போதைப்பொருள் பயன்படுத்தினாரா அமைச்சர் சரத்குமார்?! உளவுத்துறை வாயிலாக CM விஜய் ரகசிய விசாரணை!
அமைச்சர் சரத்குமார், போதை மாத்திரை பயன்படுத்தியதாக பரவிய 'வீடியோ' மற்றும் அவர் அளித்த விளக்கம் குறித்து, முதல்வர் அலுவலகம் விசாரணை நடத்தி வருவதாக தகவல் வெளியாகி உள்ளது; அத்துடன் உளவுத்துறை வாயிலாக ரகசிய விசாரணையும் நடந்து வருகிறது.
by
தமிழக வெற்றிக் கழக அரசில் மனிதவள மேலாண்மைத் துறை அமைச்சராக உள்ள தாம்பரம் தொகுதி எம்.எல்.ஏ. சரத்குமார் தொடர்பான பழைய வீடியோ சமூக வலைதளங்களில் மீண்டும் பரவி அரசியல் விவாதத்தை ஏற்படுத்தியுள்ளது. அந்த வீடியோவில், ஐ.பி.எல். கிரிக்கெட் போட்டியை நேரில் பார்த்தபோது, அவர் தனது மொபைல் போன் மீது பவுடர் போன்ற பொருளை வைத்து, ஏ.டி.எம். கார்டு மூலம் அதை நசுக்கும் காட்சி இடம்பெற்றிருந்தது. அவரது கையில் 500 ரூபாய் நோட்டும் இருந்ததாக கூறப்பட்டதால், பல்வேறு ஊகங்களும் குற்றச்சாட்டுகளும் சமூக வலைதளங்களில் பரவின.
இந்த வீடியோ பரவியதைத் தொடர்ந்து, அமைச்சர் சரத்குமார் தனது மனைவி மற்றும் குழந்தையுடன் இணைந்து விளக்க வீடியோ ஒன்றை வெளியிட்டார். அதில், தனது குழந்தையின் உடல்நிலை பாதிக்கப்பட்டிருந்ததால் மருத்துவர் பரிந்துரைத்த மாத்திரையை பொடியாக்கி கொடுக்கவே அந்த செயலை செய்ததாக விளக்கம் அளித்தார். போதைப்பொருள் பயன்படுத்தியதாக வெளியான தகவல்களுக்கு எந்த அடிப்படையும் இல்லை என்றும் அவர் மறுப்பு தெரிவித்தார்.
இருப்பினும், இந்த விவகாரம் அரசியல் வட்டாரங்களில் தொடர்ந்து விவாதத்தை ஏற்படுத்தி வருகிறது. பல்வேறு அரசியல் கட்சிகள் மற்றும் சமூக வலைதள பயனர்கள் அமைச்சர் அளித்த விளக்கம் குறித்து கேள்விகளை எழுப்பி வருகின்றனர். இதனால் இந்த விவகாரம் அரசியல் ரீதியாகவும் கவனம் பெற்றுள்ளது.
இதையும் படிங்க: தொட்டவனுங்களை சும்மா விடக்கூடாது! CM விஜய் அதிரடி! திமுகவின் ஊழல்களை சேகரிக்கும் முதல்வர்!!
இந்த நிலையில், அமைச்சர் சரத்குமார் அளித்த விளக்கம் தொடர்பாக முதல்வர் அலுவலகம் தகவல் சேகரித்து வருவதாக அரசியல் வட்டாரங்களில் தகவல் வெளியாகியுள்ளது. சம்பவம் நடந்த நாளில் அவரது செல்போனில் எடுக்கப்பட்ட பிற புகைப்படங்கள், வீடியோக்கள், பயன்படுத்தப்பட்டதாக கூறப்படும் மாத்திரை குறித்த விவரங்கள் மற்றும் அப்போது அவருடன் இருந்தவர்கள் பற்றிய தகவல்களும் கேட்கப்பட்டுள்ளதாக கூறப்படுகிறது.
மேலும், உளவுத்துறை மூலமாகவும் இந்த விவகாரம் குறித்து ரகசியமாக தகவல் திரட்டப்பட்டு வருவதாக தகவல்கள் வெளியாகியுள்ளன. அமைச்சர் வெளிநாடு பயணம் மேற்கொண்டபோது வெளியிட்ட புகைப்படங்கள் மற்றும் வீடியோக்கள் குறித்தும் சில தகவல்கள் ஆய்வு செய்யப்படுவதாக கூறப்படுகிறது. இருப்பினும், இந்த தகவல்கள் குறித்து தமிழக அரசு அல்லது முதல்வர் அலுவலகம் இதுவரை அதிகாரப்பூர்வ அறிக்கை எதையும் வெளியிடவில்லை. எனவே, இந்த விவகாரத்தில் அதிகாரப்பூர்வ விசாரணை அல்லது அரசு நடவடிக்கை குறித்து உறுதியான தகவல் வெளியாகும் வரை காத்திருக்க வேண்டிய சூழல் நிலவுகிறது.
இதையும் படிங்க: தொட்டவனுங்களை சும்மா விடக்கூடாது! CM விஜய் அதிரடி! திமுகவின் ஊழல்களை சேகரிக்கும் முதல்வர்!!
