ட்ரம்ப் கொடுத்த வார்னிங்!! ரஷ்யா ஆயில் கட்!! ஜனவரியில் 40% குறைந்தது கச்சா இறக்குமதி!!
ரஷியாவிலிருந்து கச்சா எண்ணெய் வாங்க அமெரிக்க அதிபர் டொனால்ட் டிரம்ப் கடுமையான எதிர்ப்புகளைத் தெரிவித்த நிலையில், ரஷிய இறக்குமதி 40 சதவிகிதம் குறைந்துள்ளது.
by
அமெரிக்க அதிபர் டொனால்ட் டிரம்ப் ரஷ்யா-உக்ரைன் போரை நீட்டிப்பதற்கு இந்தியா, சீனா போன்ற நாடுகள் ரஷ்யாவிடமிருந்து கச்சா எண்ணெய் வாங்குவதே காரணம் என்று குற்றம்சாட்டி வருகிறார். இதனால் இந்தியா மீது 25 சதவீத வரியுடன் கூடுதலாக 25 சதவீத அபராத வரி விதிக்கப்பட்டது. இந்த கடும் நடவடிக்கை இந்திய சந்தையில் பெரும் அதிர்ச்சியை ஏற்படுத்தியது.
இதன் விளைவாக ஜனவரி மாதத்தில் ரஷ்யாவிலிருந்து இந்தியாவுக்கு வரும் இறக்குமதி மதிப்பு 40.48 சதவீதம் குறைந்துள்ளது. 2025 ஜனவரியில் 4.81 பில்லியன் டாலராக இருந்த இறக்குமதி, 2026 ஜனவரியில் 2.86 பில்லியன் டாலராக சரிந்துள்ளது. ரஷ்யாவிலிருந்து இந்தியா இறக்குமதி செய்யும் பொருட்களில் 80 சதவீதம் கச்சா எண்ணெய் மட்டுமே. மீதமுள்ள 20 சதவீதத்தில் நிலக்கரி, கோக், உரம், இரும்பு, பருப்பு வகைகள் உள்ளிட்டவை அடங்கும்.
கச்சா எண்ணெய் இறக்குமதி போக்கு: 2025 மார்ச் மாதத்தில் 4.73 பில்லியன் டாலராக உச்சத்தில் இருந்தது. ஆனால் செப்டம்பர் மாதத்தில் 3.32 பில்லியன் டாலராக சரிந்தது – கிட்டத்தட்ட 30 சதவீத குறைவு. இந்திய சுத்திகரிப்பு நிறுவனங்கள் ரஷ்யாவிலிருந்து கச்சா எண்ணெய் வாங்குவதை கணிசமாக குறைத்துவிட்டதாக தகவல்கள் தெரிவிக்கின்றன.
இதையும் படிங்க: கிரீன்லாந்தை கைப்பற்ற களமிறங்கும் அமெரிக்க ராணுவம்?!! அதிபர் ட்ரம்ப் சொல்வது என்ன?!
வரலாற்று ஒப்பீடு: 2012-13இல் வெனிசுவேலாவிலிருந்து 14.10 பில்லியன் டாலர் மதிப்பிலான கச்சா எண்ணெய் இறக்குமதி செய்யப்பட்டது. ஆனால் அரசியல் காரணங்களால் அது படிப்படியாக குறைந்து 2021-22இல் பூஜ்ஜியமானது. அதே சமயம் ரஷ்யாவிலிருந்து 2011-12இல் பூஜ்ஜியமாக இருந்த இறக்குமதி, 2022-23இல் திடீரென உயர்ந்து 31 பில்லியன் டாலரை தாண்டியது. 2023-24இல் 46.49 பில்லியன் டாலராகவும், 2024-25இல் 50.28 பில்லியன் டாலராகவும் உச்சம் தொட்டது.
டிரம்பின் வரி அச்சுறுத்தல் இந்தியாவின் எரிசக்தி திட்டத்தை பெரிதும் பாதித்துள்ளது. இதனால் மத்திய கிழக்கு, அமெரிக்கா, ஆப்பிரிக்க நாடுகளிலிருந்து மாற்று இறக்குமதி அதிகரிக்க வாய்ப்புள்ளது. எரிபொருள் விலை, பொருளாதார வளர்ச்சி ஆகியவற்றில் இதன் தாக்கம் எப்படி இருக்கும் என்பது இனி தெரியவரும். இந்தியா ரஷ்யாவுடனான வர்த்தகத்தில் புதிய சமநிலையை தேட வேண்டிய கட்டாயத்தில் உள்ளது.
இதையும் படிங்க: ரஷ்யாவை கழட்டிவிட்டு வெனிசுலாவிடம் ஐக்கியம்! இந்தியாவின் உள்ளே வெளியே கேம்! ட்ரம்ப் அழுத்தமா?
