நெருங்கும் எலெக்ஷன்.. களமாடும் கட்சிகள்..! மார்ச் 4-ல் விஜய் தஞ்சைக்கு பயணம்..!
மார்ச் 4ஆம் தேதி தமிழக வெற்றி கழக தலைவர் விஜய் தஞ்சைக்கு செல்கிறார்.
by
தமிழக வெற்றி கழகம் 2026 சட்டமன்றத் தேர்தலை முன்னிட்டு தீவிரமாக களமாடி வருகிறது. தேர்தல் பணிகளை மும்முறமாக மேற்கொண்டு வருகின்றனர். தமிழக வெற்றிக் கழகத்தின் தலைவர் விஜய் வரும் மார்ச் 4 அன்று தஞ்சாவூர் மாவட்டத்திற்கு செல்ல இருப்பது தொடர்பான தகவல்கள் தற்போது அரசியல் வட்டாரங்களில் பரவலாக பேசப்பட்டு வருகின்றன.
இது அவரது அரசியல் பயணத்தில் மிக முக்கியமான ஒரு அடுத்தகட்ட நிகழ்வாக கருதப்படுகிறது. கரூர் நிகழ்வில் ஏற்பட்ட துயர சம்பவத்திற்குப் பிறகு, விஜய் தனது பொதுக்கூட்டங்கள் மற்றும் மக்கள் சந்திப்புகளை கட்டுப்படுத்தி, மாவட்ட வாரியாக கட்சி நிர்வாகிகள் மற்றும் தொண்டர்களுடன் மட்டுமே சந்திப்புகளை நடத்தி வருகிறார்.
இதன் தொடர்ச்சியாகவே, வேலூரை அடுத்து தற்போது தஞ்சாவூர் மாவட்டத்தில் நிர்வாகிகள் சந்திப்பு நிகழ்ச்சி ஏற்பாடு செய்யப்பட்டுள்ளது. மார்ச் 4 அன்று தஞ்சாவூர் மாவட்டத்தில் உள்ள செங்கிப்பட்டி அருகேயுள்ள அய்யாசாமிபட்டி பகுதியில் இந்த நிகழ்ச்சி நடைபெற உள்ளதாக தகவல்கள் தெரிவிக்கின்றன. இங்கு சுமார் 9 ஏக்கர் பரப்பளவில் உள்ள ஒரு இடத்தில் காலை 10 மணி முதல் மதியம் 3 மணி வரை கூட்டம் நடத்த திட்டமிடப்பட்டுள்ளது.
இதையும் படிங்க: விஜய் கடந்துதாங்க போகணும்... இங்க எல்லாமே நடக்கும்..!! அண்ணாமலை சப்போர்ட்..!!
இந்த நிகழ்வில் தஞ்சாவூர் மாவட்ட தவெக தொண்டர்கள், நிர்வாகிகள் மற்றும் முக்கிய பிரமுகர்கள் பங்கேற்க உள்ளனர். விஜய் இங்கு கட்சியின் தற்போதைய நிலை, எதிர்வரும் சட்டமன்றத் தேர்தல் தயாரிப்புகள், கொள்கை விளக்கங்கள் மற்றும் அணுகுமுறைகள் குறித்து விரிவாக உரையாற்ற உள்ளார்.
இதையும் படிங்க: விஜய் - சங்கீதா விவாகரத்து பின்னணியில் அரசியல் சதி... தவெகவை முடக்க துடிக்கும் மெகா கட்சிகள்... தொண்டர்கள் ஆவேசம்...!
