சொன்ன தேதிக்கு முன்னே சரணடையும் மாவோயிஸ்டுகள்! சொன்னதை செய்து காட்டிய அமித்ஷா!!

மகாராஷ்டிரா, மத்திய பிரதேசம், சத்தீஸ்கர் ஆகிய மூன்று மாநிலங்களில் செயல்படும் மாவோயிஸ்டுகள், 2026 ஜனவரி 1 அன்று ஆயுதங்களை கீழே வைத்து ஒட்டுமொத்தமாக சரணடைய தயாராக உள்ளனர் என்று அறிவித்துள்ளனர். இது மத்திய அரசின் 'மார்ச் 31, 2026-க்குள் மாவோயிஸ்ட் பிரச்சினையை முடிவுக்கு கொண்டு வருவோம்' என்ற இலக்குக்கு முன் பெரும் திருப்பமாக பார்க்கப்படுகிறது. 

மாவோயிஸ்ட் MMC (மகாராஷ்டிரா-மத்திய பிரதேசம்-சத்தீஸ்கர்) சிறப்பு மண்டல கமிட்டி பேச்சாளர் 'அனந்த்' என்ற பெயரில் வெளியிட்ட கடிதத்தில், "இரு தரப்பும் ஜனவரி 1 வரை தாக்குதல்களை நிறுத்த வேண்டும். நாங்கள் ஆயுதங்களை கையில்லாமல் வைத்திருப்போம்" என்று கோரியுள்ளனர்.

மாவோயிஸ்டுகள், கடந்த நவம்பர் 22 அன்று மூன்று மாநில முதல்வர்களுக்கும் அனுப்பிய கடிதத்தில், பிப்ரவரி 15 வரை கால அவகாசம் கோரியிருந்தனர். ஆனால் இப்போது ஜனவரி 1 என்ற தேதியை உறுதிப்படுத்தியுள்ளனர். கடிதத்தில், "மூத்த தலைவர்கள் மல்லோஜுலா (சோனு டாடா), அஷன்னா (சங்கரன்னா) சரணடைந்தது, டாப் கமாண்டர் ஹித்மா கொல்லப்பட்டது போன்றவை அமைப்பை பலவீனப்படுத்தியுள்ளன. 

இதையும் படிங்க: மொத்தமாக சரண்டர் ஆகுறோம்! மாவோயிஸ்டுகள் அறிவிப்பு! 3 மாநில முதலமைச்சர்களுக்கு பறந்த கடிதம்!!

மத்திய அரசின் அழைப்புக்கு பதிலாக, எஞ்சியவர்கள் சரணடைய முடிவு செய்துள்ளோம்" என்று கூறியுள்ளனர். சத்தீஸ்கர் உள்துறை அமைச்சர் விஜய் சர்மா, "10-15 நாட்களில் சரணடைதல் நடத்தலாம்" என்று கூறியதை வரவேற்றுள்ளனர், ஆனால் தேதியை மாற்ற மறுத்துள்ளனர்.

மத்திய அரசின் தீவிர நடவடிக்கைகள்: மோடி அரசு, 2026 மார்ச் 31-க்குள் மாவோயிஸ்ட் பிரச்சினையை முடிவுக்கு கொண்டு வருவதற்காக, CRPF, BSF உள்ளிட்ட படைகளின் தாக்குதல்களை தீவிரப்படுத்தியுள்ளது. கடந்த ஆண்டு 200-க்கும் மேற்பட்ட மாவோயிஸ்டுகள் கொல்லப்பட்டுள்ளனர், 500-க்கும் மேற்பட்டோர் சரணடைந்துள்ளனர். சத்தீஸ்கர், மகாராஷ்டிரா, MP ஆகிய மூன்று மாநிலங்களும் இணைந்து 'ஆபரேஷன் பிரஹரா' போன்ற சிறப்பு நடவடிக்கைகளை நடத்தி வருகின்றன. இதன் விளைவாகவே மாவோயிஸ்டுகள் சரணடைதலுக்கு தயாராகியுள்ளனர்.

மாவோயிஸ்டுகள் கோரும் உத்தரவாதங்கள்: கடிதத்தில், "ஒருவருக்கொருவர் சரணடையாமல், ஒட்டுமொத்தமாக சரணடைந்து, பாதுகாப்பான ரிஹேபிலிடேஷன் விரும்புகிறோம். குடும்பங்களுக்கு பாதுகாப்பு, வேலைவாய்ப்பு, கல்வி உத்தரவாதம் தேவை" என்று குறிப்பிடப்பட்டுள்ளது. சத்தீஸ்கர் CM விஷ்ணு தேவ் சாய், "இது வரவேற்கத்தக்கது. ஆனால் உத்தரவாதங்கள் தருவோம்" என்று தெரிவித்துள்ளார். மகாராஷ்டிரா CM தேவேந்திர ஃபட்னாவிஸ், MP CM மோகன் யாதவ் ஆகியோரிடமிருந்து பதில் வரவில்லை என்று மாவோயிஸ்டுகள் கூறுகின்றனர்.

இந்த அறிவிப்பு, மத்திய இந்தியாவின் மாவோயிஸ்ட் பிரச்சினைக்கு முடிவுகட்டும் என எதிர்பார்க்கப்படுகிறது. மத்திய உள்துறை அமைச்சகம், "இது நல்ல அறிகுறி. ஆனால் சரணடைந்தவர்களுக்கு நீதி, பாதுகாப்பு உத்தரவாதம் தருவோம்" என்று தெரிவித்துள்ளது. ரைபூரில் நடக்கும் DGP/IGP மாநாட்டில் இது விவாதிக்கப்படும்.

இதையும் படிங்க: சேட்டிலைட்டில் சிக்காத செல்போன்கள்!! பயங்கரவாதிகளுக்கு பக்காவாக தயாரித்து கொடுத்த குற்றவாளிகள்!