கூட்டணி முறிவு எதிரொலி..! பார்லிமென்டில் திமுக எம்.பி.க்களுக்கு தனி இடம்..! MP கனிமொழி கோரிக்கை ஏற்பு..!!

தமிழ்நாடு சட்டமன்றத் தேர்தல் முடிவுகளுக்குப் பிறகு காங்கிரஸ் கட்சி திமுகவுடனான நீண்டகால கூட்டணியை முறித்துக்கொண்டு நடிகர் விஜய் தலைமையிலான தமிழக வெற்றி கழகத்துக்கு ஆதரவு அளித்த நிலையில், இரு கட்சிகளுக்கும் இடையேயான உறவு முற்றிலும் பாதிக்கப்பட்டது. இந்த அரசியல் மாற்றம் நாடாளுமன்றத்தின் இருக்கை அமைப்பிலும் தாக்கத்தை ஏற்படுத்தியுள்ளது.

திமுக எம்.பி.க்களின் இருக்கைகளை மாற்றி அமைக்க வேண்டும் என்ற கோரிக்கையை திமுக நாடாளுமன்றக் குழுத் தலைவர் கனிமொழி முன்வைத்தார். இந்தக் கோரிக்கை ஏற்றுக்கொள்ளப்பட்டு, தற்போது திமுக எம்.பி.க்களுக்கு தனி இருக்கை ஒதுக்கீடு செய்யப்பட்டுள்ளது. காங்கிரஸ் தனது இருபதாண்டு கால கூட்டணியை முறித்து தவெகவுக்கு ஆதரவு தெரிவித்த பிறகு, திமுக தரப்பில் கடும் அதிருப்தி ஏற்பட்டது.

இந்தச் சூழலில், மே 7 அன்று கனிமொழி லோக்சபா சபாநாயகர் ஓம் பிர்லாவுக்கு ஒரு கடிதம் எழுதினார். அந்தக் கடிதத்தில், “மாறிய அரசியல் சூழலைக் கருத்தில் கொண்டு, இந்திய தேசிய காங்கிரஸுடனான எங்கள் கூட்டணி முடிவுக்கு வந்துள்ளது. எனவே, தற்போதைய இருக்கை அமைப்பில் காங்கிரஸ் உறுப்பினர்களுடன் அருகருகே அமர்ந்திருப்பது தொடர்வது பொருத்தமானதல்ல” என்று குறிப்பிட்டார். திமுக எம்.பி.க்களுக்கு தனி இருக்கைகள் ஒதுக்கீடு செய்ய வேண்டும் என்று அவர் வலியுறுத்தினார். இது திமுகவின் 22 லோக்சபா உறுப்பினர்களின் பணிகளை திறம்பட மேற்கொள்ள உதவும் என்றும் அவர் சுட்டிக்காட்டினார். 

இதையும் படிங்க: தமிழ்த் தாயின் ஏக்கம் தீர்த்த தலைமகன்..! திமுக தலைவர் ஸ்டாலின் தமிழ்நாடு நாள் வாழ்த்து..!!

இந்தக் கோரிக்கை அரசியல் ரீதியாக முக்கியத்துவம் வாய்ந்ததாகக் கருதப்பட்டது. ஏனெனில், 2024 லோக்சபா தேர்தலுக்குப் பிறகு INDIA கூட்டணியின் ஒருங்கிணைப்பில் ஏற்பாடு செய்யப்பட்ட இருக்கை அமைப்பில் திமுக எம்.பி.க்கள் பலர் காங்கிரஸ் உறுப்பினர்களுடன் அருகருகே அமர்ந்திருந்தனர். திமுக நாடாளுமன்றக் குழுத் தலைவர் டி.ஆர். பாலு கூட எதிர்க்கட்சித் தலைவர் ராகுல் காந்திக்கு அருகில் இருந்தார். இந்த அமைப்பு இப்போது மாற்றப்பட வேண்டும் என்ற நிலை உருவானது. கனிமொழியின் கடிதம் வெளியான சில நாட்களிலேயே இந்த விவகாரம் நாடாளுமன்றச் செயலகத்தின் கவனத்துக்கு சென்றது. தற்போது, திமுகவின் கோரிக்கை ஏற்றுக்கொள்ளப்பட்டு, அவர்களுக்கு தனி இருக்கைத் தொகுதி ஒதுக்கீடு செய்யப்பட்டுள்ளது. 

இதையும் படிங்க: சேலையை இழுத்து அடாவடி... திமுக Vs காங்கிரஸ் கவுன்சிலர்கள் இடையே குடுமிப்பிடி சண்டை...!