விண்வெளி நாயகனுக்கு வீரதீர விருது!! சுபான்ஷு சுக்லாவுக்கு அசோக சக்ரா விருது வழங்கி கவுரவித்த ஜனாதிபதி!

இந்தியாவின் 77வது குடியரசு தின விழாவில் (ஜனவரி 26, 2026) வரலாற்றுச் சிறப்பு மிக்க ஒரு தருணம் நிகழ்ந்துள்ளது. 2025-ஆம் ஆண்டு சர்வதேச விண்வெளி நிலையத்திற்குச் சென்ற முதல் இந்தியர் என்ற பெருமையைப் பெற்ற இந்திய விமானப்படை குரூப் கேப்டன் சுபான்ஷு சுக்லாவுக்கு, நாட்டின் மிக உயரிய அமைதிக் கால வீர விருதான அசோக சக்ரா விருதை குடியரசுத் தலைவர் திரௌபதி முர்மு வழங்கி கௌரவித்தார்.

ஆக்சியம்-4 (Ax-4) விண்வெளிப் பயணத்தில் சிறப்பாகச் செயல்பட்டதற்காகவும், 41 ஆண்டுகளுக்குப் பிறகு விண்வெளிக்குச் சென்ற இரண்டாவது இந்தியர் என்ற பெருமைக்காகவும் இந்த விருது அவருக்கு அளிக்கப்பட்டது.

1984-ஆம் ஆண்டு ராகேஷ் சர்மா விண்வெளிப் பயணம் செய்த பிறகு, சுபான்ஷு சுக்லா தான் அடுத்த இந்தியராக விண்வெளியில் காலடி எடுத்து வைத்தவர். அவரது இந்த சாதனை இந்திய விண்வெளி ஆராய்ச்சி மற்றும் பாதுகாப்புத் துறையில் புதிய அத்தியாயத்தைத் தொடங்கியுள்ளது.

இதையும் படிங்க: மீண்டும் அவமதிப்பு?! 2026 குடியரசு தினவிழா! 3ம் வரிசையில் ராகுல்காந்திக்கு இருக்கை!

VIDEO | Republic Day 2026: President Droupadi Murmu awards Ashok Chakra to IAF Group Captain Shubhanshu Shukla, who made history by becoming the first Indian to visit the International Space Station.#RepublicDay

(Full video available on PTI Videos -… pic.twitter.com/ZJs2vveelg

— Press Trust of India (@PTI_News) January 26, 2026

குடியரசு தின அணிவகுப்பின் போது, கடமைப் பாதையில் நடைபெற்ற விருது வழங்கும் நிகழ்வில் சுபான்ஷு சுக்லா மிகுந்த பெருமிதத்துடன் நின்றார். அசோக சக்ரா விருது பெறும் முதல் விண்வெளி வீரர் என்ற பெருமையும் அவருக்கு கிடைத்துள்ளது. இந்த விருது வழங்கல் நிகழ்வு நாடு முழுவதும் உள்ள இளைஞர்களுக்கும், விஞ்ஞானிகளுக்கும், ராணுவ வீரர்களுக்கும் மிகப்பெரிய உத்வேகமாக அமைந்துள்ளது.

சுபான்ஷு சுக்லாவின் இந்த சாதனை இந்தியாவின் விண்வெளி திட்டங்களின் வளர்ச்சியையும், இஸ்ரோ-வின் சர்வதேச ஒத்துழைப்பையும் உலகிற்கு மீண்டும் நிரூபித்துள்ளது.

அவரது வீரத்திற்கும் தியாகத்திற்கும் நாடு முழுவதும் பெருமிதம் தெரிவித்து வருகிறது. குடியரசு தின விழாவின் இந்த தருணம் இந்தியாவின் விண்வெளி பயணத்தில் புதிய வரலாற்றுப் பக்கத்தைச் சேர்த்துள்ளது.

இதையும் படிங்க: 15 நிமிடத்தில் 1,500 கி.மீ!! எதிரி கண்ணில் சிக்காமல் தாக்கும் சூரன்!! குடியரசு தினத்தில் அறிமுகமாகும் LRAShM!