இன்ஸ்டா விளம்பரங்கள் தொடர்பாக மெட்டாவுக்கு சிக்கல்.. நீதிமன்றம் சம்மன்..!!

இன்ஸ்டாகிராம் உள்ளிட்ட மெட்டா தளங்களில் குழந்தைகள் பாலியல் சுரண்டல் மற்றும் துஷ்பிரயோக உள்ளடக்கம் தொடர்பான விளம்பரங்கள் வெளியாகியதாக எழுந்துள்ள குற்றச்சாட்டுகள் குறித்து, தேசிய குழந்தைகள் உரிமைகள் பாதுகாப்பு ஆணையம் (என்சிபிசிஆர்) மெட்டா இந்தியாவின் நிர்வாக இயக்குநர் மற்றும் தலைவரை இன்று (புதன்கிழமை, செப்டம்பர் 9) நேரில் ஆஜராகுமாறு சம்மன் அனுப்பியுள்ளது.

ஆணையம் பிபிசி ஐ அறிக்கையின் அடிப்படையில் ஜூலை 3 ஆம் தேதி தானாகவே வழக்கை எடுத்துக்கொண்டு மெட்டா பிளாட்ஃபார்ம்ஸ் நிறுவனத்திற்கு விளக்கம் மற்றும் ஆவணங்கள் கோரி நோட்டீஸ் அனுப்பியது. ஒரு வாரத்திற்குள் நிறுவனம் பதிலளித்தது. அந்த பதிலை ஆய்வு செய்த பிறகு, உண்மைகளை உறுதிப்படுத்த முறையான விசாரணை தொடங்கப்பட்டது. அதன் தொடர்ச்சியாக, மெட்டா இந்தியாவின் உயர் அதிகாரிகள் ஆணையத்திற்கு முன் ஆஜராகி விரிவான தகவல்களை வழங்க வேண்டும் என உத்தரவிடப்பட்டுள்ளது. 

விசாரணையில் விளம்பரங்கள் எப்படி தளத்தின் பாதுகாப்பு அமைப்புகளை கடந்து சென்றன, மெட்டா இந்தியாவின் பங்கு என்ன, மற்றும் குழந்தைகள் பாலியல் குற்றங்களிலிருந்து பாதுகாப்பு சட்டம் (போக்சோ) உள்ளிட்ட கடுமையான சட்ட விதிகளின் கீழ் என்ன நடவடிக்கைகள் எடுக்கப்பட்டன என்பன ஆராயப்படும் என அதிகாரிகள் தெரிவித்துள்ளனர். 

இதையும் படிங்க: “எங்கள் குரலை ஒடுக்க முயற்சி!” சுதந்திர தினத்தில் கணக்கு முடக்கப்பட்டதாக சிஜேபி புகார்!

இதற்கு முன்னர், மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ் அதிகாரிகளுக்கு உத்தரவிட்டதன் அடிப்படையில், மின்னணு மற்றும் தகவல் தொழில்நுட்ப அமைச்சகம் (மெய்டி) மெட்டாவிடம் விளக்கம் கோரி, இத்தகைய விளம்பரங்கள் மற்றும் உள்ளடக்கங்களை உடனடியாக முடக்கிட உத்தரவிட்டிருந்தது. ஆன்லைன் தளங்கள் வழியாக குழந்தைகள் பாலியல் சுரண்டல் தொடர்பான உள்ளடக்கங்கள் கிடைப்பதாகவும், அவை விளம்பரப்படுத்தப்படுவதாகவும் எழுந்த குற்றச்சாட்டுகள் குறித்து அரசு ஏற்கனவே கடும் நடவடிக்கை எடுத்து வருகிறது.

தேசிய மனித உரிமைகள் ஆணையமும் (என்எச்ஆர்சி) இதுகுறித்து டெல்லி போலீசாருக்கு விரிவான விசாரணை நடத்த உத்தரவிட்டுள்ளது. மெட்டா தனது கொள்கைகளின்படி இத்தகைய உள்ளடக்கங்களுக்கு எந்தவித சகிப்பும் இல்லை என்றும், சந்தேகத்திற்குரிய கணக்குகள் மற்றும் உள்ளடக்கங்களை நீக்கியுள்ளதாகவும் தெரிவித்துள்ளது. ஆனால், விளம்பரங்கள் எவ்வாறு அனுமதிக்கப்பட்டன என்ற கேள்விகள் தொடர்ந்து எழுப்பப்பட்டு வருகின்றன. குழந்தைகளின் பாதுகாப்பை உறுதிப்படுத்தும் வகையில், ஆன்லைன் தளங்களின் பொறுப்புணர்வு குறித்த இந்த விசாரணை முக்கியத்துவம் பெற்றுள்ளது.

இதையும் படிங்க: அரபி பாடசாலையில் கொடூரம்.. 6 வயது சிறுமிக்கு பாலியல் தொல்லை..! பரபரப்பு..!