சிங்கிள் டிஜிட் செட்டாகாது! திருமா விடாப்பிடி! இரட்டை இலக்கத்தில் சீட் கேட்கும் விசிக! தொகுதி பங்கீட்டில் இழுபறி!!

தமிழக சட்டசபைத் தேர்தல் நெருங்கும் நிலையில், தி.மு.க. கூட்டணியில் தொகுதி பங்கீட்டில் இழுபறி நீடித்து வருகிறது. விடுதலை சிறுத்தைகள் கட்சி (வி.சி.) தலைவர் திருமாவளவன், முதல்வர் மு.க. ஸ்டாலினை சென்னை ஆழ்வார்பேட்டையில் உள்ள அவரது இல்லத்தில் சந்தித்து நேரடியாகப் பேசியுள்ளார்.

2021 சட்டசபைத் தேர்தலில் 6 தொகுதிகள் பெற்று 4 இடங்களில் வென்ற வி.சி., 2024 நாடாளுமன்றத் தேர்தலில் சிதம்பரம், விழுப்புரம் இரு தொகுதிகளிலும் வெற்றி பெற்றது. இந்தப் பின்னணியில், இந்த முறை “ஒரு லோக்சபா தொகுதிக்கு 6 சட்டசபைத் தொகுதிகள்” என்ற அடிப்படையில் 12 தொகுதிகள் கேட்டது. ஆனால் தி.மு.க. தரப்பு 6 தொகுதிகள் மட்டுமே ஒதுக்க முன்வந்ததால் பேச்சுவார்த்தை முடிவுக்கு வரவில்லை.

இந்நிலையில், திருமாவளவன் தனது கோரிக்கையை மேலும் உயர்த்தி, தமிழகத்தில் 8 தொகுதிகளும், புதுச்சேரியில் 2 தொகுதிகளும் உட்பட மொத்தம் 10 தொகுதிகள் ஒதுக்குமாறு வலியுறுத்தியுள்ளார். மேலும், போட்டியிடும் அனைத்து தொகுதிகளிலும் வி.சி. சின்னத்திலேயே போட்டியிட வேண்டும் என்றும் தெரிவித்தார்.

இதையும் படிங்க: தொடரும் இழுபறி! தொகுதி பங்கீட்டில் சிக்கல்..! முதல்வருடன் திருமாவளவன் சந்திப்பு..!!

இந்தக் கோரிக்கையை தி.மு.க. ஏற்கவில்லை. இதையடுத்து திருமாவளவன் நேரடியாக முதல்வர் ஸ்டாலினை சந்தித்துப் பேசியதாகத் தகவல் வெளியாகியுள்ளது. சந்திப்பின்போது தமிழகம் மற்றும் புதுச்சேரியுடன் சேர்த்து இரட்டை இலக்க தொகுதிகளை ஒதுக்குமாறு வி.சி. தரப்பு கேட்டுள்ளது.

தொகுதி பங்கீடு தொடர்பான பேச்சுவார்த்தை இன்னும் இறுதியாகவில்லை. வி.சி. தரப்பு தனது நிலைப்பாட்டில் உறுதியாக இருப்பதால், கூட்டணி பேச்சுவார்த்தை இன்னும் சிக்கலில் உள்ளது. அடுத்த சில நாட்களில் இந்தப் பிரச்சினைக்கு தீர்வு காணப்படுமா என்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.

இதையும் படிங்க: மு.க.ஸ்டாலின் கூடத்தான் பேசுவேன்!! தி.மு.க., குழுவுடன் பேச மறுக்கும் திருமாவளவன்! நீடிக்கும் இழுபறி!