மோடி துவங்கி வைத்த திட்டம்!! WHO பாராட்டு!! கர்ப்பப்பை புற்று நோய்க்கு இந்தியாவில் இலவச தடுப்பூசி!!
கர்ப்பப்பை வாய் புற்று நோயில் இருந்து பெண்களை பாதுகாக்கும் நோக்கில் எச்பிவி HPV என்னும் மனித பாப்பிலோமா வைரஸ் தடுப்பூசி திட்டத்தை பிரதமர் மோடி ராஜஸ்தானில் கடந்த நேற்று துவக்கி வைத்தார்.
by
ராஜஸ்தானில் நேற்று (மார்ச் 1, 2026) பிரதமர் நரேந்திர மோடி மிக முக்கியமான சுகாதாரத் திட்டத்தை தொடங்கி வைத்தார். கர்ப்பப்பை வாய் புற்றுநோய் (Cervical Cancer) எனும் கொடிய நோயிலிருந்து பெண்களை பாதுகாக்கும் நோக்கில் நாடு தழுவிய HPV தடுப்பூசி திட்டத்தை அறிமுகப்படுத்தினார். இத்திட்டத்தின் கீழ் 14 வயதுக்கு உட்பட்ட சிறுமிகளுக்கு Gardasil-4 (கார்டசில் 4) தடுப்பூசி அரசு மருத்துவமனைகளில் இலவசமாக செலுத்தப்படும்.
ஒவ்வொரு ஆண்டும் சுமார் 1 கோடி 15 லட்சம் சிறுமிகள் இத்தடுப்பூசியை பெற முடியும். பெற்றோரின் அனுமதியுடன் மட்டுமே இது செலுத்தப்படும்; கட்டாயம் இல்லை. இந்தியா இத்தகைய தேசிய அளவிலான HPV தடுப்பூசி திட்டத்தை தொடங்கிய நாடுகளின் பட்டியலில் இணைந்துள்ளது. இது பெண்களின் உயிர்களை காப்பாற்றும் மிகப் பெரிய முயற்சியாக கருதப்படுகிறது.
கர்ப்பப்பை வாய் புற்றுநோய் இந்தியாவில் பெண்களிடையே அதிகம் ஏற்படும் புற்றுநோய்களில் இரண்டாவது இடத்தில் உள்ளது. ஆண்டுக்கு சுமார் 1.2 லட்சம் புதிய வழக்குகளும், 77,000 உயிரிழப்புகளும் ஏற்படுகின்றன.
இதையும் படிங்க: UAE-ல் தாண்டவமாடும் ஈரான்!! அமீரகத்தில் விழுந்த 708 குண்டுகள்!! இரக்கம் காட்டாமல் ஈரான் தாக்குவதால் அதிர்ச்சி!
இந்நோய்க்கு முக்கிய காரணமான மனித பாப்பிலோமா வைரஸ் (HPV) தொற்றைத் தடுப்பதே இத்தடுப்பூசியின் நோக்கம். Gardasil-4 தடுப்பூசி HPV-யின் மிக ஆபத்தான 4 வகைகளுக்கு (6, 11, 16, 18) எதிராக பாதுகாப்பு அளிக்கிறது. 9-14 வயதில் இரண்டு டோஸ் செலுத்தினால் 90%க்கும் மேல் பாதுகாப்பு கிடைக்கும் என்று மருத்துவ ஆய்வுகள் தெரிவிக்கின்றன.
இத்திட்டத்தை தொடங்கியதற்கு உலக சுகாதார அமைப்பின் பொது இயக்குநர் டெட்ரோஸ் அதானோம் கெப்ரேயேசுஸ் (Tedros Adhanom Ghebreyesus) பாராட்டு தெரிவித்துள்ளார். "நாடு தழுவிய HPV தடுப்பூசி திட்டத்தை தொடங்கிய மத்திய சுகாதாரத்துறை மற்றும் பிரதமர் மோடியை வாழ்த்துகிறேன். கர்ப்பப்பை வாய் புற்றுநோய் ஒழிப்பு இலக்கை அடைய உலக சுகாதார அமைப்பு அனைத்து நாடுகளுடனும் இணைந்து பணியாற்றும். பெண்கள் இந்நோய் அச்சமின்றி வாழ வேண்டும் என்பதே எங்கள் உறுதி" என்று அவர் கூறியுள்ளார்.
இந்த திட்டம் இந்தியாவின் பெண் குழந்தைகளுக்கு பெரும் நம்பிக்கை அளிக்கிறது. அரசு மருத்துவமனைகள், ஆரம்ப சுகாதார நிலையங்கள், பள்ளிகள் வழியாக தடுப்பூசி வழங்க திட்டமிடப்பட்டுள்ளது. பெற்றோர்கள் தங்கள் மகள்களுக்கு இலவச தடுப்பூசி பெற அருகிலுள்ள அரசு மருத்துவமனைக்கு சென்று பதிவு செய்யலாம். கர்ப்பப்பை வாய் புற்றுநோய் ஒழிப்பு இலக்கை நோக்கி இந்தியா எடுத்துள்ள இந்த முக்கிய படி, பெண்களின் ஆரோக்கியத்தில் புரட்சியை ஏற்படுத்தும் என்று எதிர்பார்க்கப்படுகிறது.
இதையும் படிங்க: ஈரானின் ஆயிரக்கணக்கான இலக்குகளை தாக்குவோம்! நெதன்யாகு வார்னிங்! தீவிரம் அடையும் போர்!
