"கர்நாடகா வராதீங்க விஜய்"..! தொடரும் பதற்றம்... டி.கே. சிவகுமார் வார்னிங்..!

காவிரி நதிநீர் பங்கீடு தொடர்பான நீண்டகால பிரச்னையில் முக்கிய திருப்பமாக, தமிழ்நாடு முதல்வர் சி. ஜோசப் விஜய் வரும் ஆகஸ்ட் 3-ஆம் தேதி கர்நாடக முதல்வர் டி.கே. சிவகுமாரை பெங்களூரில் நேரில் சந்திக்க உள்ளதாக தகவல் வெளியாகியது. 

மேகதாது அணைத் திட்டம் உள்ளிட்ட காவிரி தொடர்பான விவகாரங்களை இரு முதல்வர்களும் இருதரப்பு பேச்சுவார்த்தையில் விவாதிக்க இருப்பதாக கூறப்பட்டது. இந்த சந்திப்பு இரு மாநிலங்களுக்கும் இடையிலான நீர் பங்கீடு பிரச்னையில் புதிய உரையாடலுக்கு வழிவகுக்கும் என எதிர்பார்க்கப்பட்டது. மேகதாது அணை பிரச்சனை வீரியம் எடுக்கும் நிலையில் முதல்வர் விஜயின் பேனர்களை கிழித்து கர்நாடகாவில் போராட்டம் நடத்தினர்.

இதனால் அங்கு பதற்றமான சூழ்நிலையை நிலவி வருகிறது. தமிழக முதலமைச்சர் விஜய் கர்நாடகா செல்லக்கூடாது என்றும் தமிழகத்தில் உள்ள பல்வேறு அரசியல் கட்சியினர் வலியுறுத்தி வருகின்றனர். இந்த நிலையில், கர்நாடக முதலமைச்சர் டி கே சிவகுமார் செய்தியாளர்களை சந்தித்து பேசினார். அப்போது, தற்போதைய சூழ்நிலையில் தமிழ்நாடு முதலமைச்சர் விஜய் கர்நாடகா வர வேண்டாம் என்று அம்மாநில முதலமைச்சர் டி கே சிவகுமார் தெரிவித்திருக்கிறார்.

இதையும் படிங்க: காவிரி பேச்சுவார்த்தைக்காக கர்நாடகம் செல்லும் முதல்வர் விஜய்... உடன் செல்லும் 13 பேர் யார்? வெளியான முழு விவரம்!

பதட்டமான சூழல் நிலவுவதால் தற்போதைக்கு முதலமைச்சர் விஜய் கர்நாடகா வர வேண்டாம் என்று கேட்டுக் கொண்டுள்ளார். சிறிது காலம் காத்திருக்கலாம் என்றும் உரிய சூழல் வரும்போது இருவரும் சந்தித்து கலந்து ஆலோசிக்கலாம் எனவும் கோரிக்கை விடுத்துள்ளார். கர்நாடகாவில் ஆளும் காங்கிரஸ் அரசுக்கு எதிராக பாஜக போராட்டம் நடத்தி வருவதால் பதற்றமான சூழல் நிலவி வருகிறது. தமிழ்நாடு முதலமைச்சர் விஜய் வரும்போது கர்நாடகாவில் போராட்டம் நடந்தால் நன்றாக இருக்காது என்றும் தெரிவித்தார். இரு மாநிலங்களும் பயன்பெறும் வகையில் வேறொரு தேதியில் இருவரும் சந்தித்து ஆலோசனை நடத்தலாம் என்று கேட்டுக் கொண்டுள்ளார். 

இதையும் படிங்க: காவிரி நீர் தராவிட்டால் காங்கிரஸ் அமைச்சர்கள் ராஜினாமா செய்ய வேண்டும்! ஜெகன்மூர்த்தி அதிரடி!