தாயகம் திரும்பிய விண்வெளி நாயகன்... சுபான்ஷு சுக்லாவிற்கு உற்சாக வரவேற்பு!

சுபான்ஷு சுக்லா, இந்திய விண்வெளி ஆய்வு மையமான இஸ்ரோவின் விண்வெளி வீரராகவும், ஆக்ஸியம்-4 திட்டத்தில் முக்கிய பங்கு வகித்தவராகவும் அறியப்படுகிறார். சுபான்ஷு சுக்லா, ஆக்ஸியம்-4 திட்டத்தின் மூலம் சர்வதேச விண்வெளி நிலையத்திற்கு பயணித்த முதல் இந்திய விண்வெளி வீரர் என்ற பெருமையைப் பெற்றார்.

அமெரிக்காவின் புளோரிடாவில் உள்ள கென்னடி விண்வெளி மையத்திலிருந்து ஸ்பேஸ்எக்ஸின் ஃபால்கன்-9 ராக்கெட் மூலம் டிராகன் விண்கலத்தில் பயணித்தார். 28 மணி நேர பயணத்திற்குப் பிறகு, ஜூன் 26 அன்று விண்கலம் சர்வதேச விண்வெளி நிலையத்துடன் இணைந்தது. 18 நாட்கள், 7 மணி நேரம், 26 நிமிடங்கள் அங்கு தங்கி, பல அறிவியல் ஆய்வுகளை மேற்கொண்டு, கலிபோர்னியா கடற்கரையில் வெற்றிகரமாக தரையிறங்கினார். 

இந்தப் பயணத்தில், சுபான்ஷு சுக்லா நான்கு பேர் கொண்ட குழுவை வழிநடத்தினார். இந்தக் குழுவில் அமெரிக்காவின் பெக்கி விட்சன் நாசாவின் முன்னாள் விண்வெளி வீரர், போலந்தின் ஸ்லாவோஸ் உஸ்னான்ஸ்கி, மற்றும் ஹங்கேரியின் திபோர் கபு ஆகியோர் அடங்குவர்.

இதையும் படிங்க: வீரியமெடுக்கும் "வாக்குத் திருட்டு"... ராகுல்காந்தியின் பேரணி இன்று முதல் தொடக்கம்!

அவரது தலைமையில், குழு மனித உடலில் விண்வெளி பயணத்தின் தாக்கம், புவி அவதானிப்பு, மற்றும் புதிய தொழில்நுட்பங்களை சோதித்தல் உள்ளிட்ட ஆய்வுகளை வெற்றிகரமாக மேற்கொண்டது. சுபான்ஷு சுக்லா இந்திய விமானப்படையில் விமானியாகவும், பயிற்சியாளராகவும் பணியாற்றியவர். அவரது விமானப்படை அனுபவமும், தலைமைத்துவத் திறனும் இஸ்ரோவால் விண்வெளி வீரர் பயிற்சிக்கு தேர்ந்தெடுக்கப்படுவதற்கு முக்கிய காரணமாக அமைந்தது.

இந்த நிலையில், வரும் 23 ஆம் தேதி டெல்லியில் நடைபெறும் விண்வெளி தின விழாவில் சுபான்ஷு சுக்லா கலந்துக் கொள்ள உள்ளார். இதற்காக அவர் இந்தியாவிற்கு வருகை தந்தார். அவருக்கு விமான நிலையத்தில் மத்திய அமைச்சர் ஜிதேந்திர சிங், டெல்லி முதலமைச்சர் ரேகா குப்தா, மற்றும் இஸ்ரோ அதிகாரிகள் பலர் உற்சாக வரவேற்பு கொடுத்தனர். இந்தியா வந்துள்ள சுபான்ஷு சுக்லா பிரதமர் மோடியை சந்தித்து கலந்துரையாட உள்ளார்.

இதையும் படிங்க: ஆட்டோவில் நடந்த அற்புதம்... வடமாநில பெண்ணுக்கு பிரசவம் பார்த்து உயிர்காத்த பெண் காவலர்...!