சிறுமிகளை சீரழித்த ஜெம் கிரானைட் வீரமணிக்கு கிடுக்குப்பிடி... சிறையிலேயே காவல்துறை செய்த தரமான சம்பவம்...!

சிறுமிகளை பாலியல் வன்கொடுமை செய்த விவகாரத்தில் ஜெம் கிரானைட் தொழிலதிபர் வீரமணி கடந்த 29ஆம் தேதி சென்னை மத்திய குற்றப்பிரிவு விபச்சாரத் தடுப்புப் பிரிவு போலீசாரால் கைது செய்யப்பட்டு புழல் சிறையில் அடைக்கப்பட்டார்.

அவருக்கு உடந்தையாக இருந்த பெண்ணும், அவரது கணவரும் புழல் சிறையில் அடைக்கப்பட்டிருந்தனர். இந்த நிலையில், வீரமணியை காவலில் எடுத்து விசாரிப்பதற்காக போலீசார் நீதிமன்றத்தில் மனு தாக்கல் செய்திருந்தனர்.

இந்த வழக்கின் முக்கியத்துவத்தைக் கருத்தில் கொண்டும், வீரமணி 80 வயதுக்கு மேற்பட்டவர் என்பதால் அவரது உடல்நலத்தைக் கருத்தில் கொண்டும், இந்த வழக்கில் மேலும் தீவிரமாக விசாரணை நடத்த வேண்டியிருப்பதால், அவரை புழல் சிறையிலேயே வைத்து விசாரணை நடத்த நீதிமன்றம் அனுமதி வழங்கியது.

இதையும் படிங்க: உஷார் மக்களே.! வேகமெடுக்கும் டெங்கு காய்ச்சல்.. ஒரே நாளில் 240 பேருக்கு தொற்று உறுதி..!!

அதன் அடிப்படையில், இன்றும் நாளையும் காலை 10 மணி முதல் மாலை 5 மணி வரை அவரிடம் விசாரணை நடத்துவதற்கு நீதிமன்றம் அனுமதி வழங்கியுள்ளது.

அதன்படி, உதவி ஆணையர் தலைமையில் விபச்சாரத் தடுப்புப் பிரிவு போலீசார் இன்று காலை 10 மணி முதல் மாலை 5 மணி வரை வீரமணியிடம் விசாரணை நடத்துகின்றனர். இதேபோல், நாளையும் காலை 10 மணி முதல் மாலை 5 மணி வரை விசாரணை நடைபெறுகிறது.

இந்த விசாரணையின் அடிப்படையில், மேலும் பலர் கைது செய்யப்பட வாய்ப்புள்ளதாக போலீசார் தெரிவித்துள்ளனர்.

இதையும் படிங்க: ரூ.100 கோடி மோசடி விவகாரம்... இன்று ஆஜராகும் அன்பில் மகேஷ்..! அரசியல் களத்தில் பரபரப்பு..!!