ரூ.10,000 கோடி முதலீட்டில் மெகா கப்பல் கட்டும் திட்டம்! கேரளாவில் தடம் பதிக்கும் டாடா குழுமம்!

கேரள மாநிலத்தில் சுமார் 10,000 கோடி ரூபாய் (1 பில்லியன் டாலர்) மதிப்பீட்டில் மிகப்பெரிய பிரம்மாண்ட கப்பல் கட்டும் (Shipbuilding) தொழிலைத் தொடங்குவதற்குத் டாடா குழுமம் விருப்பம் தெரிவித்து, அதற்கான அனுமதியைக் கோரி மாநில அரசிடம் விண்ணப்பித்துள்ளது. அண்மையில் நடைபெற்ற நேர்காணல் ஒன்றில் கேரள முதலமைச்சர் வி.டி.சதீசன் இந்த அதிரடித் தகவலை அதிகாரப்பூர்வமாக வெளியிட்டுள்ளார்.

டாடா குழுமத்தின் இந்த மாபெரும் உள்கட்டமைப்பு மற்றும் தொழிற்துறைத் திட்டத்தை கேரள அரசு மிகுந்த ஆர்வத்துடன் வரவேற்றுள்ளது. இது குறித்துப் பேசிய முதலமைச்சர் சதீசன், டாடா குழுமம் இந்த பிரம்மாண்ட திட்டத்தை எங்களிடம் முன்மொழிந்துள்ளது. இத்திட்டத்திற்குத் தேவையான நிலத்தை முழுமையாக வழங்க மாநில அரசு தயாராக இருக்கிறது. அடுத்த ஒரு மாதத்திற்குள் இந்த மெகா திட்டத்திற்கான அனைத்து அதிகாரப்பூர்வ ஒப்புதல்களும் தடையின்றி வழங்கப்படும் என்று திட்டவட்டமாகத் தெரிவித்துள்ளார்.

இதையும் படிங்க: மரண பிடியில் வயநாடு! கனமழை நிலச்சரிவில் சிக்கி 3 தொழிலாளர்கள் பரிதாப பலி!

டாடா குழுமத்தின் இந்த 10,000 கோடி ரூபாய் முதலீடானது கேரள மாநிலத்தின் தொழில்துறை வளர்ச்சியில் ஒரு மிகப்பெரிய வரலாற்றுத் திருப்புமுனையாகப் பார்க்கப்படுகிறது. இத்திட்டத்தின் மூலம் நேரடியாகவும், மறைமுகமாகவும் பல்லாயிரக்கணக்கான இளைஞர்களுக்குப் புதிய வேலைவாய்ப்புகள் உருவாகும். மேலும், இந்தியாவின் கடல்சார் வணிகம் மற்றும் உள்நாட்டிலேயே கப்பல் கட்டும் உள்கட்டமைப்பை உலகத் தரத்திற்கு உயர்த்துவதில் இந்தத் தளம் மிக முக்கியப் பங்கு வகிக்கும் எனப் பொருளாதார வல்லுநர்கள் கணித்துள்ளனர்.

இதையும் படிங்க: "இது பரம்பரை சொத்து.. யானை தந்த வழக்கில் மோகன்லாலின் பதில்..!