இன்னும் ரூ.2000 நோட்டு கையில இருக்கா..?? ரிசர்வ் வங்கி சொன்ன முக்கிய தகவல்..!!

ரிசர்வ் வங்கி ஆஃப் இந்தியா (RBI) 2023 மே 19 அன்று எடுத்த முக்கிய முடிவு நாட்டின் பணப் புழக்க அமைப்பில் பெரும் மாற்றத்தை ஏற்படுத்தியுள்ளது. அன்று, சந்தையில் சுமார் 3.56 லட்சம் கோடி ரூபாய் மதிப்பிலான இரண்டாயிரம் ரூபாய் நோட்டுகள் புழக்கத்தில் இருந்தன. இந்த நோட்டுகளை படிப்படியாக திரும்பப் பெறும் அறிவிப்பு வெளியானதும், பொதுமக்களும் வங்கிகளும் தீவிரமாக இந்த நோட்டுகளை மாற்றும் பணியில் ஈடுபட்டனர்.

2026 ஏப்ரல் 30 நிலவரப்படி, வெறும் 5,451 கோடி ரூபாய் மதிப்புள்ள 2000 ரூபாய் நோட்டுகள் மட்டுமே சந்தையில் எஞ்சியுள்ளதாக ரிசர்வ் வங்கி தெரிவித்துள்ளது. இதன் மூலம் மொத்தம் 98.47 சதவீத நோட்டுகள் வெற்றிகரமாக திரும்பப் பெறப்பட்டுள்ளன. இன்னும் சிலர் தங்கள் வீடுகளில் பத்திரமாக வைத்திருக்கும் நோட்டுகளை வங்கிகளில் டெபாசிட் செய்து வருகின்றனர்.

ரூ.2000 நோட்டுகள் இன்னும் முழு செல்லுபடியாகும் நிலையில்தான் உள்ளன. எனவே, எந்தவித பிரச்சனையும் இன்றி இந்த நோட்டுகளைப் பயன்படுத்தலாம் அல்லது மாற்றிக்கொள்ளலாம். ரிசர்வ் வங்கியின் 19 பிராந்திய அலுவலகங்கள், நாடு முழுவதும் உள்ள அனைத்து வங்கிக் கிளைகள் மற்றும் இந்தியா போஸ்ட் அலுவலகங்கள் மூலம் இந்த வசதி எளிதாகக் கிடைக்கிறது.

இதையும் படிங்க: மறந்து போன வங்கி டெபாசிட் இனி வீணாகாது..!! ரிசர்வ் வங்கி சிறப்பு ஏற்பாடு..!!

குறிப்பாக, கிராமப்புறம் மற்றும் தொலைதூரப் பகுதிகளில் வசிக்கும் மக்களுக்கு இந்தியா போஸ்ட் மூலமான சேவை பெரும் உதவியாக அமைந்துள்ளது. எந்த தபால் நிலையத்திலிருந்தும் 2000 ரூபாய் நோட்டுகளை அனுப்பி வைக்கலாம். அவை பாதுகாப்பாக சரிபார்க்கப்பட்ட பின்னர், சரியான தொகை அனுப்புநரின் வங்கிக் கணக்கில் நேரடியாக வரவு வைக்கப்படும். இந்த ஏற்பாடு நகர்ப்புற மட்டுமின்றி ஊரக மக்களுக்கும் எந்த அசௌகரியமும் ஏற்படாமல் நோட்டுகளை மாற்ற உதவுகிறது.

ரிசர்வ் வங்கி, வங்கிகளுக்கு அறிவுறுத்தியுள்ளபடி, பொதுமக்கள் எந்தவித சிரமமும் அடையாமல் பார்த்துக்கொள்ள வேண்டும் என்று வலியுறுத்தியுள்ளது. இந்த திரும்பப் பெறும் நடவடிக்கை நாட்டின் பணப் புழக்கத்தை மேலும் ஒழுங்குபடுத்தவும், டிஜிட்டல் பணப் பரிவர்த்தனைகளான UPI, மொபைல் பேமெண்ட் போன்றவற்றை ஊக்குவிக்கவும் உதவியுள்ளது. 

2016-ல் உயர் மதிப்பு நோட்டுகள் திரும்பப் பெறப்பட்டதைப் போலவே, இந்த நடவடிக்கையும் கள்ள நோட்டுகளைக் குறைக்கவும், பொருளாதாரத்தை வெளிப்படையாக்கவும் பங்களித்துள்ளது. இன்னும் தங்கள் கைவசம் 2000 ரூபாய் நோட்டுகள் வைத்திருப்பவர்கள் விரைவில் அருகிலுள்ள வங்கி அல்லது தபால் நிலையத்தை அணுகி மாற்றிக்கொள்ளுமாறு ரிசர்வ் வங்கி பொதுமக்களுக்கு வேண்டுகோள் விடுத்துள்ளது. இந்த செயல்முறை முடிவடையும் வரை ரிசர்வ் வங்கி தொடர்ந்து கண்காணித்து வருகிறது.

இதையும் படிங்க: "தமிழ்நாட்டில் இப்போது குதிரை சந்தைதான் நடக்குது! திராவிட கழக தலைவர் கி வீரமணி  விமர்சனம்!