ராஜ்தானி எக்ஸ்பிரஸ் ரயிலில் திடீர் தீ!! கொழுந்து விட்டெறிந்த ஜூவாலையால் அதிர்ச்சி! பயணிகள் திக்! திக்!

ரத்லாம் (மத்தியப் பிரதேசம்): திருவனந்தபுரம் - ஹஸ்ரத் நிஜாமுதீன் ராஜ்தானி எக்ஸ்பிரஸ் (12431) ரயிலின் குளிரூட்டப்பட்ட பெட்டியில் ஞாயிற்றுக்கிழமை அதிகாலையில் திடீர் தீ விபத்து ஏற்பட்டது. அதிர்ச்சியளிக்கும் வகையில் இந்தச் சம்பவம் நடந்தபோதும், நல்ல வேளையாக எந்த உயிரிழப்பும் ஏற்படவில்லை என்று ரயில்வே அதிகாரிகள் தெரிவித்தனர்.

மத்தியப் பிரதேசத்தின் ரத்லாம் மாவட்டம் வழியாகச் சென்று கொண்டிருந்த ரயிலின் B1 பெட்டியில் தீ பற்றியது. இந்தப் பெட்டியில் 68 பயணிகள் பயணம் செய்து கொண்டிருந்தனர். தீ பரவியதும் ரயில்வே அதிகாரிகள் உடனடியாக அவசரகால நடவடிக்கைகளை மேற்கொண்டனர். அனைத்து பயணிகளும் பாதுகாப்பாக ரயிலில் இருந்து இறக்கி விடப்பட்டனர். யாருக்கும் எந்தவித காயமும் ஏற்படவில்லை.

தீ அடுத்த பெட்டிகளுக்கு பரவாமல் தடுக்க, தீப்பிடித்த B1 பெட்டி ரயிலில் இருந்து தனியாகப் பிரிக்கப்பட்டது. பாதுகாப்பு கருதி அந்தப் பகுதியில் மின் விநியோகம் உடனடியாக நிறுத்தப்பட்டது. பயணிகளின் பாதுகாப்பை உறுதி செய்யும் வகையில் தீயணைப்பு படை விரைந்து செயல்பட்டது.

இதையும் படிங்க: சிறுவன் கழுத்தை அறுத்து ட்ரம்மில் அடைத்த கொடூரம்! தாயை பழிவாங்க மகனை கொலை செய்த கயவன்!

ரயில்வே அதிகாரிகள் தெரிவித்ததாவது, “பயணிகளை மற்ற பெட்டிகளில் ஏற்றி ரயிலைத் தொடர்ந்து இயக்க ஏற்பாடுகள் செய்யப்பட்டுள்ளன. அடுத்து வரும் கோட்டா ரயில் நிலையத்தில் கூடுதல் ஒரு பெட்டி இணைக்கப்படும்” என்றனர்.

தீ விபத்துக்கான உண்மையான காரணம் என்ன என்பது குறித்து விரிவான விசாரணை நடைபெற்று வருகிறது. மின்சாரக் கோளாறு, குறுகிய மின்சுற்று அல்லது பயணிகளின் கவனக்குறைவு காரணமாக இருக்கலாம் என்று தற்காலிகமாக கருதப்படுகிறது. ரயில்வே துறை இந்தச் சம்பவத்தை தீவிரமாக எடுத்துக் கொண்டுள்ளது.

இந்த விபத்து ரயில்வே பாதுகாப்பு குறித்து மீண்டும் கேள்விகளை எழுப்பியுள்ளது. குளிரூட்டப்பட்ட பெட்டிகளில் தீ பரவும் அபாயம் குறித்து பயணிகள் இடையே அச்சம் நிலவுகிறது. ரயில்வே நிர்வாகம் பயணிகளுக்கு உரிய வசதிகளை உடனடியாக செய்து கொடுத்ததால் பெரும் அசம்பாவிதம் தவிர்க்கப்பட்டது.

இதையும் படிங்க: அதிமுக, அமமுக எம்.எல்.ஏ-க்களுக்கு அமைச்சர் பதவியா?! சிபிஐ விசாரணை கோருவோம்! டிடிவி தினகரன் மிரட்டல்!