ச்ச... இப்படியா சாவு வரணும்... DJ இசையால் 14 வயது சிறுமி உயிரிழந்த சோகம்...!
உத்திரபிரதேசத்தில் அதிக ஒலியுடன் கூடிய டிஜே இசையால் 14 வயது சிறுமி உயிரிழந்ததாக கூறப்படும் சம்பவம் சோகத்தை ஏற்படுத்தி உள்ளது.
by
திருமணம் உள்ளிட்ட சுப நிகழ்ச்சிகளில் DJ இசை வைக்கும் கலாச்சாரம் இந்தியாவில், குறிப்பாக தமிழ்நாட்டில், ஒரு நவீன மாற்றமாக உருவெடுத்துள்ள ஒன்று. பாரம்பரியமாக இந்திய திருமணங்களில், குறிப்பாக தமிழ் இந்து திருமணங்களில், இசை என்பது ஆன்மீகமும் மங்களமும் தரும் ஒன்றாகக் கருதப்பட்டது. தென்னிந்தியாவில் நாதஸ்வரம் மற்றும் தவில் போன்ற கருவிகள் முக்கிய இடம் வகித்தன.
நாதஸ்வரம் எனும் காற்றிசைக் கருவி, திருமணத்தின் போது குறிப்பிட்ட ராகங்களை இசைத்து, மங்கள நிகழ்ச்சியின் புனிதத்தை உயர்த்தும். கெட்டிமேளம் எனப்படும் தவிலுடன் கூடிய நாதஸ்வர இசை, மாங்கல்யம் கட்டும் நேரத்தில் வாசிக்கப்பட்டு, தம்பதியரின் ஒன்றிப்பை கொண்டாடும். இந்த இசை பாரம்பரியமாக கோயில் விழாக்களிலும் திருமணங்களிலும் இடம்பெற்று, தமிழ் கலாச்சாரத்தின் அடையாளமாக விளங்கியது.
இவை ஆன்மீக ராகங்களால் ஆனவை, தெய்வீக ஆசீர்வாதத்தை ஈர்க்கும் என நம்பப்பட்டன.ஆனால், காலப்போக்கில் உலகமயமாக்கலும் மேற்கத்திய கலாச்சார தாக்கமும் இந்திய திருமணங்களில் புதிய மாற்றங்களை கொண்டுவந்தன. 1990களுக்குப் பிறகு, நகர்ப்புறங்களில் திருமண ரிசெப்ஷன் எனும் நிகழ்வு பிரபலமடைந்தது. இது வட இந்திய தாக்கத்தால் வந்தது என்றாலும், தென்னிந்தியாவிலும் விரைவாக பரவியது. ரிசெப்ஷனில் விருந்தினர்கள் ஒன்றுகூடி கொண்டாடுவதற்கு ஏற்றவாறு, நடனமும் இசையும் முக்கியமாகின. இங்குதான் DJ இசை நுழைந்தது. DJக்கள் போலிவுட், கொலிவுட் பாடல்களை கலந்து, ரீமிக்ஸ் செய்து வாசிப்பது பிரபலமடைந்தது. தமிழ் திருமணங்களில் தற்போது ரிசெப்ஷனில் DJ இசை இல்லாமல் நிகழ்வு நிறைவடைவதில்லை. மணமக்களின் முதல் நடனம், விருந்தினர்களின் குழு நடனங்கள் என அனைத்தும் DJ இசையுடனே நடக்கின்றன.
இதையும் படிங்க: காயத்துக்கு ஃபெவிகுயிக்... உ. பி.யில் இரண்டரை வயது குழந்தைக்கு நேர்ந்த கொடூரம்...!
இந்த டிஜே இசையால் 14 வயது சிறுமி உயிரிழந்த சோகம் நிகழ்ந்துள்ளது. உத்திரபிரதேசம் மாநிலம் முசாப் நகரில் நிகழ்ச்சி ஒன்றில் டிஜே இசையை கேட்டு 14 வயது சிறுமி ஒருவர் பதற்றம் அடைந்துள்ளார். சத்தமாக ஒலித்த டிஜே இசையால் பதறிப்போன சிறுமி மூச்சு விட முடியாமல் திணறியதாக தெரிகிறது. இதை எடுத்து சிறுமி மாரடைப்பால் இறந்ததாக கூறப்படுகிறது. இந்த சம்பவம் பெரும் சோகத்தை ஏற்படுத்தியுள்ளது.
இதையும் படிங்க: நெருங்கும் தேர்தல்... இன்று முதல் விருப்ப மனு... அதிமுக வெளியிட்ட அதிமுக்கிய அறிவிப்பு...!
