வெடித்தது போராட்டம்... மாறியது அரசியல் களம்... வருத்தம் அடைவதாக தர்மேந்திர பிரதான் உருக்கம்..!!

டெல்லியில் நடைபெற்று வரும் மாணவர்களின் தீவிர போராட்டத்திற்கு பிறகு, மத்திய கல்வி அமைச்சர் தர்மேந்திர பிரதான் தனது பதவியை ராஜினாமா செய்துள்ளார். இந்த முடிவு, நாடு முழுவதும் பெரும் அதிர்வலைகளை ஏற்படுத்தியுள்ளது. NEET-UG 2026 தேர்வில் ஏற்பட்ட கேள்வித்தாள் கசிவு மற்றும் பிற ஒழுங்கீனங்கள் தொடர்பாக டெல்லியின் ஜந்தர் மந்தரில் Cockroach Janta Party (CJP) தலைமையில் மாணவர்கள் நடத்திய நீண்டகால போராட்டமே இந்த ராஜினாமாவுக்கு முக்கிய காரணமாகக் கருதப்படுகிறது. 

போராட்டக்காரர்கள் தொடக்கத்தில் இருந்தே அமைச்சரின் ராஜினாமாவை முக்கியக் கோரிக்கையாக முன்வைத்து வந்தனர். ஜூன் 20 முதல் ஜந்தர் மந்தரில் தொடர்ந்த இந்தப் போராட்டத்தில், செயல்பாட்டாளர் சோனம் வாங்சுக் 26 நாட்கள் உண்ணாவிரதம் இருந்து ஆதரவு தெரிவித்தார். ஜூலை 20 அன்று போராட்டக்காரர்கள் மீது போலீசார் நடத்திய தடியடி சம்பவம் போராட்டத்தை மேலும் தீவிரப்படுத்தியது. எதிர்க்கட்சிகள், குறிப்பாக காங்கிரஸ் தலைவர்கள் உள்ளிட்டோர் இந்த விவகாரத்தில் அரசுக்கு எதிராகக் கடுமையான விமர்சனங்களை முன்வைத்து, பிரதான் அமைச்சரவையிலிருந்து விலக்கப்பட வேண்டும் என வலியுறுத்தினர். 

ராஜினாமா செய்த பிறகு தர்மேந்திர பிரதான் வெளியிட்ட அறிக்கையில், கடந்த 10 நாட்களில் நடைபெற்ற நிகழ்வுகள் தன்னை மிகவும் வருத்தமடையச் செய்துள்ளதாகத் தெரிவித்தார். “இளைஞர்களின் சக்தியே இந்தியாவின் உண்மையான பலம். நாட்டின் இளைஞர்கள் குழப்பம் எனும் சூழலில் சிக்கிக்கொள்ள நான் அனுமதிக்க மாட்டேன்” எனக் கூறிய அவர், மாணவர்கள் நேரத்தை வீணடிக்காமல் தங்கள் வாழ்க்கையில் முன்னேறுவதில் கவனம் செலுத்த வேண்டும் என வலியுறுத்தினார்.

இதையும் படிங்க: மோடி ஆட்சியில் முதல் முறை..! பணிந்தது பாஜக... சாதித்தது CJP..!! டெல்லியில் கொண்டாட்டம்..!!

போராட்டங்கள் தொடர்வதால் மாணவர்களின் எதிர்காலம் பாதிக்கப்படுவதைத் தடுக்கவும், நாட்டின் ஒற்றுமையைப் பாதுகாக்கவும், எதிர் சக்திகள் பயன்படுத்திக் கொள்ளாத வகையிலும் இந்த முடிவை எடுத்ததாக அவர் தெரிவித்தார். இந்த ராஜினாமா, அரசு மற்றும் CJP இடையே நடைபெற்ற 48 மணி நேர பேச்சுவார்த்தைகளுக்குப் பிறகு வந்துள்ளது. பிரதமர் நரேந்திர மோடிக்கு எழுத்துப்பூர்வமாக ராஜினாமா கடிதத்தை அனுப்பிய பிரதான், கல்வித் துறையில் தொடர்ந்து சீர்திருத்தங்களுக்காக தனது அர்ப்பணிப்பை வலியுறுத்தினார். 

இதையும் படிங்க: #BREAKING: மத்திய அமைச்சர் தர்மேந்திர பிரதான் ராஜினாமா…! மாணவர் போராட்டத்திற்கு கிடைத்த வெற்றி..! பணிந்தது பாஜக அரசு..!!