இலங்கையை கலங்க வைத்த இயற்கை... ஒரு கிராமமே மண்ணில் புதைந்த சோகம்... 100க்கும் மேற்பட்டோர் பலி...!
டிட்வா புயல் தாக்கம் காரணமாக இலங்கையில் 100க்கும் மேற்பட்டோர் உயிரிழந்தனர், 20 மாவட்டங்கள் கடுமையாக பாதிக்கப்பட்டுள்ளன.
- Sat, 29 Nov 2025 10:53:02 IST
by
Amaravathi
- #
டிட்வா புயல் தாக்கத்தால் தீவு நாடான இலங்கை வரலாறு காணாத பேரிழப்புகளை சந்தித்து வருகிறது. தென்மேற்கு வங்காள விரிகுடாவில் உருவான டிட்வா புயல் கடந்த ஒரு வாரமாக இலங்கை முழுவதும் கனமழையுடன் பெய்து வருகிறது. 25 மாவட்டங்களில் 20 மாவட்டங்கள் மோசமாக பாதிக்கப்பட்டுள்ளன, 2,00,000 மக்கள் நேரடியாக பாதிக்கப்பட்டுள்ளனர். கடந்த வாரத்தில் இருந்தே இலங்கையில் பருவமழை தீவிரமடைந்த நிலையில், நேற்று முன்தினம் மத்திய மாத்தளை மாவட்டத்தில் அதிகபட்சமாக 54 சென்டி மீட்டர் மழை பெய்தது. கிழக்கு மற்றும் மத்திய பகுதிகளில் 30 சென்டி மீட்டருக்கும் அதிகமான மழைப்பொழிவு பதிவானது.
இதனால் வெள்ளம் ஏற்பட்டுள்ளது. மறுபுறம், வெள்ளம் மற்றும் நிலச்சரிவுகளால் இறந்தவர்களின் 100-யைக் கடந்திருகக்கூடும் என கணிக்கப்பட்டுள்ளது. இதில் 25 பேர் காணவில்லை. 600க்கும் மேற்பட்ட வீடுகள் முற்றிலும் சேதமடைந்துள்ளன. இலங்கை அரசின் பேரிடர் மேலாண்மை மையத்தின் கூற்றுப்படி, மத்திய தேயிலை உற்பத்தி செய்யும் மாவட்டங்களான பதுளை மற்றும் நுவரெலியாவில் ஏற்பட்ட நிலச்சரிவுகளில் 35 பேர் உயிரிழந்ததாக கூறப்படுகிறது. ரம்போடா கிராமத்திற்கு மேலே உள்ளமலையில் நிலச்சரிவு ஏற்பட்டதால், பாறைகள் இடிந்து விழுந்து கிராமத்தையே புதைத்தது. இந்த சூழலில், வெள்ளிக்கிழமை அனைத்து அரசு அலுவலகங்கள் மற்றும் பள்ளிகளை மூட இலங்கை அரசு உத்தரவிட்டது.
இலங்கையில் உள்ள பல ஆறுகள் மற்றும் நீர்த்தேக்கங்கள் நிரம்பி வழிகின்றன. களனி நதி இதுவரை காணாத வெள்ள அளவை நெருங்கி வருவதால், கொழும்பு மற்றும் அதைச் சுற்றியுள்ள பகுதிகளுக்கு கடுமையான ஆபத்தை ஏற்படுத்தியது. கொழும்புவிற்கு அடுத்தபடியாக அதிக மக்கள் தொகை கொண்ட கம்பஹா மாவட்டத்திலும் கடுமையான வெள்ள அச்சுறுத்தல் நிலவுகிறது.
இதையும் படிங்க: நாங்க இருக்கோம்... இலங்கைக்கு உதவிக்கரம் நீட்ட இந்தியா தயார்... பிரதமர் மோடி உறுதி...!
சாலைகள் மற்றும் ரயில் பாதைகளில் நிலச்சரிவு, சேறு மற்றும் மரங்கள் விழுந்ததால் பல பகுதிகளில் சாலைகள் மூடப்பட்டுள்ளன. அவசர சேவைகள் தவிர அனைத்து ரயில் சேவைகளும் வெள்ளிக்கிழமை காலை 6 மணி முதல் ரத்து செய்யப்பட்டுள்ளன. நிவாரண நடவடிக்கைகளுக்காக இலங்கை அரசு சுமார் 20,500 ராணுவ வீரர்களை நிறுத்தியுள்ளது. இலங்கை முழுவதும் வடக்கு நோக்கி டிட்வா புயல் சுழறண்டித்ததில், கொழும்பு, அனந்புரா, பதுளை, நுவரெலியா, கேகாலை, கண்டி, ரத்தினபுரி உள்ளிட்ட 20 மாவட்டங்கள் கடுமையாக பாதிக்கப்பட்டுள்ளன.
இதையும் படிங்க: இலங்கையை சூறையாடிய 'டிட்வா' புயல்.. களமிறங்கிய INS விக்ராந்த்..!! மீட்புப் பணிகள் தீவிரம்..!!
