கோவையில் உச்சக்கட்ட பரபரப்பு... நாம் தமிழர் கட்சி முக்கிய பிரமுகர் கைது... சீமானை சீண்டிய விஜய்...!

இடைத்தேர்தலின்போது, தாராபுரம் முதல் மூலனூர் வரையிலான சாலையில் முதலமைச்சரின் சாலைப் பிரச்சாரக் கூட்டத்திற்கான ஏற்பாடுகள் செய்யப்பட்டிருந்தன. அப்போது, நாம் தமிழர் கட்சியின் வேட்பாளர் கார்த்திகாவும் அவரது ஆதரவாளர்களும் காவல்துறையின் உத்தரவை மீறி அங்கு பிரச்சாரத்தில் ஈடுபட்டனர்.

மேலும், பணியில் இருந்த காவல்துறை அதிகாரிகள் குறித்து அவதூறாகப் பேசியதாகக் கூறப்படும் குற்றச்சாட்டின் அடிப்படையில் அவர்கள் மீது வழக்குப் பதிவு செய்யப்பட்டது.

இந்த வழக்கு தொடர்பாக, கோயம்புத்தூரில் இருந்த நாம் தமிழர் கட்சியின் வேட்பாளர் கார்த்திகாவையும் அவரது கணவரையும் தாராபுரம் போலீசார் இன்று காலை கைது செய்தனர். மேலும், தாராபுரம் ஒருங்கிணைப்பாளர் சஞ்சய் காந்தி உள்ளிட்ட மொத்தம் ஐந்து பேரைத் தனிப்படைக் காவல்துறையினர் இன்று கைது செய்துள்ளனர்.

இதையும் படிங்க: திரை கவர்ச்சி மங்கும், இன கவர்ச்சி பொங்கும்: தவெக, திமுக, அதிமுகவுக்கு எதிராக சீமான் ஆவேசம்!

கார்த்திகா மற்றும் அவரது கணவரிடம் தற்போது கோயம்புத்தூரில் விசாரணை நடைபெற்று வரும் நிலையில், கைது செய்யப்பட்ட மற்றவர்கள் தாராபுரத்திற்கு அழைத்துச் செல்லப்பட்டுள்ளனர்.

இந்த வழக்கு தொடர்பாக, பிரச்சாரத்தின்போது முதலமைச்சரின் வருகையை முன்னிட்டு பாதுகாப்பு ஏற்பாடுகள் செய்யப்பட்டிருந்தன. அப்போது, காவல்துறையின் கட்டுப்பாடுகளை மீறி, முதலமைச்சருக்காக ஒதுக்கப்பட்ட பாதையில் நுழைந்ததுடன், சாலை மறியல் போராட்டத்திலும் ஈடுபட்டதாகவும், பணியில் இருந்த காவல்துறை அதிகாரிகளைத் திட்டியதாகவும் குற்றச்சாட்டு எழுந்தது. இதன் அடிப்படையில் அவர்கள் மீது வழக்குப் பதிவு செய்யப்பட்டது.

நான்கு பிரிவுகளின் கீழ் பதிவு செய்யப்பட்ட இந்த வழக்கு தொடர்பான விசாரணையைத் தொடர்ந்து, கார்த்திகா, அவரது கணவர் மற்றும் நாம் தமிழர் கட்சியின் தாராபுரம் ஒருங்கிணைப்பாளர் சஞ்சய் காந்தி உள்ளிட்ட ஐந்து பேரை போலீசார் தற்போது கைது செய்துள்ளனர்.

கோயம்புத்தூரில் விசாரணை முடிந்த பிறகு, அவர்களைத் தாராபுரத்திற்கு அழைத்துச் செல்வதற்கான ஏற்பாடுகளை காவல்துறையினர் தீவிரமாக மேற்கொண்டு வருகின்றனர்.

இதையும் படிங்க: முதல்வர் விஜய் ரோடு ஷோ பாதையில் போராட்டம்: நாம் தமிழர் கட்சி வேட்பாளர் கார்த்திகா உட்பட நிர்வாகிகள் கைது!