அதிபர் ட்ரம்ப் மகன் திருமணத்தில் 50 பேர் மட்டுமே பங்கேற்பு! ஈரான் போர் காரணமாக அதிரடி முடிவு!

அமெரிக்க அதிபர் டொனால்டு டிரம்பின் மூத்த மகன் டொனால்டு டிரம்ப் ஜூனியர் (48) தொழிலதிபரும், மாடல் அழகியுமான பெட்டினா ஆண்டர்சன் (39) என்பவரை நேற்று முன்தினம் இரண்டாவது திருமணம் செய்து கொண்டார். கரீபியன் தீவு நாடான பஹாமாஸில் மூன்று நாள் திருமண விழாவாக இந்த நிகழ்ச்சி சிறப்பாக நடைபெற்றது.

டிரம்ப் ஜூனியர் முதலில் வனெசா என்பவரைத் திருமணம் செய்திருந்தார். அந்தத் தம்பதிக்கு ஐந்து குழந்தைகள் உள்ளனர். 2018-ம் ஆண்டு அவர்களது திருமண உறவு முறிந்தது. அதன் பின்னர் புளோரிடாவைச் சேர்ந்த மாடல் அழகி பெட்டினா ஆண்டர்சனுடன் டிரம்ப் ஜூனியருக்கு நெருக்கம் ஏற்பட்டது. கடந்த ஆண்டு இறுதியில் அவர்களது உறவு பகிரங்கமானது. இதையடுத்து இருவரும் திருமணம் செய்து கொள்ள முடிவு செய்தனர்.

இந்தத் திருமண விழாவுக்கு முன்பு வெள்ளை மாளிகையில் நடத்தலாம் என இருவரும் யோசித்தனர். ஆனால், ஈரான் தொடர்பான சர்வதேசப் பதற்றம் காரணமாக பஹாமாஸில் தனியார் விழாவாக நடத்த முடிவு செய்யப்பட்டது. புகழ்பெற்ற லூயிஸ் மில்லர் டிசைன் நிறுவனம் இந்த விழாவின் ஏற்பாடுகளை முழுமையாக கவனித்தது.

இதையும் படிங்க: தேசிய உளவுத்துறை இயக்குநர் பதவி..!! ராஜினாமா செய்தார் துளசி கப்பார்ட்..!! காரணம் என்ன..??

விழாவில் 50க்கும் குறைவான நெருங்கிய உறவினர்கள் மட்டுமே பங்கேற்றனர். டிரம்ப் ஜூனியரின் ஐந்து குழந்தைகளும், சகோதரர் எரிக் டிரம்ப், சகோதரிகள் இவாங்கா டிரம்ப், டிபனி டிரம்ப் உள்ளிட்டோர் கலந்து கொண்டனர். அதிபர் டொனால்டு டிரம்ப் ஈரான் தொடர்பான நிலைமை காரணமாக இந்தத் திருமணத்தில் பங்கேற்கவில்லை. இந்த ஆண்டு இறுதியில் பிரமாண்டமான திருமண விழாவை நடத்த இருவரும் திட்டமிட்டுள்ளதாக தகவல்கள் தெரிவிக்கின்றன.

டிரம்ப் குடும்பத்தின் இந்தப் புதிய அத்தியாயம் அமெரிக்காவில் பெரும் பரபரப்பை ஏற்படுத்தியுள்ளது. டிரம்ப் ஜூனியர் தனது முதல் திருமணத்துக்குப் பிறகு மீண்டும் திருமணம் செய்துகொண்டிருப்பது அவரது தனிப்பட்ட வாழ்க்கையில் ஒரு முக்கிய மைல்கல்லாகப் பார்க்கப்படுகிறது. பஹாமாஸின் அழகிய கடற்கரைச் சூழலில் நடைபெற்ற இந்தத் திருமணம் இருவருக்கும் மறக்க முடியாத அனுபவமாக அமைந்தது.

டிரம்ப் குடும்ப உறுப்பினர்கள் இந்த மகிழ்ச்சியான தருணத்தை கொண்டாடிய நிலையில், அரசியல் மற்றும் தொழில் உலகில் டிரம்ப் ஜூனியரின் எதிர்கால நகர்வுகள் குறித்தும் ஆர்வம் எழுந்துள்ளது.

இதையும் படிங்க: தைவான் ஒரு சுதந்திர ஜனநாயக நாடு! ட்ரம்பின் பேச்சுக்கு தைவான் அரசு பதிலடி!