டாக்டர் இனிமே இப்படி எழுதுங்கோ... ஸ்ட்ரீட் ரூல்ஸ்... தேசிய மருத்துவ ஆணையம் உத்தரவு...!

மருத்துவர்கள் நோயாளிகளுக்கு மருந்துச் சீட்டு எழுதும்போது அது புரியாத வகையில் இருப்பது உலகளாவிய பிரச்சினையாகவே இருந்து வருகிறது. இது ஒரு நகைச்சுவையான விஷயமாகப் பார்க்கப்படுவதுண்டு, ஆனால் உண்மையில் இதனால் ஏற்படும் விளைவுகள் மிகவும் தீவிரமானவை.

பல நாடுகளில், குறிப்பாக இந்தியாவில், மருத்துவர்களின் கையெழுத்து தெளிவில்லாமல் இருப்பது மருந்தக ஊழியர்கள் தவறான மருந்துகளை வழங்குவதற்கோ அல்லது தவறான அளவுகளை கொடுப்பதற்கோ காரணமாக அமைந்து, நோயாளிகளின் உயிருக்கு ஆபத்தை ஏற்படுத்திய சம்பவங்கள் நிகழ்ந்துள்ளன. மேலும், மருந்துகளின் பெயர்கள் பெரும்பாலும் லத்தீன் மொழி சார்ந்தவை அல்லது நீண்ட தொழில்நுட்ப சொற்கள் கொண்டவை. இவற்றை முழுமையாக எழுத நேரமில்லாததால் சுருக்கங்களும் அடையாளங்களும் பயன்படுத்தப்படுகின்றன. இவை மருந்தக ஊழியர்களுக்கு பழக்கப்பட்டிருந்தாலும், சில சமயங்களில் தவறாகப் புரிந்து கொள்ளப்படுகின்றன.

உதாரணமாக, ஒரு மருந்தின் அளவு 10 மி.கி. என்று எழுதப்பட்டால் அது 100 மி.கி. போலத் தோன்றி தவறான மருந்து கொடுக்கப்படலாம். இந்தியாவில், குறிப்பாக தமிழ்நாட்டில், இப்பிரச்சினை மிகுந்த கவனத்தைப் பெற்றுள்ளது. தமிழ்நாடு அரசு 2024-இல் ஒரு உத்தரவு பிறப்பித்து, மருத்துவர்கள் மருந்துச் சீட்டுகளில் மருந்து விவரங்களை பெரிய எழுத்துகளில் தெளிவாக எழுத வேண்டுமென அறிவுறுத்தியது. இது நோயாளிகளுக்கும் மருந்தக ஊழியர்களுக்கும் புரியும் வகையில் இருக்க வேண்டும் என்பதே நோக்கம். 

இதையும் படிங்க: குட் நியூஸ்... ரூ.65 கோடி மதிப்பீட்டில் தமிழ்நாடு ஹஜ் இல்லம்... அடிக்கல் நாட்டிய முதல்வர் ஸ்டாலின்...!

இந்த பிரச்சனைகளுக்கெல்லாம் தீர்வாக தேசிய மருத்துவ ஆணையம் மருத்துவர்களுக்கு அறிவுறுத்தலை வழங்கி உள்ளது. மருந்து பரிந்துரை சீட்டுகளில் மருத்துவர்கள் தெளிவாகவும் பெரிய எழுத்துக்களில் எழுத வேண்டும் என்றும் அறிவுறுத்தப்பட்டுள்ளது. நாடு முழுவதும் உள்ள அனைத்து மருத்துவ கல்லூரிகளுக்கும் தேசிய மருத்துவ ஆணையத்தின் செயலர் ராகவ் லங்கர் இந்த அறிவுறுத்தலை வழங்கி உள்ளார்.

இதையும் படிங்க: ஓஎன்ஜிசி குழாயில் இருந்து வந்த பயங்கர சத்தம்... உயிர் பயத்தில் அலறிய கிராம மக்கள்... அடுத்தடுத்து நடந்தது என்ன?