"RSS அரைக்கால் டவுசர் அமைச்சருக்கு மிரட்டல்"... நல்ல நடிப்பு CM சார்..! அப்பாவு காட்டம்..!!

முன்னாள் சபாநாயகர் அப்பாவு கடுமையான விமர்சனங்களை முன்வைத்துள்ளார். தவெக அரசு பொறுப்பேற்ற நாள் முதல் இன்று வரை பொதுமக்களை சந்திப்பதில்லை, அவர்களின் கருத்துகளைக் கேட்பதில்லை என்றும், அது தொடர்பான அதிகாரிகளிடமோ அமைச்சர்களிடமோ ஆலோசிப்பதில்லை என்றும் அவர் குற்றம் சாட்டியுள்ளார். 

தோழமைக் கட்சித் தலைவர்களின் கருத்துகளை நேரிலோ அல்லது பத்திரிகை வாயிலாகவோ அறிந்து, அதற்கேற்ப அமைச்சர்கள் மற்றும் அதிகாரிகளிடம் விவாதித்து தெரிவிக்கும் குறைந்தபட்ச நாகரிகம் கூட உங்களிடம் இல்லை என முதல்வர் விஜயை நோக்கி அவர் கேள்வி எழுப்பியுள்ளார்.எதிர்க்கட்சி உள்ளிட்ட பிற கட்சித் தலைவர்கள் சொல்லும் கருத்துக்களுக்கு மதிப்பளிக்காமல், மக்கள் நலன் சார்ந்த காவேரி மேகதாது உயிர் பிரச்சினைகளைத் துச்சமென தூக்கி எறிந்து செல்லும் ஆணவப்போக்கு வன்மையாகக் கண்டிக்கத்தக்கது என்று அவர் தெரிவித்துள்ளார். 

அரசியலுக்கு வரும்போது நடிப்பை விட்டுவிட்டு வருகிறேன் என்று தம்பட்டம் அடித்தவர், பழைய நடிப்புத் தொழிலின் நண்பர்களான நால்வரின் ஆலோசனையைப் பெற்று ஆட்சியிலும் நடித்து வருவது தமிழ்நாட்டுக்கு ஆபத்தானது என எச்சரித்துள்ளார்.திங்கள் முதல் வெள்ளி வரை கோட்டைக்கு வருவதும், மாலையில் ஒரு ரீல் வெளியிடுவதும், பனையூருக்குச் சென்று பதுங்கிக் கொள்வதும், வெள்ளி முதல் திங்கள் வரை மறைந்து விடுவதும் வாக்களித்த மக்களுக்குச் செய்யும் மிகப்பெரிய துரோகம் என்பது உங்களுக்குப் புரிகிறதா என அவர் கேட்டிருக்கிறார். 

இதையும் படிங்க: காவிரி பிரச்சனையில் முதல்வர் கப்சிப்..! கிள்ளுக் கீரையா நினைப்பாங்க..! Ex. அமைச்சர் ரகுபதி விளாசல்..!!

செய்த தப்புகளை எல்லாம் மறைப்பதற்கு ஆர்எஸ்எஸ் அரைக்கால் காக்கி டவுசர் அமைச்சரை வைத்து மிரட்டுவது உங்கள் ஆட்சிக்கு நல்லதல்ல என்றும் முன்னாள் சபாநாயகர் அப்பாவு வலியுறுத்தியுள்ளார்.

இதையும் படிங்க: இடைத்தேர்தல் எப்போது வைப்பார்கள்..?? வெறிகொண்டு வெயிட்டிங்கில் இருக்கேன்..!! சீமான் காட்டம்..!!