டெல்லியை உலுக்கும் போராட்டம்... மாணவர்களுடன் இன்று பேச்சுவார்த்தை... தீர்வு எட்டப்படுமா..?

டெல்லியில் இன்று போராட்டக்காரர்களுடன் நடைபெற உள்ள பேச்சுவார்த்தை ஒரு முக்கியமான அரசியல் மற்றும் சமூக நிகழ்வாக உருவெடுத்துள்ளது. இளைஞர்கள் மையப்படுத்திய “காக்கரூச்” இயக்கம் என்று அழைக்கப்படும் இந்தப் போராட்டம், தேசிய தேர்வுகளில் ஏற்பட்ட பேப்பர் லீக் பிரச்னைகளுக்கு எதிராகக் கடந்த சில வாரங்களாக தீவிரமாக நடைபெற்று வருகிறது. இந்த இயக்கத்தின் தலைவர்கள் இன்று அரசாங்க அதிகாரிகளுடன் பேச்சுவார்த்தை நடத்த உள்ளனர்.

போராட்டக்காரர்கள் ஜந்தர் மந்தரில் தொடர்ந்து முகாமிட்டுள்ள நிலையில், அரசு தரப்பில் இருந்து வந்த அழைப்புகளை ஏற்று, நடுநிலை இடத்தில் இந்த சந்திப்பு நடைபெறும் எனத் தெரிவிக்கப்பட்டுள்ளது. இளைஞர்கள் மற்றும் மாணவர்களின் பிரதான கோரிக்கைகள், கல்வி அமைச்சர் தர்மேந்திர பிரதான் உடனடியாக பதவி விலக வேண்டும் என வலியுறுத்தி உள்ளனர்.

தேர்வு சீர்திருத்தங்கள், பேப்பர் லீக் காரணமாக தற்கொலை செய்து கொண்ட மாணவர்களின் குடும்பங்களுக்கு உரிய இழப்பீடு ஆகியவை ஆகும். இந்தக் கோரிக்கைகளை அரசு நிறைவேற்றும் வரை போராட்டம் தொடரும் என்ற உறுதியான நிலைப்பாட்டை இயக்கத் தலைவர்கள் வெளிப்படுத்தியுள்ளனர். 

இதையும் படிங்க: வெடிக்கும் நீட் பிரச்சனை... போராட்டக் களத்தில் குதித்த காங்கிரஸ்... ஸ்தம்பிக்கும் டெல்லி..!!

கடந்த சில நாட்களில் போராட்டம் தீவிரமடைந்தபோது, போலீஸ் தரப்பில் கண்ணீர் புகை மற்றும் தடியடி நடைபெற்றதாகவும், பலர் கைது செய்யப்பட்டதாகவும் தகவல்கள் வெளியாகின. இருப்பினும், போராட்டக்காரர்கள் மீண்டும் திரண்டு டெல்லியின் மையப் பகுதிகளில் தங்கள் போராட்டத்தைத் தொடர்ந்தனர். இந்த நிலையில் அரசு தரப்பில் பேச்சுவார்த்தைக்கு முன்வந்துள்ளது குறிப்பிடத்தக்கது. முன்பு நடைபெற்ற சந்திப்புகள் எதிர்பார்த்த முடிவைத் தராததால், இன்றைய பேச்சுவார்த்தை மீது போராட்டக்காரர்கள் அதிக நம்பிக்கை வைக்கவில்லை என்றாலும், உரையாடலை நிராகரிக்கவும் இல்லை.இந்த இயக்கம் இளைஞர்களின் பரவலான ஆதரவைப் பெற்றுள்ளது. 

இதையும் படிங்க: இந்தியா முழுவதும் இளைஞர்கள் எழுச்சி..! நாடு தழுவிய போராட்டத்திற்கு CJP அழைப்பு..!!