4 முறை போன் போட்ட ட்ரம்ப்!! கண்டுகொள்ளாத மோடி?! 50% வரி விதித்ததால் கோவம்!!

அமெரிக்க அதிபர் டொனால்ட் டிரம்ப், நம்ம இந்தியாவோட இறக்குமதி பொருட்களுக்கு 50 சதவீத வரி விதிச்சிருக்கார். காரணம்? ரஷ்யாவிடமிருந்து கச்சா எண்ணெய் வாங்குறோம்னு! இதுக்கு மத்தியில, டிரம்ப் நாலு தடவை பிரதமர் நரேந்திர மோடியை போன்ல அழைச்சும், மோடி அந்த அழைப்புகளை கண்டுக்காம விட்டுட்டார்னு ஜெர்மனியின் முன்னணி பத்திரிகை ‘பிராங்பர்டர் ஆல்கைமனே’ (Frankfurter Allgemeine Zeitung) ஒரு கட்டுரையில சொல்லியிருக்கு. இந்தியா-அமெரிக்கா நட்பு, கடந்த 40 வருஷமா தொடர்ந்தாலும், இந்த வரி விவகாரத்தால இப்போ பதற்றமா இருக்கு.

டிரம்ப், அமெரிக்காவோட வர்த்தக பற்றாக்குறையை சரி செய்ய, இந்தியா உட்பட பல நாடுகளுக்கு வரி விதிச்சிருக்கார். முதல்ல 25% வரி வந்தது, கடந்த ஜூலை 7-ல இருந்து அமலுக்கு வந்துடுச்சு. இப்போ, ரஷ்யாவிடமிருந்து எண்ணெய் வாங்குறதுக்கு ‘தண்டனை’னு மறு 25% கூடுதல் வரி விதிச்சு, மொத்தம் 50% ஆக்கிட்டார். 

இது இன்னிக்கு (ஆகஸ்ட் 27, 2025) அமலுக்கு வருது. இந்திய வெளியுறவு அமைச்சகம் இதை ‘நியாயமில்லை’ன்னு கடுமையா எதிர்த்து, “நம்ம 140 கோடி மக்களோட எரிசக்தி பாதுகாப்புக்காகவே ரஷ்யாவிடமிருந்து எண்ணெய் வாங்குறோம்”னு விளக்கமும் கொடுத்திருக்கு. உக்ரைன் போருக்குப் பிறகு, ஐரோப்பிய நாடுகள் ரஷ்ய எண்ணெயை நிறுத்தினதால, இந்தியா மலிவு விலையில வாங்கி, உலக சந்தைக்கு விற்று பொருளாதாரத்தை பலப்படுத்துது. ஆனா, இது டிரம்புக்கு பிடிக்கல!

இதையும் படிங்க: சீனா மாணவர்களுக்கு சிவப்பு கம்பள வரவேற்பு!! திடீர் கரிசனம் காட்டும் ட்ரம்ப்!! இந்தியாவின் நட்புக்கு செக்!!

ஜெர்மனி பத்திரிகை சொல்றது, டிரம்ப் கடந்த இரண்டு வாரமா நாலு தடவை மோடியை போன்ல அழைச்சிருக்கார், ஆனா மோடி ஒரு அழைப்பையும் எடுக்கல. காரணம்? டிரம்போட பேச்சு அவரோட ஊடக விளம்பரத்துக்கு பயன்படும்னு மோடிக்கு தெரியும். உதாரணமா, வியட்னாமோட வர்த்தக ஒப்பந்தம் இன்னும் முடியல. 

ஆனா டிரம்ப் ‘ஒப்பந்தம் ஆயிடுச்சு’ன்னு சமூக வலைதளத்துல (X-ல) அறிவிச்சுட்டார். இதே மாதிரி, இந்தியா-பாகிஸ்தான் மோதலை ‘நான் தான் நிறுத்தினேன்’னு சொல்லி, பாகிஸ்தான் ராணுவ தலைவர் அசிம் முனீரை வெள்ளை மாளிகைக்கு அழைச்சு விருந்து வச்சிருக்கார். இது எல்லாம் மோடிக்கு கோபத்தை ஏற்படுத்தியிருக்கு.

இந்தியாவோட ஏற்றுமதியில் 20% அமெரிக்காவுக்குப் போகுது – டெக்ஸ்டைல், நகை, ஆட்டோ பாகங்கள், சீஃபுட் எல்லாம் பாதிக்கப்படும். இந்த வரியால இந்தியாவோட பொருளாதார வளர்ச்சி (GDP) 6.5%-லிருந்து 5.5% ஆக குறையலாம்னு Global Trade Research Initiative (GTRI) சொல்றாங்க. டிரம்ப் சொல்றது, “வரியை குறைக்கணும்னா, இந்திய சந்தையை அமெரிக்க வேளாண் நிறுவனங்களுக்கு திறந்து விடுங்க”னு. ஆனா, மோடி இதை ஏற்க மறுத்து, “உள்ளூர் விவசாயிகளும் தொழிலாளர்களும் பாதிக்கப்படுவாங்க”ன்னு திட்டவட்டமா சொல்லிட்டார்.

இந்தியா இப்போ ரஷ்யாவிடமிருந்து எண்ணெய் வாங்குறதை நிறுத்தல, அதே சமயம் அமெரிக்க அதிகாரிகளோட பேச்சுவார்த்தையும் நடத்துது. மோடி, சீனாவோட தியாஜின்ல நடக்குற ஷாங்காய் ஒத்துழைப்பு மாநாட்டுக்கு (SCO) போகப் போறார். இதுல ரஷ்யா, சீனா எல்லாம் இருக்கும். சீனாவோட முதலீடும் தொழில்நுட்பமும் இந்தியாவோட தொழிலுக்கு உதவும்னு நம்பிக்கை இருக்கு. இது, டிரம்போட ‘இண்டோ-பசிஃபிக்’ உத்திக்கு ஒரு சவாலா இருக்கும்.

டிரம்போட வரி, மிரட்டல் உத்திகள் இந்தியாவிடம் எடுபடல. மோடி, நம்ம நாட்டு நலனை முன்னிட்டு உறுதியா நிக்கிறார். இந்தியா தன்னம்பிக்கையோட, உலக அரங்கில் மூணாவது பெரிய பொருளாதாரமா உயரப் போகுது. 

இதையும் படிங்க: ஆபரேஷன் சிந்தூர் இன்னும் முடியல!! தொடருது!! பாக்., வயிற்றில் புளியை கரைத்த சவுகான்!!