"ONE NATION... ONE ELECTION"..!! நோயைவிட மோசம்... முதல்வர் ஸ்டாலின் எதிர்ப்பு..!!
ஒரே நாடு ஒரே தேர்தல் என்பது நோயை விட மோசமானது என முதல்வர் ஸ்டாலின் தெரிவித்தார்.
by
ஒரே நாடு ஒரே தேர்தல் (One Nation One Election) என்பது இந்தியாவில் நீண்ட காலமாக விவாதிக்கப்பட்டு வரும் ஒரு முக்கியமான தேர்தல் சீர்திருத்த யோசனை. இதன் மூலம் நாடு முழுவதும் லோக்சபா தேர்தல் மற்றும் மாநில சட்டமன்ற தேர்தல்கள் ஒரே சமயத்தில், ஒரே கால அட்டவணையில் நடத்தப்பட வேண்டும் என்று முன்மொழியப்படுகிறது. இந்த யோசனையை மீண்டும் முன்னிலைப்படுத்தியவர் பிரதமர் நரேந்திர மோடி. 2014 முதல் அவர் பல கூட்டங்களிலும் உரைகளிலும் இதை வலியுறுத்தி வருகிறார்.
2023 செப்டம்பரில் மத்திய அரசு ஒரு உயர்மட்டக் குழு அமைத்தது. அதற்கு தலைமை வகித்தவர் முன்னாள் குடியரகுத் தலைவர் ராம் நாத் கோவிந்த். இந்தக் குழு 2024 மார்ச் மாதம் தனது விரிவான அறிக்கையை சமர்ப்பித்தது. இதன் மிகப் பெரிய நன்மையாக கருதப்படுவது செலவு குறைவு. தற்போது தனித்தனியே நடக்கும் தேர்தல்களால் தேர்தல் ஆணையம், மத்திய அரசு, மாநில அரசுகள் ஆகியவை பல மடங்கு செலவு செய்கின்றன. ஒரே சமய தேர்தலில் இந்தச் செலவு கணிசமாக குறையும் என்று பொருளாதார ஆய்வுகள் கூறுகின்றன.
இதனிடையே, One Nation One Election என்பது நோயை விட மோசமான ஒரு தீர்வு என தமிழ்நாடு முதலமைச்சர் ஸ்டாலின் தெரிவித்துள்ளார். இவை நாடாளுமன்ற ஜனநாயகத்தின் தர்க்கத்தை தலைகீழாக மாற்றுகிறது என்றும் கலைப்பை நிர்வாக சிரமமாகக் கருதுகிறது மற்றும் சட்டமன்ற பொறுப்புணர்வை பலவீனப்படுத்தும் ஒரு அரை ஜனாதிபதி மாதிரியை நோக்கி இந்தியாவை நுட்பமாக மாற்றுகிறது எனவும் தெரிவித்தார். சட்டமன்ற நம்பிக்கை சரிந்ததால் அல்ல, மாறாக தேசிய தேர்தல் நாட்காட்டியுடன் ஒத்துப்போகும் வகையில் மாநில ஆணைகளை துண்டிக்க இது அனுமதிக்கிறது என்றும் கூறியுள்ளார்.
இதையும் படிங்க: தப்பு பண்ணீட்டீங்களே ஸ்டாலின்... திமுகவை அழிக்கப்போகும் அந்த ரெண்டு பேர்... வார்னிங் கொடுத்த இபிஎஸ்...!
ஒத்திசைவு என்ற பெயரில் நீண்டகால தேர்ந்தெடுக்கப்படாத நிர்வாகத்தை செயல்படுத்துவதன் மூலம் கூட்டாட்சியை மீறும் அபாயமும் உள்ளது என்றும் முதல்வர் ஸ்டாலின் தெரிவித்தார். அரசியலமைப்பு சமநிலை மற்றும் அதிகாரத்தை பொறுப்பேற்க வைக்கும் மக்களின் உரிமையை விலையாகக் கொடுத்து இந்தியாவின் ஜனநாயகம் நிர்வாக வசதிக்காக மறுவடிவமைப்பு செய்யப்படக்கூடாது என்றும் திட்டவட்டமாக தெரிவித்துள்ளார்.
இதையும் படிங்க: போலீசையே கட்டுப்படுத்த முடியாத முதல்வர்..!! கேள்விக்குறியான சட்டம் ஒழுங்கு... TTV தினகரன் காட்டம்..!!
