மக்கள் பாதுகாப்புக்கு புதிய தொழில்நுட்பம்..!! இன்று நாடு முழுவதும் செல் பிராட்காஸ்ட் அலெர்ட் சோதனை..!!

மழை வெள்ளம், நிலநடுக்கம், சுனாமி உள்ளிட்ட பேரிடர் காலங்களில் பொதுமக்களுக்கு உடனடி எச்சரிக்கை அளிப்பதற்காக மத்திய அரசு அறிமுகப்படுத்தியுள்ள ‘செல் பிராட்காஸ்ட் அலெர்ட்’ அமைப்பின் சோதனை இன்று (மே 2, 2026) நாடு தழுவிய அளவில் நடைபெறுகிறது. இந்த சோதனையால் பொதுமக்கள் பீதியடையத் தேவையில்லை என மத்திய தொலைத்தொடர்புத் துறை, தேசிய பேரிடர் மேலாண்மை ஆணையம் (NDMA) மற்றும் மாநில பேரிடர் மேலாண்மை ஆணையங்கள் தெரிவித்துள்ளன.

பாரம்பரிய குறுஞ்செய்தி (SMS) முறையில் இருந்து மாறுபட்ட இந்த தொழில்நுட்பம், ஒரு குறிப்பிட்ட செல் டவர் எல்லைக்குள் உள்ள அனைத்து மொபைல் போன்களுக்கும் ஒரே நேரத்தில் செய்தியை ஒளிபரப்பும் திறன் கொண்டது. இது பேரிடர் பகுதிகளில் நெட்வொர்க் நெரிசல் ஏற்பட்டாலும் தகவலை சீராக கொண்டு சேர்க்கும். முக்கிய அம்சம் என்னவென்றால், போன் சைலண்ட் அல்லது டூ-நாட்-டிஸ்டர்ப் பயன்முறையில் இருந்தாலும், உரத்த அபாய ஒலியுடன் திரையில் பாப்-அப் செய்தியாக வரும். 

இதனால் ஆழ்ந்த தூக்கத்தில் இருப்பவர்களும் உடனடியாக எச்சரிக்கையடைய முடியும். இன்றைய சோதனையில் தலைநகரங்கள், டெல்லி-என்சிஆர் உள்ளிட்ட பகுதிகளில் ஆங்கிலம், இந்தி மற்றும் பிராந்திய மொழிகளில் சோதனை செய்திகள் அனுப்பப்படும். “இது NDMA-வின் செல் பிராட்காஸ்ட் அலெர்ட் சோதனை. எந்த நடவடிக்கையும் தேவையில்லை. புறக்கணிக்கவும்” போன்ற உள்ளடக்கம் கொண்ட செய்தியாக இருக்கும். மக்கள் இதைப் பார்த்தவுடன் பயப்படாமல், ‘Ignore’ பட்டனை அழுத்தினால் போதும் என அறிவுறுத்தப்பட்டுள்ளது. 

இதையும் படிங்க: 5 மாதங்களாக நடந்த டார்ச்சர்!! மனம் நொந்து உயிரை மாய்த்த பெண்! குடும்பத்தினரையும் மிரட்டிய டிஜிட்டல் கைது கும்பல்!

மத்திய தொலைத்தொடர்பு மேம்பாட்டு மையம் (C-DOT) உருவாக்கிய ‘சசேத்’ ஒருங்கிணைந்த எச்சரிக்கை அமைப்பின் ஊடாக இந்த செய்திகள் அனுப்பப்படுகின்றன. இந்திய தொழில்நுட்பத்தில் உருவாக்கப்பட்ட இந்த முறை, உலகின் பல நாடுகளில் பயன்பாட்டில் உள்ளதைப் போன்று, பேரிடர் நேரத்தில் உயிர் காக்கும் கருவியாக அமையும்.

நிலநடுக்கம், வெள்ளம், சுனாமி, மின்னல், தொழில்துறை விபத்துகள் உள்ளிட்ட அவசர நிலைகளில் உடனடி தகவல் பரிமாற்றத்தை உறுதி செய்யும்.இந்த சோதனை மூலம் அமைப்பின் செயல்திறன், தொழில்நுட்பக் கோளாறுகள் ஆகியவற்றை கண்டறிந்து சரிசெய்ய முடியும். முழு அமலாக்கத்திற்கு முன்பான முக்கிய ஒத்திகையாக இது கருதப்படுகிறது.

மக்கள் இந்த சோதனையை புரிந்துகொண்டு ஒத்துழைப்பு நல்கினால், எதிர்கால பேரிடர் மேலாண்மை மிகவும் பலப்படுத்தப்படும். இந்த டிஜிட்டல் முயற்சி இந்தியாவின் பாதுகாப்பு உள்கட்டமைப்பில் ஒரு முக்கிய மைல்கல்லாக அமையும் என எதிர்பார்க்கப்படுகிறது. பொதுமக்கள் அமைதியாக இருந்து, உண்மையான அவசர எச்சரிக்கை வந்தால் மட்டும் அறிவுறுத்தல்களைப் பின்பற்றுமாறு அரசு கோரியுள்ளது.

இதையும் படிங்க: அட கொடுமையே..! படகுக்குள் தண்ணீர் வந்த பிறகுதான் லைஃப் ஜாக்கெட் குடுப்பாங்களா..? அதிர்ச்சி காட்சிகள்..!!