விமான சேவை ரத்து: பல்லாயிரம் பயணிகள் பாதிப்பு; இண்டிகோ CEO பதவி நீக்கம் என தகவல்!

நாடு முழுவதும் அண்மைக் காலமாக இண்டிகோ விமானச் சேவையில் ஏற்பட்ட தொடர்ச்சியான ரத்து மற்றும் தாமதங்கள் காரணமாகப் பல்லாயிரக்கணக்கான பயணிகள் கடுமையாகப் பாதிக்கப்பட்டதன் எதிரொலியாக, இண்டிகோ நிறுவனத்தின் தலைமைச் செயல் அதிகாரி (CEO) பீட்டர் எல்பர்ஸ் (Pieter Elbers) பதவி நீக்கம் செய்யப்படுவார் எனத் தகவல்கள் வெளியாகியுள்ளன.

கடந்த சில வாரங்களாக, மோசமான வானிலை, தொழில்நுட்பக் கோளாறுகள் மற்றும் ஊழியர்கள் பற்றாக்குறை போன்ற காரணங்களால் இண்டிகோ விமானங்கள் குறிப்பிட்ட நேரத்திற்கு இயக்கப்படாததுடன், பல சேவைகள் கடைசி நேரத்தில் ரத்து செய்யப்பட்டன. இதனால் பயணிகள் மிகுந்த சிரமத்திற்கும், குழப்பத்திற்கும் ஆளாகினர். இந்தக் குளறுபடிகள் குறித்து சமூக ஊடகங்கள் மற்றும் மக்கள் மத்தியில் கடும் விமர்சனம் எழுந்தது.

இந்தச் சூழலில், விமானச் சேவைத் துறையில் சவாலான சூழ்நிலை நிலவுவதாகவும், தொடர்ச்சியான செயல்பாட்டுக் குறைபாடுகளுக்கு நிர்வாக ரீதியான பொறுப்பேற்க வேண்டிய அவசியம் உள்ளதாகவும் தகவல்கள் தெரிவிக்கின்றன. இதன் விளைவாக, தற்போது இண்டிகோ நிறுவனத்தின் தலைமை நிர்வாகப் பொறுப்பில் இருக்கும் பீட்டர் எல்பர்ஸ் பதவி நீக்கம் செய்யப்படுவது குறித்து உயர்மட்ட அளவில் ஆலோசனைகள் நடந்து வருவதாகக் கூறப்படுகிறது.

இதையும் படிங்க: விதிகளை மீறினால் கடும் நடவடிக்கை: இண்டிகோ நெருக்கடியால் அதிக கட்டணம் வசூலிக்கும் நிறுவனங்களுக்கு மத்திய அரசு எச்சரிக்கை! 

இண்டிகோ நிறுவனத்தின் தலைமை நிர்வாகத்தில் ஏற்படக்கூடிய இந்த மாற்றம் குறித்து, விமானப் போக்குவரத்துத் துறையில் பெரும் எதிர்பார்ப்பு எழுந்துள்ளது. எனினும், இது குறித்து இண்டிகோ நிறுவனத்தின் அதிகாரப்பூர்வ அறிவிப்பு இன்னும் வெளியாகவில்லை என்பது குறிப்பிடத்தக்கது.

இதையும் படிங்க: இனி கவலையில்லை! ரயில்வேயை நோக்கி படையெடுத்த பயணிகள்: விரைந்து செயல்பட்ட இந்திய ரயில்வே!