இந்திய பெருங்கடல் பகுதியை பாதுகாப்பது நமது கடமை!! டெல்லியில் அஜித் தோவல் கர்ஜனை!

இந்தியப் பெருங்கடல் பிராந்தியத்தில் பாதுகாப்பை வலுப்படுத்துவதற்காக உருவாக்கப்பட்ட கொலம்போ சிறப்பு பாதுகாப்பு மன்றத்தின் (CSC) 7வது தேசிய பாதுகாப்பு ஆலோசகர்கள் மாநாடு தலைநகர் டெல்லியில் இன்று நடைபெற்றது. 

இந்தியாவின் தேசிய பாதுகாப்பு ஆலோசகர் அஜித் தோவல் தலைமையில் நடந்த இந்த மாநாட்டில், இந்தியாவின் அண்டை நாடுகளான மாலத்தீவு, மொரிஷியஸ், இலங்கை, வங்கதேசம் ஆகியவை முழு உறுப்பினர்களாக கலந்து கொண்டன. சீஷெல்ஸ் கவனிப்பாளர் நாடாகவும், மலேசியா விருந்தினராகவும் பங்கேற்றது கூடுதல் கவனத்தை ஈர்த்தது. இந்தியப் பெருங்கடல் பிராந்தியத்தின் ஸ்திரத்தன்மை, பாதுகாப்பு, நிலைத்தன்மை ஆகியவற்றை உறுதி செய்வது இந்தியாவின் கடமை என்று அஜித் தோவல் தனது சிறப்புரையில் வலியுறுத்தினார்.

மாநாட்டில் பேசிய அஜித் தோவல், "இந்தியப் பெருங்கடல் நம்மால் பகிர்ந்து கொள்ளக்கூடிய மிகப்பெரிய பாரம்பரியமாகும். கடல்சார் புவியியலால் இணைக்கப்பட்ட நாம்தான் அதன் ஸ்திரத்தன்மை, பாதுகாப்பு, நிலைத்தன்மையை உறுதி செய்ய வேண்டும். அது நம் கடமையாகும்" என்று தெளிவுபடுத்தினார். 

இதையும் படிங்க: மரண தண்டனை குற்றவாளி ஷேக் ஹசினாவை ஒப்படையுங்கள்!! அழுத்தம் தரும் வங்கதேசம்!! இந்தியா நச் பதில்!

இந்த மாநாடு, கடல் பாதுகாப்பு, பயங்கரவாதத்தை எதிர்த்தல், டிரான்ஸ்நேஷனல் குற்றங்கள், சைபர் பாதுகாப்பு, மனிதாபிமான உதவி, பேரிடர் மீட்பு போன்ற துறைகளில் உறுப்பு நாடுகளிடையே கூட்டு ஒத்துழைப்பை வலுப்படுத்துவதற்கு வாய்ப்பளித்தது. 2026-க்கான சாலை வரைபடம் மற்றும் செயல் திட்டத்தையும் விவாதித்தனர்.

கொலம்போ சிறப்பு பாதுகாப்பு மன்றம் (CSC) இந்தியப் பெருங்கடல் பிராந்தியத்தில் பாதுகாப்பு ஒத்துழைப்பை ஊக்குவிப்பதற்காக உருவாக்கப்பட்டது. இந்தியாவின் ஒன்பது எல்லை நாடுகளைத் தாண்டி இம்முறை சீஷெல்ஸ் மற்றும் மலேசியா போன்ற நாடுகளும் கலந்து கொண்டது இந்த மாநாட்டின் முக்கியத்துவத்தை காட்டுகிறது. கடந்த 6வது மாநாடு 2023 டிசம்பரில் மொரிஷியஸில் நடைபெற்றது.

அதற்கு முன் 2024 ஆகஸ்டில் இலங்கையில் CSC-இன் அடிப்படை ஆவணங்களுக்கு கையெழுத்து விழா நடைபெற்றது. துணை பாதுகாப்பு ஆலோசகர்கள் மாநாடும் தொடர்ந்து நடத்தப்படுகிறது. கடந்த ஆண்டு அது காணொலி வழியாக நடைபெற்றது.

மாநாட்டில் கலந்து கொண்ட வங்கதேச பாதுகாப்பு ஆலோசகர் கலீலுர் ரஹ்மானின் பங்கு கூடுதல் கவனத்தை ஈர்த்தது. வங்கதேசத்தின் முன்னாள் பிரதமர் ஷேக் ஹசீனா இந்தியாவில் தஞ்சமடைந்துள்ள நிலையில், அவருக்கு சர்வதேச குற்றவியல் தீர்ப்பாயம் (ICT) மரணத் தண்டனை விதித்துள்ளது. இருந்தபோதிலும் ரஹ்மான் இந்தியா வந்து கலந்து கொண்டது இரு நாடுகளுக்கிடையேயான உறவின் வலிமையை காட்டுகிறது. முன்னதாக நேற்று அஜித் தோவலும் ரஹ்மானும் பேச்சுவார்த்தை நடத்தினர். அவர்கள் CSC-இன் செயல்பாடுகள் மற்றும் இரு தரப்பு விவகாரங்களை விவாதித்தனர். ரஹ்மான் தோவலை வங்கதேசத்திற்கு அழைத்துச் சென்றார்.

இந்த மாநாடு இந்தியப் பெருங்கடல் பிராந்தியத்தில் இந்தியாவின் தலைமைத்துவத்தை மேலும் உறுதிப்படுத்தியுள்ளது. பயங்கரவாதம், கடல் கொள்ளை, சைபர் அச்சுறுத்தல்கள் போன்ற சவால்களை எதிர்கொள்ள உறுப்பு நாடுகள் ஒன்றிணைந்து செயல்படுவதன் மூலம் பிராந்திய ஸ்திரத்தன்மை உறுதி செய்யப்படும் என்று நிபுணர்கள் கூறுகின்றனர்.

இதையும் படிங்க: இந்திய மக்களுக்கு நன்றி!! மனமுருகி பேசிய ஷேக் ஹசினா!! பாதுகாப்பான அடைக்கலம் கொடுத்ததாக உருக்கம்!