அதீத வெப்பம்..! எல் நினோவால் 4.5 லட்சம் பேர் உயிரிழக்கலாம்... புதிய ஆய்வில் எச்சரிக்கை..!

தீவிர எல் நினோ நிகழ்வு உலகெங்கிலும் பெரும் அழிவை ஏற்படுத்தக்கூடும் என சமீபத்திய ஆய்வறிக்கை எச்சரித்துள்ளது. இந்த நிகழ்வால் அடுத்த சில மாதங்களில் மட்டும் சுமார் 4.5 லட்சம் பேர் உயிரிழக்க நேரிடும் என்ற அபாயகரமான கணிப்பு வெளியாகியுள்ளது. குறிப்பாக அதிக வெப்ப அலைகளால் ஏற்படும் உயிரிழப்புகள் இதில் முதன்மையான இடத்தை வகிக்கின்றன.எல் நினோ என்பது பசிபிக் பெருங்கடலில் ஏற்படும் இயற்கையான காலநிலை மாற்றமாகும்.

இது உலக வெப்பநிலையை உயர்த்தி, வானிலை முறைமைகளில் பெரும் மாற்றங்களை உருவாக்குகிறது. தற்போதைய எல் நினோ ஜூன் மாதத்தில் தொடங்கியது. இது சாதாரண அளவைவிட மிகவும் வலுவானதாக வளர்ந்து வருகிறது. அதனால் இதை ‘சூப்பர் எல் நினோ’ என அழைக்கின்றனர். விஞ்ஞானிகள் இது வரலாற்றில் வலுவான ஒன்றாக மாறக்கூடும் எனக் கருதுகின்றனர்.

இந்த நிகழ்வால் உலக நிலப்பரப்பு வெப்பநிலை சாதாரண அளவைவிட சுமார் 1.2 டிகிரி செல்சியஸ் அதிகமாக இருக்கும் என கணிக்கப்பட்டுள்ளது. இது அடுத்த இருபது ஆண்டுகளில் காலநிலை மாற்றத்தால் ஏற்படும் வெப்பநிலை நிலைமைகளை இப்போதே அனுபவிக்கச் செய்கிறது. இதனால் மிக அதிக வெப்பமான நாட்களின் எண்ணிக்கை 44 சதவீதம் அதிகரிக்கும். இதுபோன்ற தீவிர வெப்பநிலை மனித உடலுக்கு பெரும் அழுத்தத்தை ஏற்படுத்தி, உயிரிழப்புகளை அதிகரிக்கும்.

இதையும் படிங்க: போட்டுறா வெடியா...!! - மீனவர்கள் எதிர்ப்புக்கு அடிபணிந்த தவெக... பட்டினம்பாக்கத்தில் புதிய தலைமைச்செயலகம் அமைக்கும் ஆணை ரத்து?

ஆய்வின்படி, எல் நினோ தொடங்கிய ஜூன் மாதத்திலிருந்து அடுத்த பிப்ரவரி வரையிலான காலத்தில் சுமார் 4 லட்சத்து 51 ஆயிரம் பேர் அதிகப்படியான வெப்பத்தால் உயிரிழக்கக்கூடும். இதில் அடுத்த ஆறு மாதங்களில் மட்டும் சுமார் 2 லட்சத்து 39 ஆயிரம் பேர் பாதிக்கப்படலாம். இந்த எண்ணிக்கை வெப்பத்தால் ஏற்படும் உயிரிழப்புகளை மட்டும் கணக்கில் கொண்டது. வறட்சி, காட்டுத்தீ, வெள்ளம் போன்ற பிற பாதிப்புகளால் ஏற்படும் இழப்புகள் இதில் சேர்க்கப்படவில்லை. அவை மேலும் அதிகரிக்கக்கூடும்.

இதையும் படிங்க: இடைத் தேர்தலில் வாக்காளர்களுக்கு பணம்..!! தேர்தல் ஆணையத்தில் அதிமுக பரபரப்பு புகார்.!