சொன்னதை செய்து காட்டும் அமித் ஷா! சத்தீஸ்கரில் 103 நக்சல்கள் சரண்!

2026-ஆம் ஆண்டுக்குள் இந்தியாவை நக்சல் இல்லாத தேசமாக்கும் என மத்திய அரசு உறுதிமொழி அளித்துள்ள நிலையில், நக்சல் அமைப்புக்கு எதிராக தீவிர நடவடிக்கைகள் எடுக்கப்பட்டு வருகின்றன. பாதுகாப்புப் படையினரின் அதிரடி சோதனைகளால் கடந்த சில நாட்களில் பல நக்சல்கள், அவர்களில் முக்கிய தலைவர்களும் உயிரிழந்துள்ளனர். இதனால் நக்சல்களின் ஆதிக்கம் குறிப்பிட்ட பகுதிகளுக்குள் சுருங்கியுள்ளது. 

இந்நிலையில், போர் நிறுத்தம் கோரிய நக்சல் அமைப்பின் கோரிக்கையை மத்திய உள்துறை அமைச்சர் அமித் ஷா நிராகரித்தார். "போலீசிடம் சரணடைய வாருங்கள். ஆயுதங்களை கீழே வைப்பவர்களை பாதுகாப்புப் படைகள் தொட மாட்டார்கள்," என அவர் உறுதியளித்தார். 

இந்த பின்னணியில், சத்தீஸ்கர் மாநிலத்தின் பஸ்தர் பிரிவின் பிஜாப்பூர் மாவட்டத்தில் 103 நக்சல்கள் போலீசிடம் சரணடைந்துள்ளனர். இவர்கள் தங்கள் ஆயுதங்களை கீழே வைத்து, தேசிய நீரோட்டத்தில் இணைவதற்காக சரணடைந்துள்ளனர் என போலீஸ் அதிகாரிகள் தெரிவித்துள்ளனர். சரணடைந்தவர்களின் வயது 18 முதல் 40 வரை உள்ளது. அவர்களில் 49 பேருக்கு தனியாக 1.03 கோடி ரூபாய் பரிசுத்தொகை அறிவிக்கப்பட்டிருந்தது. 

இதையும் படிங்க: சத்தீஸ்கரில் திரும்பும் அமைதி! ஒரே நாளில் 71 மாவோயிஸ்ட் சரண்டர்!

 இவர்களில் நான்கு பேருக்கு 5 லட்சம் ரூபாய், 15 பேருக்கு 2 லட்சம் ரூபாய், 10 பேருக்கு 1 லட்சம் ரூபாய், 12 பேருக்கு 50 ஆயிரம் ரூபாய், மூன்று பேருக்கு 10 ஆயிரம் ரூபாய் பரிசு இருந்தது. இவர்கள் சத்தீஸ்கர் போலீஸ் மற்றும் பாரமிலிட்டரி அதிகாரிகளின் முன்னிலையில் சரண் அடைந்தனர். 

பிஜாப்பூர் போலீஸ் சூப்பிரண்டண்ட் ஜிதேந்திர குமார் யாதவ் கூறுகையில், "இது சத்தீஸ்கரில் ஒரே நாளில் நடந்த மிகப்பெரிய சரண் நிகழ்வு. சமீபத்தில் பல நக்சல் தலைவர்கள் கொல்லப்பட்டதோ சரணடைந்ததோ காரணமாக இவர்கள் ஆயுதப் போராட்டத்தை கைவிட்டனர். 

பஸ்தர் பகுதியில் நடைபெறும் வளர்ச்சி பணிகள், 'பூனா மார்கெம்' மறுவாழ்வு திட்டம், 'நியாத் நெல்லனார்' (உங்கள் நல்ல கிராமம்) திட்டம் ஆகியவை இவர்களை பாதித்தன," எனத் தெரிவித்தார்.  இவர்களில் பலர் மாவோயிஸ்ட்டுகளின் புரட்சிகர கட்சி கமிட்டி (RPC) உறுப்பினர்கள், பகுதி கமிட்டி தலைவர்கள், மிலிட்டியா கமாண்டர்கள் என்பனர்.

சரணடைந்தவர் ஒவ்வொருவருக்கும் முதற்கட்டமாக 50 ஆயிரம் ரூபாய் நிதியுதவி வழங்கப்பட்டுள்ளது.  சத்தீஸ்கர் அரசின் புதிய சரண் மற்றும் மறுவாழ்வு கொள்கைப்படி, இவர்களுக்கு இலவச வீடு, மருத்துவம், விவசாய நிலம் உள்ளிட்ட சலுகைகள் வழங்கப்படும். 

திறன் மேம்பாட்டு பயிற்சி அல்லது சிறு தொழில் தொடங்க விரும்பினால், அதற்கான நிதி உதவி மற்றும் ஆதரவு அளிக்கப்படும். இது மாவோயிஸ்ட் சித்தாந்தத்தின் தோல்வியாகவும், அமைப்பின் ஆதிக்கத்தின் முடிவாகவும் போலீஸ் அதிகாரிகள் கருதுகின்றனர். 

இந்த ஆண்டு பிஜாப்பூரில் மொத்தம் 410 நக்சல்கள் சரணடைந்துள்ளனர். 421 பேர் கைது செய்யப்பட்டுள்ளனர். இது மத்திய அரசின் நக்சல் ஒழிப்பு இலக்கை நோக்கி பெரும் முன்னேற்றமாகக் கருதப்படுகிறது. போலீஸ், மேலும் சரண்கள் ஏற்படும் என எதிர்பார்க்கிறது.

இதையும் படிங்க: சத்தீஸ்கரில் என்கவுன்டர்..! 10 நக்சல்கள் சுட்டுக்கொலை.. 16 பேர் சரண்..