இந்தியாவோட பொருளாதாரத்துக்கு, குறிப்பா பணவீக்கத்தை கட்டுப்படுத்தறதுக்கு உதவியிருக்கு. 

ட்ரம்போட இந்த மிரட்டல்கள், இந்தியாவை அமெரிக்க எண்ணெய் வாங்க வற்புறுத்தற ஒரு உத்தியா இருக்கலாம்னு ஆய்வாளர்கள் சொல்றாங்க. ஆனா, இந்தியா தன்னோட தேசிய நலன்களை முன்னிட்டு, ரஷ்யாவோட வர்த்தகத்தை தொடருது. இந்த பதிலடி, ட்ரம்புக்கு இந்தியாவோட உறுதியான நிலைப்பாட்டை காட்டியிருக்கு! 

இதையும் படிங்க: மீண்டும் குலுங்கியது ரஷ்யா.. அடுத்தடுத்த நிலநடுக்கத்தால் மக்கள் அச்சம்.. மீண்டும் தாக்குமா சுனாமி?