அமைச்சர் ஆய்வில் அம்பலமான முறைகேடுகள்..! அதிரடி சஸ்பெண்ட்..! தமிழக சட்டத்துறையில் அதிர்ச்சி..!!

தமிழ்நாடு அரசின் முக்கிய நிர்வாகப் பொறுப்பு வகித்த குற்ற வழக்குத் தொடர்புத்துறை இயக்குநர் ஜி. கிருஷ்ணராஜா பணி நீக்கம் செய்யப்பட்டுள்ளார். இந்த நடவடிக்கை சட்டத்துறை அமைச்சர் சி.டி.ஆர். நிர்மல் குமார் நடத்திய ஆய்வின் போது தெரியவந்த முறைகேடுகளை அடுத்து எடுக்கப்பட்டுள்ளது. இது தமிழக நீதி நிர்வாக அமைப்பில் சமீபகாலத்தில் நடைபெற்ற குறிப்பிடத்தக்க மாற்றங்களில் ஒன்றாகப் பார்க்கப்படுகிறது. 

கிருஷ்ணராஜா கடந்த 2024 நவம்பர் மாதம் குற்ற வழக்குத் தொடர்வுத்துறை இயக்குநராக நியமிக்கப்பட்டவர். மதுரையைப் பூர்வீகமாகக் கொண்ட இவர், 1990ஆம் ஆண்டு வழக்கறிஞராகப் பதிவு செய்யப்பட்டார். மதுரை சட்டக் கல்லூரியில் பயின்ற இவர், தமிழக போக்குவரத்துக் கழக வழக்கறிஞர், சென்னை உயர் நீதிமன்ற கூடுதல் அரசு வழக்கறிஞர் மற்றும் சென்னை மாநகர கூடுதல் பப்ளிக் பிராசிகியூட்டர் உள்ளிட்ட பொறுப்புகளை வகித்துள்ளார்.

அரசு தேர்வுக் குழு பரிந்துரையின் அடிப்படையில் அவர் இந்தப் பதவியில் நியமிக்கப்பட்டார். அப்போது தற்காலிகப் பொறுப்பில் இருந்த மாநில தலைமை குற்றவியல் வழக்கறிஞர் அசன் முகமது ஜின்னா தனது நீதிமன்றப் பணிகள் பாதிக்கப்படுவதாகக் கூறி விடுவிக்கக் கோரியதே இந்த நியமனத்துக்கு முக்கிய காரணமாகும்.

இதையும் படிங்க: சோதனைக்கு பதில் சலுகையா? 3 போலீஸ் சஸ்பென்ட்..!! குமரியில் அதிரடி நடவடிக்கை..!!

 இயக்குநராகப் பொறுப்பேற்ற பிறகு, கிருஷ்ணராஜா குற்றவியல் வழக்குகளில் அரசுத் தரப்பை மேற்பார்வையிடும், அரசு வழக்கறிஞர்களின் பணியை ஒருங்கிணைக்கும், காவல்துறை விசாரணைக்குப் பின் நீதிமன்றத்தில் வழக்குகள் சரியாக நடத்தப்படுவதை உறுதி செய்யும் மற்றும் முக்கிய வழக்குகளில் சட்ட ஆலோசனை வழங்கும் பொறுப்புகளை வகித்து வந்தார். இந்தத் துறை தமிழகத்தில் நிலுவையில் உள்ள குற்ற வழக்குகளை விரைவுபடுத்துவதில் முக்கியப் பங்கு வகிக்கிறது.சமீபத்தில் சட்டத்துறை அமைச்சர் நிர்மல் குமார் இந்தத் துறையின் செயல்பாடுகளை விரிவாக ஆய்வு செய்தார். அந்த ஆய்வின்போது பல்வேறு முறைகேடுகள் இருப்பது கண்டறியப்பட்டதாகக் கூறப்படுகிறது. இதனைத் தொடர்ந்து உடனடியாக பணி நீக்க நடவடிக்கை எடுக்கப்பட்டது. 

இதையும் படிங்க: அமைச்சரிடமே வசூல்..! கல்லா கட்டிய திருச்செந்தூர் அர்ச்சகர் சஸ்பெண்ட்..! அமைச்சர் ரமேஷ் அதிரடி..!!