திமுக துணைப் பொதுச்செயலாளர் பதவி! அப்பாவு முன்னிலை?! அப்செட்டில் அனிதா ராதாகிருஷ்ணன்! கனிமொழி-உதயநிதி முடிவு?

திமுகவில் நடைபெறவுள்ள மறுசீரமைப்பு நடவடிக்கைகள் வேகமெடுத்து வரும் நிலையில், துணைப் பொதுச்செயலாளர் பதவி தொடர்பாக வெளியாகியுள்ள தகவல் கட்சி வட்டாரத்தில் பரபரப்பை ஏற்படுத்தியுள்ளது. குறிப்பாக தென் மண்டலத்தைச் சேர்ந்த ஒருவருக்கு புதிய துணைப் பொதுச்செயலாளர் பதவி வழங்கப்பட்டால், அந்தப் பொறுப்பு தமிழக சட்டப்பேரவைத் தலைவர் அப்பாவுவுக்கு வழங்கப்படலாம் என்ற தகவல் வெளியாகியுள்ளது. இதனால் முன்னாள் அமைச்சர் அனிதா ராதாகிருஷ்ணன் அதிருப்தியில் இருப்பதாக அரசியல் வட்டாரங்களில் பேசப்படுகிறது.

வரும் செப்டம்பர் மாதம் நடைபெறவுள்ள திமுக முப்பெரும் விழாவுக்குப் பிறகு கட்சியின் அமைப்பு ரீதியான மாற்றங்கள் படிப்படியாக அமலுக்கு வரும் என்று கூறப்படுகிறது. மாவட்டச் செயலாளர்கள் முதல் மாநில அளவிலான முக்கிய பொறுப்புகள் வரை பல்வேறு மாற்றங்கள் நடைபெறலாம் என்பதால், கட்சி நிர்வாகிகள் தங்களுக்கான இடத்தை உறுதி செய்ய தீவிர முயற்சிகளில் ஈடுபட்டுள்ளனர்.

இதற்கிடையில், திமுகவில் துணைப் பொதுச்செயலாளர் பதவிகளின் எண்ணிக்கையை அதிகரிக்க முதல்வரும் கட்சித் தலைவருமான மு.க. ஸ்டாலின் ஆலோசித்து வருவதாக தகவல்கள் தெரிவிக்கின்றன. இதுதொடர்பாக உதயநிதி ஸ்டாலின் மற்றும் கனிமொழியுடனும் ஆலோசனை நடைபெற்றதாக கூறப்படுகிறது.

இதையும் படிங்க: உதயநிதி விவகாரம்... 12 மணி வரை கைது நடவடிக்கை வேண்டாம்..! நீதிபதி அறிவுறுத்தல்..!!

துணைப் பொதுச்செயலாளர் பதவியை இலக்காகக் கொண்டு கடந்த சில மாதங்களாக அனிதா ராதாகிருஷ்ணன் தீவிரமாக செயல்பட்டு வந்ததாகவும், தூத்துக்குடி மாவட்ட அரசியலில் தனது செல்வாக்கை மேலும் வலுப்படுத்தும் திட்டத்திலும் இருந்ததாகவும் கூறப்படுகிறது. அதே நேரத்தில், தூத்துக்குடி மத்திய மாவட்டம் உருவாக்கப்பட்டால் அதற்கான பொறுப்பை பெறும் முயற்சியிலும் பல்வேறு நிர்வாகிகள் தீவிரமாக இருப்பதாக தகவல்கள் வெளியாகியுள்ளன.

இந்த சூழலில், அப்பாவுவுக்கு துணைப் பொதுச்செயலாளர் பதவி வழங்க வேண்டும் என்ற கருத்துக்கு கனிமொழி ஆதரவு தெரிவித்துள்ளதாகவும், அதே மனநிலையில் உதயநிதி ஸ்டாலினும் இருப்பதாகவும் கூறப்படுகிறது. இதனால் தென் மாவட்ட திமுக அரசியலில் புதிய அதிகாரச் சமநிலை உருவாகும் என்ற எதிர்பார்ப்பு எழுந்துள்ளது.

இந்நிலையில், அம்பாசமுத்திரம் இடைத்தேர்தல் பணிகளை அனிதா ராதாகிருஷ்ணன் கட்சி தலைமையிடம் கோரி மேற்கொண்டு வருவதாகவும் தகவல்கள் தெரிவிக்கின்றன. இறுதி நேரத்தில் அவருக்கே முக்கிய பொறுப்பு வழங்கப்படுமா அல்லது புதிய மாற்றம் அறிவிக்கப்படுமா என்பது குறித்து கட்சி வட்டாரத்தில் எதிர்பார்ப்பு நிலவுகிறது. இருப்பினும், இந்த தகவல்கள் அனைத்தும் அதிகாரப்பூர்வமாக உறுதிப்படுத்தப்படாத அரசியல் வட்டார தகவல்கள் என்பதும் குறிப்பிடத்தக்கது.

இதையும் படிங்க: விஜய் அரசு vs DMK..!! கைதாக முடியாது... உதயநிதி ஸ்டாலின் ஹைகோர்ட்டில் முறையீடு..!!