32 திருத்தங்களுடன்..!! 2026-27 நிதிநிலை அறிக்கை மக்களவையில் நிறைவேற்றம்..!!

நாடாளுமன்ற மக்களவையில் 2026-27 நிதியாண்டுக்கான நிதிநிலை அறிக்கை (Union Budget) இன்று 32 அரசுத் திருத்தங்களுடன் நிறைவேற்றப்பட்டது. இதன் மூலம், மக்களவையில் நிதிநிலை அறிக்கையின் ஒப்புதல் நடைமுறை முழுமையாக நிறைவு பெற்றுள்ளது. இந்த மசோதா இனி நாடாளுமன்ற மேலவையான மாநிலங்களவைக்கு பரிசீலனைக்காக அனுப்பப்படும். மாநிலங்களவை ஒப்புதல் அளித்த பின்னர், 2026-27 நிதியாண்டுக்கான முழு நிதிநிலை அறிக்கை செயல்முறை நிறைவடையும்.

இந்த நடைமுறை, நாட்டின் பொருளாதார வளர்ச்சி மற்றும் நிதி ஒழுக்கத்தை உறுதி செய்யும் வகையில் முக்கியத்துவம் வாய்ந்ததாகக் கருதப்படுகிறது. மத்திய நிதியமைச்சர் தாக்கல் செய்த நிதிநிலை அறிக்கையின்படி, 2026-27 நிதியாண்டில் மொத்த செலவினம் ரூ.53.47 லட்சம் கோடியாக நிர்ணயிக்கப்பட்டுள்ளது. இது, வரும் மார்ச் 31-ஆம் தேதியுடன் முடிவடையும் தற்போதைய நிதியாண்டின் திருத்தப்பட்ட மதிப்பீட்டை விட 7.7 சதவீதம் அதிகமாகும்.

இதையும் படிங்க: திமுக ஆட்சியில் தலைவிரித்தாடும் போதைப் பழக்கம்..!! 4 வயது சிறுமிக்கு நேர்ந்த கொடுமை..!! கொந்தளித்த நயினார் நாகேந்திரன்..!!

இந்த அதிகரிப்பு, அரசின் உள்கட்டமைப்பு வளர்ச்சி மற்றும் பொருளாதார ஊக்குவிப்பு நடவடிக்கைகளை பிரதிபலிக்கிறது. மேலும், அடுத்த நிதியாண்டுக்கான மொத்த மூலதனச் செலவு (Capital Expenditure) ரூ.12.2 லட்சம் கோடியாக முன்மொழியப்பட்டுள்ளது. இது, உள்கட்டமைப்பு திட்டங்கள், சாலைகள், ரயில்வே, துறைமுகங்கள் உள்ளிட்டவற்றில் அரசு அதிக முதலீடு செய்யும் திட்டத்தை வலியுறுத்துகிறது. இந்த மூலதனச் செலவு, நீண்டகால பொருளாதார வளர்ச்சியை ஊக்குவிக்கும் என எதிர்பார்க்கப்படுகிறது.

வரி வருவாய் வசூல் ரூ.44.04 லட்சம் கோடியாகவும், கடன் வாயிலாக வாங்கப்படும் தொகை ரூ.17.2 லட்சம் கோடியாகவும் மதிப்பிடப்பட்டுள்ளது. இந்த வருவாய் ஆதாரங்கள், அரசின் செலவினங்களை சமநிலைப்படுத்த உதவும். குறிப்பாக, 2026-27 நிதியாண்டுக்கான நிதிப் பற்றாக்குறை (Fiscal Deficit) மொத்த உள்நாட்டு உற்பத்தியில் (GDP) 4.3 சதவீதமாக இருக்கும் என்று கணிக்கப்பட்டுள்ளது. இது, தற்போதைய நிதியாண்டின் 4.4 சதவீதத்தை விட சற்று குறைவான அளவாகும்.

இந்தக் குறைவு, அரசின் நிதி ஒழுக்கம் (Fiscal Consolidation) மற்றும் கடன் சுமையை கட்டுப்படுத்தும் முயற்சிகளை எடுத்துக்காட்டுகிறது. மேலும், கடன்-ஜிடிபி விகிதம் 55.6 சதவீதமாகக் குறையும் என மதிப்பிடப்பட்டுள்ளது. இந்த நிதிநிலை அறிக்கை, பொருளாதார வளர்ச்சியை தொடர்ந்து ஊக்குவிக்கும் அதேவேளையில், நிதிப் பற்றாக்குறையை குறைக்கும் சமநிலை அணுகுமுறையை பின்பற்றுகிறது. மக்களவை ஒப்புதலுக்குப் பின் மாநிலங்களவை நிலையும், இந்த மசோதா சட்டமாக உருவெடுக்கும். இது, நாட்டின் அடுத்த ஆண்டு பொருளாதாரத் திட்டங்களுக்கு அடித்தளம் அமைக்கும் என்பது குறிப்பிடத்தக்கது.

இதையும் படிங்க: தேசிய ஜனநாயக கூட்டணியில் பாட்டாளி மக்கள் கட்சிக்கு ஒதுக்கப்பட்ட தொகுதிகளின் விவரம் வெளியீடு!